العودة   مصر موتورز مجتمع السيارات > سوق السيارات فى مصر موتورز > سوق السيارات المصرية > المرور والشهر العقارى

المرور والشهر العقارى خاص بالمواضيع عن قانون المرور وإجراءات الشهر العقارى والقوانين المنظمة للمرور والتراخيص ومخالفات المرور


إضافة رد
 
أدوات الموضوع
  #1  
قديم 23-02-2014, 01:36 PM
ahmedabdu ahmedabdu غير متواجد حالياً
 
تاريخ التسجيل: Feb 2014
المشاركات: 1
ahmedabdu will become famous soon enough
افتراضي خطوات نقل ملكيه سياره مستعمله من مرور الى أخر 2014

السلام عليكم
انا لسه مخلص الموضوع ده و حبيت أنقلكم الى حصل لتعم الفائده
1- بعد ما ربنا يكرمك و تشترى السياره و يكون معاك عقد مسجل و كل التوكيلات - ان وجد- و شهاده المخلفات و أيصال سداد الرسوم فى الشهر العقارى تروح للمرور الى تبع محل سكنك الى فى البطاقه هتروح تشترى كل أوراق الترخيص وهم 3 ورقات نموذج تجديد و نموذج فحص فنى ونموذج فحص بيئى وصل الطفايه
2- تروح لمهندس الفحص هياخد بصمه الموتور و رقم الساشيه و هيكتبلك على ظهر ورقه الفحص الفنى خطاب موجه للمرور الى العربيه مترخصه حاليا فيه يطلب منهم تأكيد بيانات العربيه فى الملف عندهم و يختمهولك
3-تاخد الجواب ده و تروح بيه مرور العربيه القديم لشباك تأكيد و مراجعه البيانات هينادى عسكرى يجبلك الملف بتاعك و بعدين هيرد عى الجواب فى نفس الورقه بأن البيانات سليمه و مطابقه للملف و ان الملف موجود و يختم
4- تروح لضابط المباحث الى فى نفس وحده المرور يعمل بحث أمنى ان السياره مش متبلغ عنها او مسروقه
5- تاخد الجواب و ترجع للمرور بتاعك و تروح للمهندس الفحص تانى هيكتب بيانات العربيه و ياخد بصمه الموتور و رقم الساشيه
و بعدين تكمل الأجرائات العاديه تدفع الرسوم والتأمين الأجبارى و تشترى طفايه او تجيب بتاعتك معالك يكتبلك انها صالحه
6- و تستلم رخصتك بعد كده و بتكون مؤقته تلت او سته شهور و بيتكتب عليها لحين ورود الملف و تيجى بعد كده لو الملف جيه يجددهالك ببقيه المده لو مجاش بجددهالك مؤقته تانى
7- اخر حاجه موضوع النمر لو المرور الى هتنقل فيه ماشى فى النمر ينفس طريقه المرور الى جاى منه مش هتحتاج تغير النمر
يعنى لو المرور القديم ماشى تلت حروف و تلت ارقام و الجديد نفس الكلام مش هتتغير النمر انما لو ولحد فيها مثلا اربع ارقام و التانى تلاته هتضطر تغير



الى فوق ده الكلام الرسمى :

