تحذير هام ... احذر من توكيل السبع فى المنصورة

[احمد 2016]

تحذير هام
إحذر من نصب توكيل السبع فى المنصورة
......
ويستمر مسلسل المعناة للمواطن المصرى فى خدمة ما بعد البيع وضمان السيارات ولا يوجد خدمة لحماية المواطن
لقد قمت بشراء سيارة نيسان صنى 2015 وبعد اقل من ثلاث شهور افجاء ان البطارية الخاصة بالسيارة تعطلت قلت عادى بتحصل ايه المشكلة العربية فى الضمان رحت التوكيل افجاء ان يقلو فى نسبة تحمل عليك مش عارف كام فى المية المهم انى هدفع تقريبا 180 جنيه واصلا البطارية لو حبيت اشتريها من برة تمنها تقريبا من 400 الى 500 جنيه يعنى انا بشترى عربية زيرو عشان لما يحصل مشكلة فى عيب التصنيع ادفع برده !!!!!!!!!!!!!!
المهم تذمرت على طلبهم فى التوكيل الى هو توكيل المنصورة مركز خدمة السبع الى للاسف معاملته سيئة جدا جدا جدا
ولما تذمرت رجعو بلغونى انى هدفع 15 جنيه فقط ورد الموظف قالى عشان انت صعبت علينا بس نزلنا لك التكلفة ضحكت ضحكت سخرية ومش رديت عليه

بعد كدا اكتشف ان فيه مشكلة فى بوهية اكصدامات العربية
وان البكرة الخاصة بقلب نظام التكييف باظت
ومش عارف كل دا من ايه وليه
المهم رحت ليهم بلغتهم بالمشكلة الخاص بالسمكرة اسمه المهندس مصطفى قالى هصورها وابعتها للمصنع لازم يرد
والمهندس محمد السيد استقبال صيانة قالى هبلغ المصنع بمشكلة التكيف والى بايظ قطعة اسمها هاوزينج تكيييف وهنكلمك لما تيجي وفضلت منتظر اتصالهم تمر ايام واسابيع وشهور وبعد كدا جه ميعاد الصيانة الجديد قلت اتصل بقسم قطع الغيار للاسف مردش على التيلفون رحت حاجز صيانة ورحت على ميعادى قلت اكيد القطعة جت وجه ردود المصنع عشان يوافق على يعملى الشغل ضمان مع ان دا من حقى المفروض يتعمل وقتى زي كل التوكيلات المحترمة ورحت وكانت المفجائة النهردة انه بيقلى انا عايز اتاكد انه بايظ قلت له منتا قايل ليا المرة الى فاتت انه بايظ وانتظر القطعة تيجي قالى والله انا قلت كدا قلت له اه قالى طيب استنى اتاكد من وجود القطعة ورجع قالى القطعة مجتش سالت موظف السمكرة قالى نسيت ابعت الصور الخاصة بالاكصدمات للشركة قلت لا حول ولا قوة الا بالله طيب انت ليه بتكرهو الواحد فى نفسه ضحك ومردش عليا وطلع صور العربية تانى رجع قالى هنبعتها واتصل بيا بكرة رحت عشان احاسب على الصيانة الى مش عارف هيا ايه وغيار اللزيد المبلغ 620 جنيه ههههههه مش عارف ليه ولاقيته بيقلى فى الكشف لاقينه انك مش مركب تيل اصلى وبوظ التنابير ولازم تغيرها هيا والتيل قلت له يا استاذ انا مركب تيل اصلى والعربية ضمان قالى التيل راكب برة التوكيل وهيكلفك 2150 جنيه على اساس ان الواحد اول مرة يركب عربيات ويركب لها تيل
قلت له لا شكرا مش عايز مش بتقول التنابير طلعت من الضمان هعملها انا برة اوفر على الاقل هيعالجو المشكلة مش هيغيرو التنابير كلها
ودفعت ال 620 جنيه ومستنيهم يحنو عليا عشان يعملو مشاكل العربية بتاعتى نصيحة لكل موظان النيسان عربية جميلة لكن خدمة العملاء لو كلها زي مركز السبع احذرو من شرائها هتندمو والله هيدفعكو فى الصيانة اكتر من تمن العربية وفى اقرب فرصة هبيعها واشوف حاجة لها توكيل نضيف ال 120 الف الى ادفعو فى العربية كنت ركبت بي ام وصرفت عليها بقى زي مهما عايزنى اصرف ويبقى اسمى راكب عربية بجد حسبي الله ونعم الوكيل وربنا يرحمنا ويجعل للمواطن حق فى البلد دى يحميه بعد البيع