العودة   مصر موتورز مجتمع السيارات > منتديات السيارات العامة > منتدى السيارات العام

منتدى السيارات العام المنتدى الرئيسي بالموقع ، حيث يحتوي على كل المواضيع العامة عن السيارات نقاشات المنتدى اخبار السيارات فى مصر والخليج والعالم


موضوعات متميزة

إضافة رد
 
أدوات الموضوع
  #1  
قديم 13-08-2011, 04:42 AM
waelbaha waelbaha غير متواجد حالياً
 
تاريخ التسجيل: Jul 2009
المشاركات: 127
شكراً: 2
تم شكره 0 مرة في 0 مشاركة
waelbaha has much to be proud ofwaelbaha has much to be proud ofwaelbaha has much to be proud ofwaelbaha has much to be proud ofwaelbaha has much to be proud ofwaelbaha has much to be proud ofwaelbaha has much to be proud ofwaelbaha has much to be proud ofwaelbaha has much to be proud of
غاضب جدا نفسي اعمل مشروع ومش عارف ابدا منين

سلام عليكم يا جماعه
طبعا العنوان واضح انا محتاجكم في ايه
المشكله يا اخواني اني عاوز من فترة اعمل مشروع له صله بعالم السيارات لكن مش عارف احدد ايه هو بالظبط وكمان مش عارف ابدا منين واسال مين لحد ما ربنا هداني لطرح سؤالي عليكم ويارب الاقي الفكرة اللي بادور عليها من فترة
فكرت في حاجات كتير زي مثلا
مغسلة عربيات
ورشه صيانه
قطع غيار
اكسسوارات
لكن في كل مرة باقابل مشكلتين
المشكله الاولى هي ايجاد المكان المناسب لكل نشاط يكون فين وشروطه ايه
وخصوصا اني من سكان القاهرة وعايش في منطقة العبور
المشكله التانيه هي المعرفه بالمجال نفسه لاني ماعنديش سابق خبرة في مجال البيع او الصيانه طبعا وكنت فاكر اني اجيب صنايعي يساعد في الشغل (المغسله-الصيانه) او اي بياع خبرة يساعد في حالة قطع الغيار بس لقيت ناس كتيرة بتقوللي ماتسلمش نفسك لصنايعي ولازم تكون عارف في الشغل وتقدر تعمله بايدك علشان ماياكلش منك المشروع وفي الاخر تتبهدل
فلقيت اي حاجه بافكر فيها باصطدم بنفس المشكله وهي الاعتماد على الصنايعيه او البائعين لاني زي ما قلتلكم راجل بتاع حسابات وعمري ما عملت حاجه غيرها فمش عارف اعمل ايه في المشكله دي كمان
الميزة الوحيده اللي عندي هي ان اخويا مهندس سيارات وبيشتغل حاليا في مركز صيانه وممكن اعتمد عليه فيما بعد بس خبرته العمليه برده لسه قليله ولم يعمل في الصيانه لانه بيشتغل في الاستقبال وطبعا تعرفوا ان اللي بيشتغل في الاستقبال مابيعرفش يمارس بايده الشغلانه وبيكون مجرد مبيعات وشغل بهوات من الاخر
افيدوني اعمل ايه وابدا ازاي وادخل المجال ده ولا لا ولو من رايكم اني ابعد عن المجال ده لو مش مناسب ليا طيب ياترى افكاركم ايه في اي مشروع تاني لاني قربت يجيلي حاجه في دماغي من كتر التفكير وفي نفس الوقت القرشين بيخلصوا على الفاضي ونفسي الحق نفسي وابدا مشروعي باسرع وقت ممكن
يارب الاقي عندكم ضالتي وانا متاكد انكم مش حتخذلوني بافكاركم الطيبه ونصيحتكم الامينه
رد مع اقتباس
  #2  
قديم 13-08-2011, 07:02 AM
الصورة الرمزية AbOnOrA
AbOnOrA AbOnOrA متواجد حالياً
Aِِbo(Nora&Islam&Judy)
Wael Magdy Salah
 
تاريخ التسجيل: May 2008
الموقع: ام الدنيا مصر
المشاركات: 16,855
شكراً: 2,497
تم شكره 2,160 مرة في 1,171 مشاركة
AbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond repute
افتراضي رد: نفسي اعمل مشروع ومش عارف ابدا منين

بص يا وائل باشا
لو انت معندكش خبرة هتتعلم بس التعليم مش ببلاش ولازم هتخسر مرة واتنين لحد ما تتعلم
فهل انت عندك استعداد تخسر وتصبر لحد ما تتعلم ولا لاء
اما لو فاكر انك ممكن تشتغل وتحتيك صنايعية وانت مش فاهم حاجة فى الصنعة يبقى لازم هتفضل تخسر
لازم تبقى فاهم فى الشغل وليك رؤية كمان علشان تتميز وعلشان ميدحكش عليك من الصنايعية
كمان لازم تبقى عندك استعداد للتعامل مع الصنايعية عموما بمستواهم الثقافى بطريقة كلامهم بدلعهم وحركاتهم وحوارتهم وتحت الاخيرة ديه حط ميت خط

ديه مبادىء عامة لازم تحسمها بنفسك وفى دماغك الاول والباقى كله ليه حلول نفكر فيها مع بعض
__________________

اشهر مواضيع AbOnOrA .




