تقيم مرور مدينة نصر ( خاص الى مصر موتورز)

[Saif eldien]

تقيم مرور مدينة نصر
كما وعدتكم من اخر تقيم فى مرور السلام انى اقدم ليكم تقيم مرور مدينة نصر ويمكن اكون تاخرت عليكم بس دة لظروف صحية المهم
بداء اليوم ومكنش بدرى كان حوالى الساعة 10 فى المرور وترخيص عربية جديدة شيفورلية لانوس مرور منظم بجد ال كنت اتنى اشوفة فى مرور السلام وجدتة هنا فعلا موظفين كثيرة واكثر من خزنة واكثر من فرد وبتالى مفيش مشاكل مفيش امور سيئة يعيبة ساحة انتظار السيارات عيزة تكبر شوية
دخلت المرور واشتريت ملف وذهبت الى الخزنة واشتريت الاوراق الازمة باين فى كلامى انى بتكلم بسرعة وبنتقل من خطوة الى الاخرى فى يسر ودة لان اى خطوة لا تتعدا العشر دقائق حتى لو واقف فى اى طبور عملت بصمة شاسية وماتور وجبت الطفاية وعملت الفحص بتعها وكل دة فى اقل من 30 دقيقة وجالى تليفون واطريت امشى وقولت بكرة اكمل علشان عندى مشوار مهم وانا ماشى سالت المرور الى الساعة كام قال الى السادسة مساء قولت طيب المهم رحت مشوارى وخلصت بدرى وعلى الساعة الواحدة ونصف ظهرا قولت ارجع المرور احاول اعمل اى شى وانا رايح متاكد انى اخر شى هعملة انى ادفع التامين الاجبارى وخلاص علشان طبعا دة وقت زخمة ولكن خلف ظنونى فعلا ودفعت الاتامين الاجبارى ودخلت الشباك وشى منظم بجد كل شبك عبارة عن ثلاث جوانب جانب يمين وجانب شمال ومنتصفهم خزنة دة شى كويس يعنى تقف فى الطابور وتميل بجسمك فى المنتصف تدفع وتسلم الراجل تانى الايصال والموضوع يخلص سرعة بجد ونظام كويس وقالولى انتظر برة الرخصة وتذكرت وحدات مرور اخرة قولت اروح اجيب شى اشربة علشان القعدة هطول ورحت جبت حاجة اشربها وقبل مخلص ال بشربة لقتهم بينادوا على ويسلمونى الرخصة والموضوع انتها بسرعة عايز اقول انى نصف ساعة صباحا ونصف ساعة ظهرا الموضع انتها يعنى فى ساعة ترخص عربية جديدة وتنهى الاجرائات وتمشى بجد شى كويس جدا
بجد مفيش سلبيات كبيرة زى وحدات مرور اخرى مفيش باعة جائلين يعملولك صداع مشكلة صغيرة ان المرور محتاج يكبر مكان الانتظار للسيارات

نهاية الموضوع ( سياارة 1500 سى سى شيفورلية لانوس)
تامين اجبارى 86 جنية
ضريبة 349 جنية
ورق وتصوير وملف 10 جنية
اكراميات ومبالغ نسرية 60 جنية
ملحوظة الشنطة والمثلث يتم بيعهم ب 40 جنية شنطة ومثلث 30 جنية
وتجد حد تانى بيبعهم ب 45 جنية شنطة ومثلث 25 جنية
وتجد حد ثالث بيبعهم ب 40 جنية ومثلث ب 35جنية

راى فى وحدة مرور مدينة نصر
وحدة كويسة جدا عدد موظفين كبير وتنظيم كويس مفيش مشاكل فى الكمبيوتر ينقص الوحدة دة توسيع فى وحدة انتظار السيارات بس ينتابنى سوال هل تستمر هذة الوحدة على حالها كدة ولا لو زاد عدد الناس تزهر المشاكل ولان اغلب الناس ال فى مدينة نصر مش من سكانها الاصلين ولو كان فى وحدة مرور اجرة فى مرور مدينة نصر كان اية ال حصل علشان كدة انا بناشد السادة السؤلين لية دائما فى بلدنا لا يتم الاستعدا الى الشى بصورة كبيرة يعنى تنظيم اى شى يتم وكان التنظيم ال حصل دة علشان السكان هيفضلوا عددهم كدة من غير زيادة لية منعطيش اى شى فى ترتيباتة الى افضل مساحة فى الشوارع فى بناء وحدات مرور فى كل شى ونهايتا اتمنى انى ارى وحدات مرور اخرة على افضل نظام وافضل حال من مرور مدينة نصر

تابعونا فى وحدات مرور اخرى

[Payoo]

المشاركة الأصلية كتبت بواسطة saif el din تقيم مرور مدينة نصر كما وعدتكم من اخر تقيم فى مرور السلام انى اقدم ليكم تقيم مرور مدينة نصر ويمكن اكون تاخرت عليكم بس دة لظروف صحية المهم

ألف سلامه عليك وتقييمك رائع وسهل وملخص و ؤأيدك بشده فيما قلته عن وحدة مرور مدينة نصر لانها علا وحده نموذجية وتشعر فيها بالأدميه بعكس اماكن أخرى تشعر فيها بالمهانه وتكره اليوم الذي ولدت فيه في هذا النظام المتخلف

شكرا يا سيف

[walidmhafeez]

طب روح جرب مرور النزهة اللي في شيراتون وهتقول علي مرور مدينة نصر انه زبالة بالنسبة للمرور ده

[Payoo]

المشاركة الأصلية كتبت بواسطة walidmhafeez طب روح جرب مرور النزهة اللي في شيراتون وهتقول علي مرور مدينة نصر انه زبالة بالنسبة للمرور ده

بدون حلفان أنا من كتر تقديري واحترامي للمقدم "محمد عمارة" رئيس وحدة مرور النزهة بمساكن شيراتون والشغل إللي عامله الراجل والنظام المحترم انا خلصت تجديد رخصة الميجان وروحت البيت كتبت فيه جواب شكر وأرسلته لوزارة الداخليه

هذا الرجل يستحق الإشادة ويستحق التقدير لانه عندما يدير مكان يديره بطريقه علميه منظمه ولا يديره كضابط شرطه تحكمه اللوائح والبيروقراطيه المتعفنه في مكاتب الموظفين فعندما كان رائد وكان يدير وقتها وحدة الملاكي بمرور مدينة السلام كانت الوحدة نموزجيه أما الأن بإدارة النقيب عبدالله فهي من سوء إلى اسوء

[paradise lover]

أؤيد حضرتك الرأى ان مرور مدينه نصر منظم جدا
حتى ان والدى سبقنى لترخيص برده شيفروليه لانوس واتفقت معه ان اصل الساع 12 ونصف ووصل الساعه 11 وانهى الاجراءات الساعه 11 ونصف واضطر ان ينتظرنى ساعه علشان اجى انهى باقى الاجراءات التى تحتاج امضتى