50 معلومة عن المعادن لازم تعرفهم طالما راكب عربية

[ramy safwt]

سلام عليكم

انهارده بقى موضوع ملهوش اى علاقة بالميكانيكا و التكنولوجيا لكن ليه علاقة بهيا مصنوعة من ايه و ازاى و ليه

الكل هيستفيد ان شاء الله

1-المقدمة

2-معلومات عن السبائك عموما
3-معلومات عن عمليات تشكيل المعادن
4-معلومات عن عمليات تشغيل المعادن
5-معلومات عن عمليات تجميع المعادن
6-عمليات اختبار المعادن

دلوقت كل قطعة فى العربية مصنوعة من المعدن و مشاكل كتير جدا بتحصل بتلحق اضرار بمعدن العربية سواء الحوض الجوانب انظمة التعشيق ناقل الحركة الموتور واى حاجه تانية جوه جسم العربية


مهم و احنا بنتعامل مع اى حاجه فى العربية و بناخد قرار نخرط نلحم نقشط نكون عارفين الحاجات البسيطة دية

1-المعادن كلها و سبائكها بتكون مترتبه فى شكل هندسى منظم اسمه الشكل البلورى او الكريستال ستراكشر و ده طبيعة المعدن زى ما ربنا خلقه مش حاجه من عمل الانسان



2- السبائك عموما بتاخد اشكال هندسية متعارف عليها بترتب نفسها فيها زى المكعب السداسى المكعب مركزى الاوجه متوازى المستطيلات و دية صورة توضح الاشكال دية كلها


3- السبيكة هى خليط بين اكثر من معدن واحد و بتختلف بقى توزيعة ذرات المعادن داخل الشكل البلورى على حسب طريقة تصنيع و معالجة السبيكة

4-لكل سبيكة خصائص معينة غير الاخرى و دية بتتعمل بناء على دراسات مطولة جدا لكن يهمنا نعرف انها بتعتمد على مكونات السبيكة المعالجة الحرارية ليها العمليات الفيزيائية و دية هتلكم عنها بالتفاصيل برضو عشان نعرف لما بنستخدم العدد على المعدن بيحصل ايه

5- المعالجة الحرارية من اقدم طرق التأثير على المعادن بالتسخين لدرجات حرارة عالية و ده بيخلى المعدن اكثر مرونة " زى السوسوت العادية بتصنع على السخن " او التبريد المفاجئ و ده بيخلى المعدن اكثر صلابة " زى السوسوت الرياضية اللى بتتلف على البارد من معدن مقسى بالاساس

الصورة هنا هتساعدنا نعرف الفرق بين توزيع الذرات فى التسخين و التبريد



6- توجد استخدامات متقدمة للمعالجة الحرارية زى تحسين المعدن عشان يكون قابل للتشكيل و التخلص من الاجهادات الداخلية للمعدن نتيجة التشكيل المستمر على البارد هشرح قصة الاجهادات الداخلية دية صبرا جميلا

ده ملف هيشرح اكثر للمهتمين
http://www.minsocam.org/ammin/AM61/AM61_1280.pdf

7- الحدادة هى عملية التسخين و الطرق المستمر على نقطة ما للمعدن بغرض ازالة الطبقات الضعيفة و صقل المعدن و نظم ترتيب ذراته و الحدادة اكثر اهمية و فائدة و اداء من مجرد عملية السبك سيف الحداد يقطع سيف المسبك



8-الضغط و دية من اهم علميات تغشيل المعادن و صناعتها و تعتمد فى الاساس على الضغط على تركيب البلورى للمعدن بغرض قطعه زى شغل الاسطمبات او صقله زى صقل الطنابير فى المصنع و دية مهمة جدا كمان فى اسطمات انتاج اجزاء العربية



9- الطرق بالشواكيش الهيدرولكية و هنا بتستخدم فى مراح تشكل اولى لكتل المعدن بتكون الكتلة فى درجة حرارة عالية وبينزل عليها الشاكوك الهيدروليكى يشكلها

شوف فيديو احسن

http://www.youtube.com/watch?v=rIRsCF6w0cs

10- بعض المعادن زى التيتانيوم بتحتاج فى التعامل معها الى فرن الشعاع الالكترونى المسرع و ده عشان يقدر يصهرها و تتشكل فيه و من اهم المنتجات للعمليات دية الباستم اللى بتكون تيتانيوم فروج او البساتم الفروج اللى بتكون من مادة خفيفة لكن قوية كده و ده لأن فيها نسبة اقل من المعدن لكن المعدن ده فيه تيتانيوم بشكل كافى للحفاظ على تماسكه

