تويوتا عيون 98 1300سي سي أرجو النصيحة ضروري من فضلكم

[mohefnawy]

السلام عليكم
لسه حالا شايف عربية تويوتا عيون 98 1300 سي سي
الموتور حالته كويسة
تكييف هواء فقط مبيسقعش والباور بتاعها مش شغال
عداد الكيلومتر لا يعمل
كل ده مش مشكلة عندي ، ممكن أتحمل كل ده

ولكن رشة جوة وبره

بصراحة لما ركبتها ومشيت بيها على الخامس كانت ثابته
قلت ميزتها انني لما اصرف عليها مش هندم لأنني مش ناوي ابيعها وناوي تبقى معايا

ايه راي حضراتكم
سعرها يعمل كام تقريبا
صاحبها بيتكلم في 36 ألف وممكن ينزل شيء بسيط خالص، ياترى كويس السعر ده على حالتها دي
أرجو نصيحتي بسرعه

[*mErO*]

السعر تحفة ماتفرطش فيها العربية بتتباع باكتر من كده و كل اللي فيها ده مش صرف ده كلام فاضي
العداد اللي بايظ ده مافيهوش ار بي ام اصلا
انت ممكن تجيب عداد مستورد ب 250 جنيه عداده 240 و فيه ار بي ام ونوره احمر
التكييف في دلوقتي اجهزة كمبيوتر بتتركب عالعربيات تشوف فين التسريب بالظبط في نظام التبريد و يصلحهولك ب 200 جنيه والباور ده كلام فاضي انت تصلح الباور وتركب انذار جديد ب 150 جنيه
بس صدقني السعر حلو انا يوم ماكنت عايز ابيع عربيتي جابتلي 45 و هيا فيها عيوب كمان
بس انا موديل 99
اسف عالاطالة و يارب اكون افدتك و ربنا يوفقك ان شاء الله

[yaser76]

الكورولا بجميع موديلاتها لو صفيح عمرها ماتخسر ابدا
اتكل على الله السعر حلو
تحياتي

[ahmed el gendy]

ما انا قلت لك السعر حلو قبل كده ف موضوع تاني يا ريت تلحقها قبل ما تتباع لان السعر لقطه انا لسه بايع بتاعتي كورولا 1993 الشكل اللي قبلها ب 40 وفيها الصدر بتاع الشنطه كان مرشوش كمان

بس اكشف علي شاسيه العربيه دي كويس قووووي وعلي ورقها لاحسن يكون ملعوب في ورقها ولا حاجه لان السعر ده يخوف بصراحه ويا ريت يكون مفيش فيها توكيل يعني رخصتها باسم صاحبها لاني خايف تتورط ف عربيه من عربيات ليبيا يكون متزور ف ورقها