ارشيف الاستراحة 2011

[MIDO-SPICY]

اصدقائى اعضاء مصر موتورز ...

كنت حابب انى اخد رأيكم فى حاجه كده .. جت فى بالى ..
والصراحه اللى خلانى افكر فيها هو وائل ( ابو نورا )
كنا بنتكلم انا وهو فى يوم وسألنى بدون اى مقدمات ..
انت خريج سياحه وفنادق ؟؟
فقلت له لا بس بحكم انى شغلى فى مجال المطاعم فعندى من الخبره فيما يتعلق بانواع الاغذيه وخدمة العملاء وكمان النظافة والتعقيم وانواع البكتريا وطرق انتقالها
ودون ما احس سالته .. ليه ؟؟؟
قاللى انه بصدد افتتاح موقع جديد اسمه مصر فودز وكان حابب يتناقش معايا فى مواضيعه وطريقه ترتيبه.. واتفقنا فى اول مقابله اننا نتناقش بشكل اكبر

الحقيقه انا جالى فكرة .. انا ليه مابحاولش انى استفيد من الخبره دى فى مجال الحياه؟؟
وبصراحه فضل الموضوع شاغلنى لغايه ما جالى فكره الموضوع دا
وهى اننا كلنا بنعمل اخطاء فى المطبخ مضره بالاكل اللى احنا بناكله واحنا مش واخدين بالنا

وكنت حابب اخد رايكم فى الموضوع
ارجوا انكم تقروه وتقولولى رأيكم

فى البداية حابب اقولكم انه ناس كتير بتقلق من التسمّم الغذائي لما بتخرج تاكل بره البيت، اكثر من لما بيقوموا بالطبخ فى البيت. لكن فيه حقيقة مفزعة بتقول ان حوالي 25 % من ضحايا الأمراض المنقولة بالأغذية تحصل من اكل وجبات مطبوخة في البيت، وفقا لاحصائية منظمه سي دي سي.

ومن الاخطاء اللى كلنا بنقع فيها واحنا بنطبخ فى البيت :

1. غسيل الايد :-
هى خطوة أولية كويسه لكن انت محتاج انك تغسل ايدك اكتر من مره أثناء الطبخ للبقاء على ايدك وعلى الاكل آمن.
حاول تغسل ايديك كلّ مرّةبتمسك اكل جديد تحضيرا لوجبة، خصوصا لما تحط ايدك فى حاجات مختلفه زى من اللحوم إلى الخضار ثم إلى التوابل. لان كل نوع من انواع الطعام ليه البكتريا الخاصه بيه .. وتلامس ايدك للمنتج دا بيخليه ينقل البكتريا من المنتج لايديك ولما ايدك بتلامس المنتج التانى والخصوصا المخالف لنوع الطعام الاول بتتنقل البكتريا دى للمنتج التانى وبتسبب التسمم الغذائى
ملاحظة: ماتغسلش يديك بسرعة،على الاقل سيبها دقيقه تحت الميه مع فركها كويس بالصابون وتخلل الميه والصابون فى الضوافر للتخلص من كل البكتيريا.

2. غسل الاكل بمجرد الوصول إلى البيت :-
جميل أن يكون عندك خضار وفواكه جاهزة للأكل أو للطبخ دايما. ولكن لوغسلت الخضار والفواكه وحطيتها في الثلاجة،هتبقى هدف سهل للعفونة، والميكروبات اللي بتنمو بفعل الرطوبة.
حاول دائما غسل الخضار قبل اكله بس.
( مثال : فكر مع نفسك.. لو سبت شوية ملوخيه ناشفه وشويه ملوخيه خضرا فى الهوا .. انه فيهم اللى هتعفن الاول ؟؟؟ )
ملحوظة: اتخلص من الطبقة الخارجية للخس، والاوراق اللي تلوثت. وبعدين اغسل باقي الأوراق كويس بالميه، واوعى تستعمل الصابون حتى علشان ماتبقاش بقاياه عالقة في الأوراق.

3. استعمل السكينه فى الفاكهة اللى بتتاكل بقشرها بس:-
مفاجأة: الانواع اللى قشورها غير صالحة للأكل، زى الموز والبطيخ، ممكن أنها تبقى خطيرة، لأن البكتيريا ممكن تتنقل جوه الثمرة بالسكينه،
وإذا كنت مصمم تغسلها ، استعمل فرشة للتنضيف لرفع الوساخه، والترسبات، والجراثيم.

