حمى الكيا سيراتو الجديدة

[wawoo]

المشاركة الأصلية كتبت بواسطة hazem_khidr لا يا واو اختلف معاك في الشرح دا ويكيبيديا مش مرجع لان اللي بيكتب فيها ناس عاديين برضه فمش لازم كلامهم كله يكون صح التريوس مش هاتش باك اطلاقا و هيا suv(سبورت يتوليتي فيكيل) يعني السياره متعدده الاستخدامات و هيا تفريعه من سيارات الفور باي فور اذا جاز التعبير و معموله للي غاوي شكل الفور باي فور و قدرات اعلي من السيارات السيدان و معموله للاستخدام داخل المدينه اكتر من الاستخدام في الصحاري. اما بالنسبه ان التصنيف دا لاوربا مش لينا فدا برضه غلط لان التصنيف واحد في كل مكان يعني عندك كل العربيات الفور باي فور بباب خلفي زجاجي لكن لم يجرؤ احد و سماها سياره هاتش باك بل هي فئه الدفع الرباعي مش هاتش باك لان مافيش حاجه اسمها فئه الهاتش باك فيه فئات زي الميني و الكومباكت كارز و الصب كومباكت و و و الخ الخ الخ و كل فئه فيه منها سيدان و هاتش باك الهاتش باك شكل مش فئه

شكرا يا حازم على رايك , و انا عارف ان التصنيف للسيارت واحد فى كل مكان , لكن للاسف عندنا فى مصر مافيش التصنيفات دى لان الجهل منتشر زى ما انت عارف , انا كنت اقصد يعنى ان اللى بيشترى ماتركس ميعرفش حتى التصنيفات دى , طيب انزل الشارع كدة و وقف اى واحد راكب ماتركس و اقولة دى عربية تصنيفها اية مش حيعرف .

و التصنيفات دى اتعملت لاستخدام السيارت مش لتصنيفات تصميمها , و الغرض هو تصنيف احتياجات الزبائن لتصميم مودلات تناسب احتياجتهم و عمل مقارانات بين سيارت من نفس الفئة بالنسبة للمتخصصين .

انما مصطلح هاتش باك دة مصطلح عام تدخل تحتية سيارت كتير زى ما انت شوفت فى التصميم .
انما فى الاستخدم و طبيعة كل سيارة ظهرت التصنيفات الاخرى دى , دة لا يمنع انها برضو تدخل تحت التصنيف الاصلى .

و شكرا ليك على الحوار العلمى

[sam ram]

على فكره يا واو ... انا معايا ماتريكس .. وعارف انا راكب ايه ..
بس انت معاك حق ...كلمه هاتش باك كلمه عامه لاي عربيه من غير شنطه صريحه
لانها كلمه عامه لاي عربيه ضهرها قطش
يعني الاستيشت او التورر او السبورت باك او الفاست باك او ,,,,,, كل دول يقال عليهم مجازا هاتشباك
لكن معتقدش ان دول العربيات اللي انت تقصدهم لما بتقول هاتشباك ,,,
لانك بتتكلم عن الابيزا و البولو و الكليو و ... اللي هما هاتشباك صريح و لا يطلق عليهم الا هاتشباك
اما لو كنا بنتكلم عن الاوكتافيا و الشيروكي و الانسينيا تورر والميجان ستيشن .... يبقى كلامنا ملوش اي لازمه ... لان العربيات دي زيها زي السيدان
والناس اللي بتشتري ماتريكس ومش عارفه هي ايه ... بتفتكرها 4*4
ولو وقفت واحد راكب تيريوس وقلت له عربيتك هاتش ... إبقى اتشاهد على روحك الاول

[sam ram]

اه صحيح ....
الماتريكس ممكن تصنف كمان ميني فان ...
يعني ممكن نقول ان الكيا كارينز و الكارنيفال والرينو سينيك كمان هاتشباك..
بس في رأي ... أحسن عربيه هاتشباك ... هي الهامر (هزار)

[wawoo]

المشاركة الأصلية كتبت بواسطة sam ram اما لو كنا بنتكلم عن الاوكتافيا و الشيروكي و الانسينيا تورر والميجان ستيشن .... يبقى كلامنا ملوش اي لازمه ... لان العربيات دي زيها زي السيدان والناس اللي بتشتري ماتريكس ومش عارفه هي ايه ... بتفتكرها 4*4 ولو وقفت واحد راكب تيريوس وقلت له عربيتك هاتش ... إبقى اتشاهد على روحك الاول

تمام يا سامح باشا ....و انا طبعا لم اكن اقصدك كل اللى راكبين ماتريكس بكلامى السابق , لان فى ناس فاهمة طبعا زى حضرتك كدة هى ركابة اية و تصنيفها اية .

