حل لاى مشكلة خاصة بالسيتروين والبيجو والرينو واجابه لاى استفسارات مجانا

[ghamry1]

شكرا اخ فريد علي الموضوع
انا عندي مشكلة وهي
انا معايا رينو رينبو 99
حصلت ليا مشكلة وهي وانا ماشي عادي جدا بس يكون مشوار متوسط مثلا 5 ك اسحب بالعربية مفيش مشكلة اجي اهدي بالعربية في اي اشارة واقف العربية تبطل ومترداش تشتغل تاني الا لما افتحعمة الكربراتير واحط فية شوية بنزين العربية تشتغل تاني وممكن متقطع وممكن تقطع تاني وفي مرة لما عملت كدة مشيت ولما مشيت علي التاني نتشت مني كام مرة كدة وبعد كده عادي
في ناس قلتلي غير طرمبة البنزين غيرتها برضو نفس المشكلة
طيب ظبط الكربراتير ظبة عند احسن واحد وفي شبرا ياسر عمل اكس و2 باب وتنظيف وصيانة شاملة
قلولي طبي بطرية لسه مغيرها من اسبوعين
قلولي شوف الموبينا رحت للكهربائي قلي تمام
انا مش عارف امشي بالعربية من اسبوعين مش عارف العيب ممكن يكون في ايه
يا ريت لو حد عارف يدلني انا هتجنن

[aasstt]

ما سبب الاتى و ما الحل
عندى اكسارا 1 موديل 2000 مانيول بتسخن جامد عند السير ببطء او الوقوف و الحرارة بتقترب من 120 و عند السير بسرعة120 تنخفض الى 45
مشكلة اخرى دواسة البنزين بتعلق
مشكلة ثالثة الفتيس غير ناعم
و شكرا

[mahmoudnada80]

السلام عليكم
معايا عربيه اكسارا بيكاسو مو 2003 مانيوال 2000 سي سي
المهم العربيه يوم العيد غسلتها في البنزينه وانا راجع البيت مفيش مشكله خالص
ببطل العربيه مش عايزه تبطل شيلت المفتاح من الكونتاكت برده العربيه دايره ببص علي ال BSI لاقيته والحمد لله فيه مياه شيلت الكابل وبعد العيد خفت امشي بالعربيه لغايه الحرفيين ففكيته وروحت لواحد اعرفه في الحرفيين قالي هنظفه لانه سليم قلت ماشي رجعت البيت ركبته نفس المشكله الكونتاكت مفتوح والمفتاح في ايدي
ارجو الرد في اسرع وقت

[mustang lover]

السلام عليكم ورحمه الله وبركاته

بعد نصياحكم الغاليه ليا وبعد ما تعبتكوا باسئلتي الكتير ..توكلت علي الله وجبت عربيه اكسارا-1

بس في مشكله.....عداد الكيلومتر اللي هوا ديجيتال زي ما انتو عرفين...عندي فاصل
هوا مش فاصل اوي ..هوا بيجب شُرط كده....ولما رحت للكهربائي للاسف معرفش يعملوا بس لما كان بيدوس علي حته البلاستيك اللي واصله بين الشاشه وبين اللوحه كانت الشُرط دي بتتغير ...وهوا قلي ان العيب في حته البلاستيك دي اللي واصله بالشاشه
فياريت لو حد يدلني علي حل المشكله دي..او لو في حد ممكن اروحه يعملهالي ....لاني لو ملهاش حل هضطر اجيب طقم عدادات جديد...مستني ردكم ضروري لاني مش الموضوع ده هيخليني معرف اغير الزيوت امتي واعمل صيانه امتي

وياريت تقولولي سعر طقم العدادات جديد واستراد بكام

الف شكر

[zeca]

صباح الخير يا باشمهندس معاك المهندس حازم
عربيتى c4 طالعة من حادثة شاشة بيانات السرعة تعطى 0 عند تشغيل الموتور و بعدها لا تعطى اى شئ واناماشى وعوامة البنزين تعطى اشارة كاذبة
مفتاح الريموت لايعمل كم تكلفة التصليح فى المشكلتين؟
شكرا