4. التنضيف أثناء الطبخ
حركة كويسه، إلا إذا كنت تستعمل فى التنضيف فوطه الأطباق لمسح لوحة التقطيع ( البلانشه ) كمان، ودا خطير جدا لأنه يسمح بانتقال الجراثيم المعدية.
واوعى تحط اللحمه مباشرة على الطرابيزه، وإذا حصل ده ماتحطش فوقها أنواع تانيه من الخضار أو الاكل عموما،
استعمل طبق للحم وواحد تانى للخضار.

5. ترك وجبات لتبقى دافئة على البوتاجاز أو في الفرن
لازم تعرفوا ان البكتيريا بتنتشر في الاكل ما بين درجة 40إلى 140 فهرنهايت. لذلك فإن حط الاكل في فرن دافئ أو على البوتاجاز هيبوظه وينشر فيه البكتريا.
"حتى الاكل اللي بيبان انه غير مؤذي، زى الرزّ أو المكرونه، يمكن أنهم يبقوا خطر.
والتفكير في أن إعادة تسخين الطبق الذي كان خارجا هيقضي على البكتيريا : فبعض السموم والبكتريا مابتتأثرش بالسخونة.
نصيحة: إذا كنت مش هتاكل الاكل فى خلال ثلث ساعه من تجهيزه، حطه في التلاجة لغايه ما يتسخن تانى،واتخلص من أي اكل كان فضل ليلة كاملة على البوتاجاز أو في الفرن.
هيبقى شكله من بره زى الفل لكنه مليان ببهاريز البكتريا السامه من جوه.
ملاحظة: خزن بقايا الأكل في علب بلاستيك محكمة وحطها في الثلاجة. وماتملاش العلبة كلها بالاكل، فالتكديس يمنع الطعام من البرودة وبالتالي لا يقضي على البكتيريا.

6. درجة الحرارة في الثلاجة
معظم التلاجات مع الاستخدام مابتديش درجة الحراره الدقيقه من كتر الفتح والقفل وتسرب الفريون مع الاستعمال وكمان تكديس الاكل جواها واللى تكون متاكد انها من 33 فهرنهايت أو 38 فهرنهايت ( من 0.5 الى 3.5 مئوى ) وهى درجه الحراره المظبوطه لحفظ الاكل بعيد عن البكتريا، لذلك اشترى ميزان حرارة خاص بالاكل ( وعلى فكرة هو مش غالى خالص )وثبته على الجدار الداخلي للتلاجة،
واتاكد دايما من درجة الحراره

7. تسوية اللحوم لغايه ما يروح اللون الوردي.
مش معنى ان اللون الوردى فى اللحوم او الفراخ اختفى فى التسويه ان البكتريا اللى فى الاكل دا انتهت لان فيه انواع من البكتريا بتقدر انها تتقوقع حوالين نفسها وبتكون جدار عازل للحراره التوسطه كمحاولة منها للبقاء حيه
لذلك حاول انك تستخدم دايما ميزان الحراره لغايه ما يجيب درجه حراره 160 فهرنهايت وهى دى الدرجه اللى بيكون عندها الاكل استوى
وحاول دايما فى كل مره الميزان مايكونش جاب درجه الحراره دى انه تغسله كويس قبل ما تحطه فى الاكل تانى
وعلى فكرة تعتبر البروتينات المسبب الأول للتسمم، خصوصا الدجاج الذي يعتبر المسبب الأول للتسمم ثلاث مرات أكثر من اللحوم.

فى النهايه حابب اقولكم بعض الثوابت العلميه عن الغذاء والبكتريا .. واللى قلتهالكم فى النقط اللى فاتت
1- غسل الايد مش كفايه للقضاء على البكتريا وينصح انك تستخدم اقراص الفطريات اللى موجوده على الفطريات والبكتريا والمخصصه للخضروات بصفه خاصه للقضاء على البكتريا

2- لكل نوع من الغذاء البكرتيا الخاصه بيه زى الشاجيلا فى الخضروات والسابرولوجنيا فى الاسماك والايكولاى فى اللحوم
حتى ايدينا احنا لما بتتعور بيكون فيها نوع مختلف من البكرتيا اسمه الاستفيلوكوكاس ولما بنمسك بايدينا انواع مختلفه من الاكل البكتريا دى بتتنقل لبعضها بتعمل تسمم غذائى والعمليه دى اسمها التلوث العكسى

