بيجوت206 تسرب ماء جهة السائق

[Peugeot206]

الأخوة الأعزاء

السلام عليكم ورحمة الله وبركانه

عندي بيجوت 206 CC ومن فترة ليست بقصيرة هنالك تسرب للماء جهة السائق. ولا أعلم من أين يأتي الماء، سألت في عدة اماكن كالكراجات و كهربائي السيارات وأفادوني بأن الماء المتسرب له علاقة بالسخان في المكيف. أعطوني خيارين: إما أن يغلق السخان نهائيا من عند الماكينة والإختيار الثاني بأن يفتحوا الطبلون ويشوفوا المشكلة.

هل هناك من واجه هذي المشكلة؟
وهل الحلول المذكورة هي صحيحة؟؟

[فهمى]

الموضوع ده حصل معايا من كام يوم طبعا أنا عارف مسبقا الكلام اللى انت قولته ان الميه دى مصدرها سربنتينا المياه الساخنه المسئوله عن التدفئه شتاءا والمياة دى جاية من الموتور يعنى نقصها يؤثر على الميه اللى فى الرادياتير رحت للميكانيكى بعد أجازة العيد مباشرة قاللى تروح لبتاع التكييف ...... طبعا لورحت ها يحتاج يفك التابلوه أو جزء منه وتطلع حاجة عاوزه تتلحم وترجع تفك تانى لأنها فى الغالب بلاستك اويقولك غير ما عرفش ايه والماعرفش ايه طبعا مافيش منه جديد لأن العربيه ستروين ax 95 وروح بقى دور عليه استيراد وأحنا لسه خارجين من عيد والمحلات غالبيتها لسه قافله وأنا أساسا ما بستخدمش التكييف السخن ..........والبارد ماعدش بيشتغل ومحتاج حكايه والعربيه موديلها قدم وكفايه أنها بتمشى ...... قولتله ياعم الحج الغيلى الفيلم اللى داخل جوه التابلوه انا مابشغلش السخن وفعلا الراجل شال فاتر الهواء عندى فى ظهر التابلوه وجد خرطومين خارجين من الماتور داخلين على ظهر التابلوه شالهم ولبس اللى خارجين من الماتور لبعض وركب كوليه عليهم وأنتهينا والعربيه تمام وأخد 10 جنيه . النصيحه لو العربيه حديثه بلاش تعمل اللى أنا عملته ولو العربيه قديمه ومش محتاج الهواء السخن فى الصالون ريح دماغك وألغى الحكايه دى .

[Peugeot206]

السلام عليكم

متشكر والله يا عم. انا ديلوقتي افكر اني الغيها خالص. اصلا الجو حار وانا ما بستخدمهاش بالمرة. شكرا.