تحويل السيارات للغاز الطبيعي خطوة خطوة (تقرير مصور)=Convert cars to N.G. step by step

[مهند سالم]

أولا الموضوع رائع، وأكثر من رائع، لكن بالنسبة لي أعتقد أنه من غير المجدي أبدا التحويل للغاز؛ لأن ببساطة قيمة التوفير في كل 100 كيلو لا تتعدى 4.5 جنيه، وأنا بأمشي بالعربية 200 كيلو في الأسبوع، وده معناه إن الوفر هيبقى معايا حوالي 9 جنيه في الأسبوع، يعني حوالي بالكثير 40 جنيه في الشهر، يعني 400 جنيه كل عشرة أشهر، يعني 2400 في ال60شهر، يعني ببساطة لن أوفر في خلال خمس سنوات إلا 2400 جنيه، وده مبلغ زهيد جدا، وده معناه إني عشان أجيب المصاريف إلا صرفتها، يبقى لازم أمشي بالعربية ما يقارب 12 سنة، وده رقم مبالغ فيه جدا.
ولذلك أنا أرى إن الشخص إلا بيتحرك بعربيته في حدود ال1000 كيلو في الشهر لا يقدم أبدا على تحويل سيارته لغاز.
ده بالنسبة للتكلفة، ناهيك عن بقية الأضرار التي أوضحها الباشمهندس مشكورا.
ناهيك عن أني لا أجيد الطقوس اليومية التي يجب أن أفعلها للمحافظة على محرك السيارة، زي إني لازم أدور العربية على البنزين وأسخن عليها، وبعدين أحول لغاز، وبقية هذه الطقوس، التي تبدو مملة.
ناهليك عن إن تانك البنزين إلا بيسع فوق ال40 لتر ممكن يمشيني حوالي 400 كيلو بدون أن أذهب مرة أخرى إلى البنزينة، أما تنك الغاز لن أسير عليه أكثر من 170 كيلو وده رقم قليل جدا.
وشكرا ليك للمرة الثانية

[ahmed1981]

المشاركة الأصلية كتبت بواسطة tadoassl شكرا على الموضوع الجميل وعندى سؤال مهم بعد التحويل الى الغاز ممكن امون العربية من اى محطة فيها غاز ولا لازم من المحطة الى حولت منها ؟ يعنى مثلا حولت العربية غاز فى كار جاز ينفع امون فى محطة غاز تك؟ ولكم جزيل الشكر

ممكن تمون من أي محطة تعجبك بدون مشاكل

[phen0m]

موضوع تحفة تسلم ايدك

[phen0m]

انا كان فيه سؤالين محيرني وبما انا حضرتك واضح ان ليك خبر في الموضوع فانا هاسئلهملك
اول سؤال:هوا العربيات المرسيدس الجديدة خصوصاالE اللي بيبقي مكتوب عليها من ورا بلون اخضر GAS دي بتبقي غاز طبيعي ولا ايه؟
تاني سؤال:هوا العربيات اليي بتكون اصلن من الاول موتورها غاز طبيعي هل انبوبة الغاز بتكون في الشنطة ولا بتكون مكان تانك البنزين؟

[ahmed1981]

المشاركة الأصلية كتبت بواسطة phen0m اول سؤال:هوا العربيات المرسيدس الجديدة خصوصاالE اللي بيبقي مكتوب عليها من ورا بلون اخضر GAS دي بتبقي غاز طبيعي ولا ايه؟

ليست غاز
GAS هو رمز إسم للموزع أو الوكيل

المشاركة الأصلية كتبت بواسطة phen0m تاني سؤال:هوا العربيات اليي بتكون اصلن من الاول موتورها غاز طبيعي هل انبوبة الغاز بتكون في الشنطة ولا بتكون مكان تانك البنزين؟

بتكون الإسطوانة مكان تانك البنزين وأحياناً تحت أسفل السيارة