3- فيه نوع ثانى من التلوث العكسى وهو اننا لما بنستعمل حاجه فى مسك غذاء نى مع غذاء مستوى زى فراخ نيه مع فراخ مستويه برضه بتعمل تسمم غذائى

4- اعراض التسمم الغذائى بتكون متفاوته واكثرها هو القىء والغثيان والدوخه وبتظهر اعراضه الا لو لا قدر الله كان التسمم كبير مابين 6 الى 12 ساعه

5- حاول دايما الحفاظ على الاكل بعيد عن الرطوبه لان من اهم عوامل نمو البكرتيا هى الرطوبه

6- البكتريا بتنشط ما بين درجه حراره 40 الى 140 فهرنهيات لذلك افضل درجه حراره لحفظ الاكل لاما فى البروده ما بين 0.5 الى 3.5 مئوى واللى قلنا تساوى 33 الى 38 فهرنهايت او فى السخونه واللى اكثر من 160 فهرنهايت

7- البكتريا بتنشط كل ثلث ساعه لذلك ماتحاولش انك تخلى الاكل بعيد عن الثلاثه او درجه الحراره العاليه اكثر من المده دى
8- بعض انواع البكرتيا بتتحوصل جوه نفسها مكونه جدار عازل لحمياه نفسها

9- اكثر انواع البكتريا مابتموتش ولكن درجه الحراره المطلوبه بتخلى نشاطها يقف بس

10- وهى النقطه الاخيره وهى مش معلومه .. هى فزوره مشهوره عندنا فى علم النظافه والتعقيم وارجوا انكم تحلوها معايا...
واحد كان ماسك سم .. وبعد ما خلص استعماله راح غسل ايده كويس جدا ونشفها كمان كويس
وراح يحضر اكل علشان ياكل ..
واول ما كل مات !!!!
حد عارف ليه ؟؟؟؟؟؟

انا عارف انى دوشتكم وعارف كمان ان الموضوع ممكن يكون حريمى شويه .. بس انا عن نفسى استفدت من الدراسه دى كتير
ارجوا انكم تقولولى رايكم فى الموضوع تحلوا الفزوره
مستنى اجاباتكم

بعض اشكال انواع البكتريا

والله لو احمد بدر سمع الكلام ده ليجي يقتلك ده انا وهو اتهرينا بكتيريا في المنوفيه الفترة اللي فاتت ههههههههههههههههههههههه :10CC26~ 164::fun_36 _3_4[1]:

[MIDO-SPICY]

المشاركة الأصلية كتبت بواسطة _amr.mostafa_ ياعم روح نام على الاقل اللي بره السعودية احسن من اللي بيولع في شغله وينهبه قبل ما يولعه هاه سمعني ايوا انت ايوا احمد ممدوح

اولع في بلدي احسن ما اروح اولع في بلد تانيه وربنا يقدرني واولع فيك وانتا جي في العبارة ويسلام لو تكون العبارة السلام رقم 2 ونخلص منك من غير خساير

المشاركة الأصلية كتبت بواسطة sad-bird والله كلنا نبهنا ابو نورا للموضوع ده من بدري بس هو طنش وكبر دماغه يستاهل بقى اللي يجراله مع ان الحل بسييييييييييييييييييييييي ط جداااااااااااااااا هنلم كل مشاركات كورسير اللي هيا اصلا عبارة عن كلمة واحده (( هههههههههههه))) ونحطهم مع بعض في مشاكرة واحده هتالقيه نزل من 8000 ل 500 ( خمسمية بسسسسسسسسسس )

يااااااااااااااااااااه

انتا لسه عايش انا قولت انهم خدوك في الجيش علشان تسلكلهم المدافع وحلوه اوي خمسميه ديه هههههههههههههههههه اكيد قصدك سمسميه مش خمسميه ههههههههههه

المشاركة الأصلية كتبت بواسطة karem ali لا يا عم 500 كتير انا قولت عاوزه عضو جديد

روح نام يا سيد يا عضو وخلي بالك من اعضائك

المشاركة الأصلية كتبت بواسطة _amr.mostafa_ لا لا ياعم اصبر على رزقك اصل 500 الباقيين كلمة <برنجي> نحذف العضوية ونخلص

نفسي تتحذف عضويتي وساعتها بس هقدر اطلع كل اللي جوايا من نحيتك من غير ما اكون خايف اني اخد انذار او طرد

[MIDO-SPICY]