انا ناوى ارش حتت من عربيتى !!!

[pharm45]

السلام عليكم يااغوال المنتدى الراائع ده
انا ان شاء الله ناوى قريب جدااا ارش شوية حاجات فى العربية عندى تويوتا افانزا
وكنت عاوز اعرف منكم شوية حاجات ..بس والنبى اللى يعرف معلومة ميبخلش عليا دا انا غلباااان
1- طيب بصوا انا كان عندى حتة فى الشنطة كنت مستعدلهامن خبطة من قيمة سنتين على البارد وطبعا هى فيها شوية تعريجات ومش زى ما تتعمل بالنار شوية..هل لو خليت الراجل يمعجنهالى هتتساوا كلها؟؟؟
2-كمان عندى الحتة المتسعدلة دى فيها بارومة خفيفة شوية وانا كنت سايبها كل الفترة دى من غير ما تتصنفر..هل لا قدر الله ممكن تكون نشرت فى حتت تانية تحت الدهان؟؟
3- وهل لما الراجل البوهيجى لما هيجى يرش الشنطة لو اتمعجنت لازم هيرش الشنطة كلها ولا الحتت دى بس؟؟وهيرش الشنطة كلها ازاى وهى معلهاش معجون ؟؟
4- اخر سؤال معلش تعبتو معايا ربنا يكرمكم ما الفرق بين المعجون اللى لونه احمر واللى لونه ابيض؟؟؟هل يفرق فى الجودة؟؟؟ومنين اجيب للراجل الدهان عشان مش هخليه يشتريه عشان بس ميضحكش عليا فى السعر؟؟

معلش الاسئلة كترت بس والنبى اللى يقدر يجاوب يجاوب ربنا يخليلكم عربياتكم

[ahmed el gendy]

بص يا باشا البرومه ممكن تكون انتشرت تحت الدهان عادي جداا والسمكري هيدق علي الدهان لحد ما يجيب اخر البرومه بس لو الدوكو اللي ف العربيه الاصلي صعب ينتشر تحت الدوكو الاصلي لانه بيمنع الصدأ ممكن يرش الشنطه كلها وده الافضل وممكن يرش المنطقه المخبوطه بس بس ممكن النتيجه ما تكونش مرضيه قوووي لك ورش الشنطه مش مشكله علي فكره اهم حاجه القوايم اللي وره ما يلمسهاش دوكو هي والسقف عشان لما تيجي تبيع والسمكري الشاطر يقدر يخلي العربيه من غير اي تعريجات خااالص ولو فيه حاجه بسيطه بتاع الدوكو طبعا يضبطها عادي

[pharm45]

لا الدهان اصلى ومش مرشوشة قبل كدة...ربنا يستر بقى ومتكونش انتشرت البرومة..اصلى اهملتها سنتين
طب الحتة المعرجة دى لو خدتها حتة بالنار كدة عشان ترجع زى الباقى هل هيحتاج ساعتها يرش الشنطة كلها..اصلى مش عاوز اوقع البوية الاصلية عشان كدة وارش بس الحتة اللى كانت مخبوطة