اخر موضوعاتى
قريباً تقرير وتجربة اداء دايهاتسو تريوس * تويوتا راش

رد مع اقتباس
  #3  
قديم 14-08-2011, 04:37 AM
waelbaha waelbaha غير متواجد حالياً
 
تاريخ التسجيل: Jul 2009
المشاركات: 127
شكراً: 2
تم شكره 0 مرة في 0 مشاركة
waelbaha has much to be proud ofwaelbaha has much to be proud ofwaelbaha has much to be proud ofwaelbaha has much to be proud ofwaelbaha has much to be proud ofwaelbaha has much to be proud ofwaelbaha has much to be proud ofwaelbaha has much to be proud ofwaelbaha has much to be proud of
افتراضي رد: نفسي اعمل مشروع ومش عارف ابدا منين


المشاركة الأصلية كتبت بواسطة AboNoRa مشاهدة المشاركة

بص يا وائل باشا
لو انت معندكش خبرة هتتعلم بس التعليم مش ببلاش ولازم هتخسر مرة واتنين لحد ما تتعلم
فهل انت عندك استعداد تخسر وتصبر لحد ما تتعلم ولا لاء
اما لو فاكر انك ممكن تشتغل وتحتيك صنايعية وانت مش فاهم حاجة فى الصنعة يبقى لازم هتفضل تخسر
لازم تبقى فاهم فى الشغل وليك رؤية كمان علشان تتميز وعلشان ميدحكش عليك من الصنايعية
كمان لازم تبقى عندك استعداد للتعامل مع الصنايعية عموما بمستواهم الثقافى بطريقة كلامهم بدلعهم وحركاتهم وحوارتهم وتحت الاخيرة ديه حط ميت خط

ديه مبادىء عامة لازم تحسمها بنفسك وفى دماغك الاول والباقى كله ليه حلول نفكر فيها مع بعض

شكرا يا ابو نورا على نصيحتك الغاليه وهي سليمه مليون في الميه
بس احب اقولك اني عاوز اتعلم طبعا ومش عاوز اعمل فيها مدير وافرح بشوية صنايعيه يمشوا الشغل وانا قاعد كده زي الباشا
بالعكس انا عندي استعداد حتى اغير الزيت بايدي علشان اتعلم وماحدش يمسكني من ايدي اللي بتوجعني
اذا كان كده وخلصنا من النقطه دي ممكن ننتقل للنقطه اللي بعدها وهي
لو بافكر في المقارنه بين محل قطع غيار ومحل اكسسوارات تختاروا اي نشاط والمحل يكون فين - بمعنى هل لازم يكون المحل في وسط منطقه ورش ولا ممكن يكون في مكان بعيد عن الورش؟
طيب لو ماينفعش قطع غيار ولا اكسسوارات والكلام حيكون على الصيانات
يبقى اي نوع من صيانة السيارات تفضلوها
الصيانات السريعه زي الغسيل والزيت وووو خلافه؟
الترصيص والزوايا والكاوتش؟
التكييف؟
السمكرة والدوكو؟
الميكانيكا؟
الكهرباء؟
ايه تاني حد يساعدني
رد مع اقتباس
  #4  
قديم 15-08-2011, 11:10 AM
الصورة الرمزية aymangalal
aymangalal aymangalal غير متواجد حالياً
 
تاريخ التسجيل: Sep 2009
الموقع: امبابة
المشاركات: 1,185
شكراً: 82
تم شكره 28 مرة في 24 مشاركة
aymangalal has a reputation beyond reputeaymangalal has a reputation beyond reputeaymangalal has a reputation beyond reputeaymangalal has a reputation beyond reputeaymangalal has a reputation beyond reputeaymangalal has a reputation beyond reputeaymangalal has a reputation beyond reputeaymangalal has a reputation beyond reputeaymangalal has a reputation beyond reputeaymangalal has a reputation beyond reputeaymangalal has a reputation beyond repute
افتراضي رد: نفسي اعمل مشروع ومش عارف ابدا منين

