معدل السخونة الطبيعى فى اسكودا فليشيا 96

[ahmedscondo]

السلام عليكم ورحمة الله وبركاته

عندى فى الاسكودا فليشيا المياه بتنقص

يعنى مثلا كل ثلاث ايام بحط زجاجه مياه بحجم زجاجة المياه بحجم زجاجة المياه المعدنيه

هل ده طبيعى ؟؟؟؟

وكمان درجة الحراره ساعات ببقى ماشى الصبح مش بتعدى 80 وبتبقى المروحه بتشتغل لوحدها


فى عز الحر بقى درجة الحراره بتبقى قبل مؤشر 90 بحاجه بسيطه وتبرد توصل 85 وبعد 5 دقائق توصل المؤشر اقل من 90 وشوية وهكذا مع العلم انى ببقى فى زحمة

المهم هل ده طبيعى ام لا

اناروحت لمكانيكى شغال فى توكيل اسكودا رفع كده الغطاء اللى بيتحط فيه الزيت لقى نقط مياه بسيط زى البخار كده ...... قالى فى زجاجه كده بتتباع فى البنزينه قالى لو روحت لمكانبكى هيقولك وش سلندر وهيشتغلك قالى روح هات من بنزينه علبه كده تمنها 45 جنيه مش متذكر اسمها هى معايا فى العربيه قالى دى هتظبط الدنيا معاك

ايه رايكم كمان فى الكلام ده مع انى اساسا مشوايرى مش بعيده من الشغل للبيت والبيت للشغل

[sakr1964]

الميكانيكى اللى شار عليل بالمادة دى راجل محترم بجد وفعلا اى ميكانيكى على طول حقولك جوان وش السلندر فعلا وانا مشستعده طبعا هو مريض والبلوك سيل يعتر علاج ممكن ان يتعافى الموتور وممكن بعد سنة الجوان خلاص يموت بس سنة مش قليلة بعلاج بسيك لن يتكلف اكثر من 40 جنية البلوك سيل مجرب منى شخصيا البلوك سيل العلاج الوحيد لمشكلة تسرب المياة وادى صورتة علشان لما تروح تشترية وعلى فكرة انتا ممكن تعملها بنفسك اتفرج على الصورة الول وانا حشرحلك الطريقة اللى حتعملها فى البيت**

الموضوع ده لاحظته عندي في فيليشيا 97 من فترة وهو وجود قطرات مياه في زيت المحرك (تظهر بوضوح فعلا في غطاء الزيت)، وقمت بشراء علبة مادة مالئة للشقوق لسد التسريبات وتعويض أي جوان متآكل، وكان تم تجربتها سابقا في إلانترا وفي بي إم دبليو، وبفضل الله الموضوع إلى الآن (بعد قطع حوالي 1500كم) لا توجد مشاكل والقطرات اختفت من الزيت... ولعموم الفائدة والنصح اشتريتها من محطة توتال بمبلغ 32ج.م وموجودة أيضا في محطة موبيل بحوالي 40ج.م وهي عبار عن عبوة بيضاء بلاستيك بها سائل قوامه غليظ وشبيه بعصير الفراولة! العلبة مكتوب عليها heavy duty engine block seal وهي ماركة gunk والغطاء مبرشم. وللإستخدام رج الرجاجة جيدا وتكون منقص مياه الردياتير مش القربة بس قبل التشغيل ودي حاجة مهمة جدا !!!!! لازم يكون الردياتير ناقص عشان معندناش في السكودا غطاء ردياتير ولازم المادة تكون جوة الردياتير عند التشغيل،،، فحضرتك تفضي القربة، وتفضي مياه الردياتير بفك الخرطوم السميك الخارج من أسفل القربة للردياتير وتنزل من المياه... وبعدين تركب الخرطوم بإحكام وترج العبوة وتصبها في القربة ووراها المياه بالتالي المادة هتكون دخلت الردياتير ومعاها المياه وتشغل المحرك (لازم يكون بارد) والعربية واقفة لمدة بسيطة ويكون غطاء الردياتير (القربة) مفتوح لطرد أي وجود للهواء وإكمال الدورة السليمة مع متابعة الحرارة وترك المادة لتدور في المحرك كله... وبصراحة التعليمات بتقول بعد ربع ساعة ممكن تفضي الردياتير وتحط مياه جديدة، لكن بصراحة من التجارب باسيب المياه بالمادة ولغاية النهاردة وبفضل الله محصلش نقص للمياه أو سخونة أو تسريب ولا يوجد نقاط في الزيت. آسف جدا للإطالة بس حبيت أنصح، وممكن الموضوع يتحل بتكلفة بسيطة وبدون فك وتركيب وإصلاحات.

السلام عليكمبإذن الله تجربتك تنجح وعربيتك ترجع زيرو من غير فك ولا ربط... المهم هو الإلتزام بالخطوات الآتية:
1- تفتح الكبوت وتقول بسم الله
2- العربية لازم تكون باردة خالص، يعني تكون راكنها من بليل مثلا والتجربة في الصباح
3- تحضر جنبك شوية حاجات عشان متتلبخش زي جركن مياه أو اتنين، ومفك عشان تفك خرطوم الردياتير وتربط، وعلبة المادة،
(((( قبل ماتدور العربية)))
4- تيجي على قربة المياه بتاعت الردياتير تلاقي تحتها خرطوم تخين نازل منها متجه للردياتير تفكه خالص وتنزله لتحت لغاية ما تفضي المياه.
5- تركبه مرة تانية بإحكام
6- ترج علبة المادة رجا جيدا....
7- تفتحها وتفضي المادة كلها في قربة الردياتير وتدور العربية وخلال 3 ثواني تكون واقف جنب القربة وبتفض الجركن اللي معاك في القربة
8- هتلاقي طبعا المادة اتسحبت مع المياه للردياتير.. وإياك متفضيش الردياتير الأول لأنك لو معملتش كدة هتفض المادة في القربة ومش هتخش قي الردياتير ومش هتدور في الموتور ونعجن وتنشف وهتدوخك.
9- بعد إضافة المياه للمنسوب الطبيعي (( متملاش القربة على اآخر)) وده الطبيعي.
10- سيب الغطاء مفتوح والعربية دايرة على السلانسية لمدة 5-10 دقائق حسب حالة الجو مع متابعة مؤشر الحرارة لأن لازم العربية تسخن كويس والمادة عملة تدور مع دورة التبريد.
11- إغلق غطاء القربة جيدا بعد التأكد من منسوب المياه مظبوط وإن مفيش هواء في الدورة
12- بالنسبة لي مغيرتش ولا فضيت المياه اللي فيها المادة لغاية اللحظة دي، بس العبوة مكتوب عليها إنك تفضي المياه وتحط مياه جديدة، وبالنسبالي الموضوع مفيهوش مشاكل لأن الموضوع ده عملته قبل كدة في عربية إلانترا وسيبنا المياه برضه عادي.
13- إتحرك عادي بعربيتك مع ملاحظة الحرارة، وتاني يوم تكشف على مياه القربة وشوف المشاكل السابقة انتهت أم لا!!!
وربنا يوفقك وأنا تحت أمرك

[ahmedscondo]

الف مليووووون شكر هى فعلا دى الزجاجه اللى قالى عليها طيب ما تعرفش هياخد منى مصنعيه كم ؟؟؟؟ لو هو اللى هيعملها

[sakr1964]

غايته 20 جنية بالكتير***