الى حصل معايا الأتى:
1- رحت المرور الجديد " الزيتون" اشتريت كل الورق من الخزنه دخلت للمهندس قالى بالنص هات عشرين جنيه وكتبلى الجواب
2- رحت المرور القديم " البساتين" لقيت مالا يقل عن 3000 بني أدم و طوابير كتييييييييير خرجت سئلت بره المرور مين هنا بيخلص أجرائات جالى واحد كده شكله شمام خد منى الجواب و ادى للعسكرى 10 جنيه جاب الملف فى ثوانى و المهندس عشره جنيه تانيه مضالى الورقه من غير ميبص على الملف اصلا واديت للشمام عشرين جنيه
3- رحت لضابط المباحث قالى الكمبيوتر بايظ وراح مدينى قصقوصه ورق لضابط مباحث الأميريه .. عنايه فلان الفلانى صباح الخيرات رجاء الأستعلام شكرا و ختمهالى بأسمه
4- طلعت على قسم الأميريه قالى معندناش كمبيوتر أستعلام أصلا !!! و الحل يا حضره الأمين !!! قالى هات عشرين جنيه... وكتبلى وهو قاعد تم الأستعلام ونقل البيانات من الرخصه و ألف رقم موبايل صاحبه العربيه كمان معرفش ليه وختمها
5- رحت لمهندس التراخيص اديته الورقه و الرخصه ومدتوش فلوس زعل ... وقالى شكلك عايز تأنسنا شويه أديتو 10 جنيه كملى الورق ورق وقالى خد الطفايه و روح أختمها
6- رحت عند شباك التجديد اديتها الورق فاضى كله مش مترتب بصيتلى كده وقايتلى الورق فاضى اديتها 50 جنيه مليته كله وأديتنى أيصال اسدده فى الخزنه دفعت ورجعتهلها قاليتلى ارتاح و بعد 10 دقايق بضبط جابتلى الرخصه و جت



رد مع اقتباس
  #2  
قديم 24-02-2014, 08:51 AM
الصورة الرمزية AbOnOrA
AbOnOrA AbOnOrA غير متواجد حالياً
Aِِbo(Nora&Islam&Judy)
Wael Magdy Salah
من انا؟: ابو نورا واسلام
التخصص العملى: IT Consultant
هواياتي: Computers, Automotives
 
تاريخ التسجيل: May 2008
الموقع: ام الدنيا مصر
المشاركات: 17,076
AbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond repute
افتراضي رد: خطوات نقل ملكيه سياره مستعمله من مرور الى أخر 2014

جزاك الله كل خير على الافادة القيمة
انا هخوض المعركة ديه اليومين الجايين ان شاء الله بس مع رخصة منتهية كمان
__________________



اخر موضوعاتى
قريباً تقرير وتجربة اداء دايهاتسو تريوس * تويوتا راش

رد مع اقتباس
  #3  
قديم 24-02-2014, 01:04 PM
egypt_fiancee egypt_fiancee غير متواجد حالياً
 
تاريخ التسجيل: Jun 2013
المشاركات: 45
egypt_fiancee is on a distinguished road
افتراضي رد: خطوات نقل ملكيه سياره مستعمله من مرور الى أخر 2014

هههههههههه الله ينور عليك والله
انا كمان داخل على الموضوع ده كمان يومين وربنا ييسر الحال ويسهل الامور
رد مع اقتباس
  #4  
قديم 11-04-2014, 01:09 AM
SAMER_ENGINES SAMER_ENGINES غير متواجد حالياً
 
تاريخ التسجيل: Apr 2012
المشاركات: 85
SAMER_ENGINES has a spectacular aura aboutSAMER_ENGINES has a spectacular aura aboutSAMER_ENGINES has a spectacular aura about
افتراضي رد: خطوات نقل ملكيه سياره مستعمله من مرور الى أخر 2014

و انا كمان لسه شارى و الرخصة منتهية و هخوض المعركة كمان يومين و ربنا يسهلها
رد مع اقتباس
  #5  
قديم 22-04-2014, 12:15 PM
anuj0990 anuj0990 غير متواجد حالياً
من انا؟: 99th.co.in is the leading search directory for India. Here one can find the verified companies in an
 
تاريخ التسجيل: Apr 2014
المشاركات: 1
anuj0990 is on a distinguished road
افتراضي رد: خطوات نقل ملكيه سياره مستعمله من مرور الى أخر 2014

This is very useful information shared here. I am really thankful for this.
__________________

http://www.99th.co.in
رد مع اقتباس
إضافة رد

الكلمات الدليلية
المرور, الشهر العقارى, نقل ملكية السيارة

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 10:53 PM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017