و زى ما انت شوفت كدة ممكن العربية تدخل تحت كذا تصنيف حسب تصميمها و حسب استخدماها .

و يبقى احنا فى كلمنا نفرق بقى بين العرف و السائد عن معظم الناس من معلومات و بين التصنيف العلمى السليم للسيارت حسب تصميمها فعلا .

و عموما الماتريسك مثلا لها تصميم خاص , لكن هى فى رايى الشخصى تدخل فى نتاطق الهاتش باك المتعارف علية عند الناس برضو و ان كانت اكبر شوية من الهاتش باك العادين زى البولو و الايبزا و خلافة ....

يعنى الخلاصة الى احنا وصلنلها ان المصريين محتاجين سيارت ذات شنطة وقدرة تخزينة كبيرة , لان احتياجتهم و اغرضهم كتير زى ما انت ذكرت فى مشاركة سابقة ....تمام

[ahmed_kamel]

مبدأيا أنا لا بهاجمك ولا غيره ياواو .... لأني ببساطه ماأعرفكش عشان أكون ضدك في شيء بسبب خصومه سابقه مابيننا ولا غيره أنا مش أكتر من واحد شاف حاجه وحابب يعدلها (وربنا يسامحك ويسامحني لو كنت أقصد أتريق عليك أو على أي حد)


مبدأيا الأوكتافيا سيارة يطلق عليها LIFTBACK وهذا معناه أنها سياره إما سيدان ولكن شنطتها مربوطه بالزجاج الخلفي لخلق مساحه عموديه أكبر للشنطه ولتسهيل التحميل لها ... أو سياره ذات بابين (وممكن تكون على فكره ذات طابع رياضي) والزجاج الخلفي لها ذو مساحه واسعه وأشبه بكونه زجاج أفقي أكثر من رأسي وذلك لتغطية ذيل السياره الطويل (وهذا يتنافى مع مبدأ الهاتشباك)
وإليك أمثله بالصور عشان تفهم قصدي ..... ووالله ماكنت بتريق في عرض موضوع الفرخه ولا القطه والحاجات ديه بس عشان حبيت أفهمك وأفهم الناس أن الآيه لاتقرأ حتى نصفها ونجري بمعنى ماينفعش ناخد جزء من معلومه ونجزم بصحة نظريتنا
فمثلا كما سبق وقلت (ماينفعش أقول من يمشي على رجلين يبقى إنسان وأسكت ....ده معناه برضه إن الفرخه إنسان ...حاول تفهم مغزى الكلام)
كذلك (ماينفعش أقول كل من ليست له شنطه تفتح لوحدها بدون زجاج واضحة المعالم تبقى عربيه HATCHBACK)

أمثله مصوره لكلامي



1: هذه سياره من تويوتا وهي سياره رياضيه(سوبرا موديل 1982) هل تعتقدوا أنها هاتشباك ولاLIFTBACK



2: سياره أخرى من تويوتا وهي رياضيه أيضا (سيليكا) هل هي هاتشباك أو ليفت باك




3: بي إم دبليو القادمه (جي تي -جران توريزمو- 5) هل تعتقدوا أنها هاتشباك ولا LIFTBACK





وعشان نكون أمناء مع بعض ونقدر نفتح مع بعض قناة تواصل جديده (لأنها لم تكن مغلقه أصلا) نقدر نقول مثلا (مش تريقه عشان ماتفهمنيش غلط)
أن
الأسود من فصيلة القطط
النمر أيضا .......إلخ لكن
الأسد مش زي القطه

كذلك نقدر نقول إن الهاتشباك عربيه بخمسة أبواب أو ثلاثة أبواب لكن
مش ممكن يكون الميكروباص زي الجولف !!!!!!!!!؟؟؟؟؟؟؟؟؟؟