ارشيف الاستراحة 2011

[ahmedsherif1990]

اللى راح النهاردة 8 مارس ساقية الصاوى فى الزمالك و شاف كلام عمرو موسى ياريت يشاركنى فى رأيه

[سالم سلامه]

اناللاسف مرحتش ياريت تدينا فكره هو قال ايه

[Ahmed Anwer]

يا ريت تدينا فكرة ،،،

[ahmedsherif1990]

نبذة مختصرة تلخص ما قاله عمرو موسى
* بعد التحية و السلام اعلن انه هيرشح نفسه لرئاسة الجمهورية الفترة دى
*الفساد الادارى اللى فات لا يمكن ان يعود ثانية مبررا "عقارب الساعة لن ترجع للوراء"
*طبعا الملام اللى يخلى الناس تهتف كان مكتر منه حبتين لزوم الشغل بس كان فيه مصداقية "شهادة لله "
*و جائت فقرة الاسئلة و تعرض لمجموعة من الاسئلة من الحاضرين لم ينقذع منهم الا براعته الدبلوماسية فقط و اعترف
*كان من ضمن الاسئلة سؤال اثار بلبلة كبيرة اوى و هو فيما معناه الاتى
السؤال كان من جزئين الاولانى
"فى برنامج ضوء احمر ساله المحاور عما اذا كان سيرشح نفسه للانتخابات الرئاسية انذاك او ان كان مش هيرشح هينتخب مين ..جمال ولا ابوه ؟"
و الجزء التانى على خلفية نزوله التحرير فى الاونه الاخيرة و اقناعه الشباب انه يروح
و اصر على الاجابة عليهم رغم محاولات المهندس /محمد الصاوى تهدئة القاعة و نشر الهدوء بين الناس عشان يعرف يجاوب اللى قعد حوالى 5 دقلئق بين السؤال و الاجابة اللى خلى الناس تنسى السؤال
كانت المفاجأة انه طرح السؤال تانى "طبعا عشان الصحفيين اللى فى القاعة كانو مترصدين
و الاجابة كانت (و اسف على الاطالة فى هذا الجزء )
"طبعا انا هبدأباجبة السؤال بس هبدأ بالجزء التانى اولا
انا نزلت التحرير علشان كان فيه مؤيدين و معارضين لم انحاز لأى صف منهم ووقفت مع الاتنين وقلت تحيا مصر ....."
و الجزء الاولانى من السؤال قال فيه (طبعا مش هيكدب كلام اللى سأل عشان كل مصر شافت البرنامج ده )و على فكرة الكلام ده كان سنة 2005
"انه طبقا للمادة 76 (قبل التعديل )ماينفعش ارشح نفسى امام جمال و حسنى لانى هاخسر هاخسر
و لو انتخبت يبقى من باب اولى حسنى مبارك و ليس الابن "
..........ثم توالت الاسئلة وهى كالمطر و الراجل عنده ماشاء الله رد لكل حاجة
بصراحة عشان ما اكدبش انا كنت رايح مؤيد الراجل ده و لسياسته و لم اعارضه حتى الان
و لكننى و جدته علامة استفهام كبيرة ..خايف ادى صوتى لواحد ماينفعش البلد دى و انا عارف ان النهاردة صوتى هايفرق -مش زى زمان -و خايف انى اكون فى يوم بايدى اختار و ما اخترتش صح !!
و شكرا لمروركم لكل من قرا موضوعى ولو حتى بدون تعليق و اسف للاطالة

[lol64]

لازم نفكر طبعا ونشوف البرنامج الانتخابى لكل مرشح بس مقدما انا عارف هارشح مين ان شاء الله بس التريث اولا