اولا خد بكلام ابو نورا العلّامة فى المجال ده ....
وطالما حضرتك عندك استعداد للبداية بكل تعبها وخسايرها يبقى ندخل على تنى نقطة (الاختيار)
نحط شوية اسئلة مع بعض ونحاول نجاوب عنها
طالما كده كده مش عارفين اى حاجه معينة (تجارة-صيانة-..... الخ) يبقى اللى هايحكمنا نمرة 1 هو رأس المال يعنى شوف امكنياتك ايه وفكر فى حد 3/4 المبلغ اللى معاك بحد اقصى 80% يعنى لو معاك مثلا 100 الف اعمل حسابك المشروع ما يعديش 80 الف تمام؟؟؟
كل ما كبر رأس المال كل ما الاختيارت بتبقى اسهل وخصوصا المكان وده اساس اى مشروع او فكرة مشروع المكان اللى بتفتح فيه لو عندك فى العبور اعمل دراسة للمكان شوف ناقصة ايه ؟؟؟
خدمات : غسيل- كاوتش- ترصيص
صيانة:ميكانيكا-كهرباء - تكييف-عفشة- ......الخ
تجارة: قطع غيار - اكسسوار وكماليات .....
لغاية كده بقى عندنا 3 محاور نفكر فيهم على حسب اولا: رأس المال ثانيا: متطلبات المكان
لان طبعا كل مكان وله احتياجاته كويس

من ناحية الخدمات اساسى فيها مستوى الخدمة اللى بتقدمها يعنى الغسيل مثلا يكون من الاخر وباسعار معقولة ومنافسة ومعامله حلوه وبعض الحركات (هدايا وكلام فارغ كده زى العروض)
من ناحية الصيانة: تعتمد فى المقام الاول على مهارة الصنايعى ثم ضميرة ثم اجرته
من ناحية التجارة اهم شىء المصدر اللى بتشترى منه (تاجر جمله-مستورد-مصنع) وكل ما كان السعر اللى بتشترى بيه اقل كل ما كان المكسب اكبر وماتنساش عامل الجوده حاول توفره على قد ماتقدر حتى لو هاتتخص فى الحاجات النضيفة بس شغل مضمون يعنى
كويس لغاية كده ؟؟؟؟؟؟
انا عندى اقتراح او رأى وعن نفسى كنت بتمنى اعمله وحاول برضه تشوف دراسات جدوى عن كل حاجه معروضه عليك عشان تلم الامور وتقربها من تفكيرك
المغسله(محطة خدمة سيارات) تغيير زيت- غسيل-كاوتش
طبعا ده يعتبر من اكتر الحاجات اللى بتعتمد على المكان كمساحة ومش شرط يكون فى مكان معروف لان العميل هايجيلك على الصيت مش عشان فاتح فى شارع عمومى
المعدات مش بتتكلف قوى والخامات اللى بتشتغل بيها برضه مش غالية
اولويات المشروع ده هى مساحة المكان وكل ما كان كبير كل ما كان افضل تنى اولوية بقى هى الادارة عشان العمال والصنايعية ما يضايقوش حد من الزباين وده من ضمن الحركات الى نبهك ليها ابو نورا (والادارة الحازمة الحليمة مطلوبة فى كل شىء) بعد كده بقى تيجى الافكار والعروض واداء افضل خدمة بأقل سعر ولعلمك هاتتعب قوى فى الموضوع ده بالذات فى البداية عشان تعمل زبون ييجى المكان عشان الخدمة المتميزة اللى فيه والخدمة المتميزة=مجهود اكبر لكن فى النهاية العائد اكبر بكتير ان شاء الله
لغاية كده نقف ونفكر شويتين تلاتة عشرة ونستأنف قريبا ان شاء الله
رد مع اقتباس
  #5  
قديم 16-08-2011, 05:01 AM
waelbaha waelbaha غير متواجد حالياً
 
تاريخ التسجيل: Jul 2009
المشاركات: 127
شكراً: 2
تم شكره 0 مرة في 0 مشاركة
waelbaha has much to be proud ofwaelbaha has much to be proud ofwaelbaha has much to be proud ofwaelbaha has much to be proud ofwaelbaha has much to be proud ofwaelbaha has much to be proud ofwaelbaha has much to be proud ofwaelbaha has much to be proud ofwaelbaha has much to be proud of
افتراضي رد: نفسي اعمل مشروع ومش عارف ابدا منين


المشاركة الأصلية كتبت بواسطة aymangalal مشاهدة المشاركة

اولا خد بكلام ابو نورا العلّامة فى المجال ده ....
وطالما حضرتك عندك استعداد للبداية بكل تعبها وخسايرها يبقى ندخل على تنى نقطة (الاختيار)
نحط شوية اسئلة مع بعض ونحاول نجاوب عنها
طالما كده كده مش عارفين اى حاجه معينة (تجارة-صيانة-..... الخ) يبقى اللى هايحكمنا نمرة 1 هو رأس المال يعنى شوف امكنياتك ايه وفكر فى حد 3/4 المبلغ اللى معاك بحد اقصى 80% يعنى لو معاك مثلا 100 الف اعمل حسابك المشروع ما يعديش 80 الف تمام؟؟؟
كل ما كبر رأس المال كل ما الاختيارت بتبقى اسهل وخصوصا المكان وده اساس اى مشروع او فكرة مشروع المكان اللى بتفتح فيه لو عندك فى العبور اعمل دراسة للمكان شوف ناقصة ايه ؟؟؟
خدمات : غسيل- كاوتش- ترصيص
صيانة:ميكانيكا-كهرباء - تكييف-عفشة- ......الخ
تجارة: قطع غيار - اكسسوار وكماليات .....
لغاية كده بقى عندنا 3 محاور نفكر فيهم على حسب اولا: رأس المال ثانيا: متطلبات المكان
لان طبعا كل مكان وله احتياجاته كويس

من ناحية الخدمات اساسى فيها مستوى الخدمة اللى بتقدمها يعنى الغسيل مثلا يكون من الاخر وباسعار معقولة ومنافسة ومعامله حلوه وبعض الحركات (هدايا وكلام فارغ كده زى العروض)
من ناحية الصيانة: تعتمد فى المقام الاول على مهارة الصنايعى ثم ضميرة ثم اجرته
من ناحية التجارة اهم شىء المصدر اللى بتشترى منه (تاجر جمله-مستورد-مصنع) وكل ما كان السعر اللى بتشترى بيه اقل كل ما كان المكسب اكبر وماتنساش عامل الجوده حاول توفره على قد ماتقدر حتى لو هاتتخص فى الحاجات النضيفة بس شغل مضمون يعنى
كويس لغاية كده ؟؟؟؟؟؟
انا عندى اقتراح او رأى وعن نفسى كنت بتمنى اعمله وحاول برضه تشوف دراسات جدوى عن كل حاجه معروضه عليك عشان تلم الامور وتقربها من تفكيرك
المغسله(محطة خدمة سيارات) تغيير زيت- غسيل-كاوتش
طبعا ده يعتبر من اكتر الحاجات اللى بتعتمد على المكان كمساحة ومش شرط يكون فى مكان معروف لان العميل هايجيلك على الصيت مش عشان فاتح فى شارع عمومى
المعدات مش بتتكلف قوى والخامات اللى بتشتغل بيها برضه مش غالية
اولويات المشروع ده هى مساحة المكان وكل ما كان كبير كل ما كان افضل تنى اولوية بقى هى الادارة عشان العمال والصنايعية ما يضايقوش حد من الزباين وده من ضمن الحركات الى نبهك ليها ابو نورا (والادارة الحازمة الحليمة مطلوبة فى كل شىء) بعد كده بقى تيجى الافكار والعروض واداء افضل خدمة بأقل سعر ولعلمك هاتتعب قوى فى الموضوع ده بالذات فى البداية عشان تعمل زبون ييجى المكان عشان الخدمة المتميزة اللى فيه والخدمة المتميزة=مجهود اكبر لكن فى النهاية العائد اكبر بكتير ان شاء الله
لغاية كده نقف ونفكر شويتين تلاتة عشرة ونستأنف قريبا ان شاء الله

استاذ ايمن
الف شكر على اهتمامك وعلى نصائحك الغاليه المحترمه
بالنسبه لراس المال انا موافق تماما على اللي حضرتك بتقوله ونقدر نقول ان المثال اللي حضرتك قلته قريب جدا للواقع ويمكن الواقع اعلى بعض الشيء ولكن لن يزيد عما قلته كثيرا والحمد لله
اما بخصوص نوعية النشاط فانا مازلت محتارا بين محطة الخدمه الشامله(غسيل-زيت-كاوتش ....) ومابين محل قطع الغيار والاكسسوارات ولكني اقدر اقول اني ميال ناحية السيرفيس اكثر من قطع الغيار ولكن نفسي اعرف من حد خبرة في المجالين ما هي نسبة العائد في كل مشروع (طبعا الرزق بيد الله ونعم بالله ولكن يجب معرفة هذه النسبه كمعلومه في دراسة الجدوى تفيد في اتخاذ القرار
لذلك ارجو ان اعرف ماهي افكارك بخصوص ما ذكرت
وشكرا مرة اخرى لاهتمامكم اخواني الاعزاء
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML متاحة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 11:29 AM.


Powered by vBulletin® Copyright ©2000 - 2016, Jelsoft Enterprises Ltd.
www.MasrMotors.com ™ Copyright ©2008 - 2016
Egyptian Automotive Community
جميع الحقوق محفوظة - مصرموتورز 2008 - 2016