شوف فيديو يشرح التقنية دية

http://www.youtube.com/watch?v=lUIipa3AgNg

11-السحب هي عملية لتغيير سمك شريحة المعدن بمعنى صناعة شيت تخين او رفيع عن طريق الدرافيل شوف فيديو

http://www.youtube.com/watch?v=AwSYcJHEWyA

12- اللف و هيا عملية لف و ثنى المعدن لصناعة السوست و القوايم و الاعمدة المنحنية
شوف فيديو " هتستمتعو بالفيديو ده زى كل فيديو ان شاء الله "

http://www.youtube.com/watch?v=nhkGGk4c6-0

13- الجلفنة و هيا عملية طلاء سبيكة بمعدن اخر بمعنى ترسيب طبقة من معدن غريب بأستخدام التيار الكهربى و محلول يحوى فى تركيبه المعدن المستخدم فى الطلاء و تفيد تلك العملية فى الحفاظ على السطح الخارجى للسبيكة

شاهد فيديو

http://www.youtube.com/watch?v=YPcKA_c2k_I

14- النظم الذرى و هى عملية امرار تيار كهربى معين بداخل المعدن بهدف اعادة ترتيب ذراته مره اخرى

15- تشوه الهيكل البلورى و هى عملية تلف تحدث للهيكل البلورى للسبيكة نتيجة خطأ فى عمليات تشكيل المعادن شوف الصورة دية هتوضح اكتر




16- كل العمليات السابقة كانت اسمها عمليات تشكيل المعادن العمليات التالية هى عمليات تشغيل المعادن

17- الثقب و الفريزة الثقب هى عملية حفر المعدن يصاحبها عملية الثريد و هى القلوظة يعنى حفر مسار حلزونى داخل المعدن بأستخدام سلاح القلوظة و ده اكتر استخدام ليه فى قلوظة الطانبير و قلوظة قواعد الموتور و قلوظة البلوكة و الحلة لو فى مسمار مفوت

الفريزة بقى تعتمد فى عملها الاساسى على الحفر على المعدن و تشغيله للشكل المطلوب

شوف فيديو

http://www.youtube.com/watch?v=kddPuLSaOjQ

http://www.youtube.com/watch?v=V9Jif...ture=endscreen

18-عمليتين الشيمفر و الفليب

و الغرض منهم قشط زوايا المعدن بشكل معين لتصفيحه و تعزيز التكوين السبيكى لأقرب شكل يحافظ على استقراره و عملية الفليب بتكون لعمل الزوايا الملساء للمعدن بما يضمن شكل جمالى و انسيابية


19- عملية الخراطة و القشط

الخراطة
و هى عملية الغرض منها تشغيل سطح المعدن و عمل البروفيل الازم له مثل القلوظة التسنين النقر صناعات المواسير و الصمامات و البوارى و احيانا التروس و الكرانك الخ شوف فيديو

http://www.youtube.com/watch?v=iuHM_AGSH8Y

http://www.youtube.com/watch?v=NLAW69DaysI

القشط

و هى عملية ازالة اجزاء من سطح المعدن بأستخدام المقشطة بغرط تنعيمه او الحفر به و تستخدم عادتا فى الاسطمبات و فى السيارات تستخدم فى قشط اجزاء الموتور

http://www.youtube.com/watch?v=9tTCEeZ3uqU

20- المكن الاحدث و اللى يقدر يجمع بين قدرات الخراطة و الفريزة بيقدر ينتج اجزاء اكثر تعقيدا زى جسم الموتور

http://www.youtube.com/watch?v=wPJLePSxFe8

21-مكنة الليزر وظيفتها الحفر على المعادن و صقل انصال التروس و الزوايا الدقيقة تستخدم فى مصر لتزوير قطع الغيار و ضرب اختام وهمية على القطع

http://www.youtube.com/watch?v=3hvNLOZBH4k

22- الووتر جيت ماشين و دية مكنة اخترعها مصرى و انتشرت فى العالم سريعا تقوم بأستخدام ماء به جزيئات من مواد حادة جدا و تكبس بأندفاع عالى عبر رأس ضيق جدا مصنوع من الياقوت و تقوم بحفر المعادن بشكل رائع و مبدع هذا اعظم دليل على ابداع المصريين و تستخدم حاليا فى صناعة التروس عالية التحمل زى تروس الغيارات الاعلى فى الجير بوكس شاهد بنفسك

http://www.youtube.com/watch?v=d1YjqouRDVo

23- البلازما شبه الليزر لكنها تعتمد على ماء او هواء يمر بين فرق جهد عالى جدا و يصل لحالة البلازما و تستخدم فى تقطيع السبائك بسرعة كبيرة جدا

http://www.youtube.com/watch?v=CILxSlricyc

24-الواير كات و هى مكينة تعمل عمل منشار السير لكن هذا المنشار يمر به ضغط كهربى عالى جدا يعجله بمجرد ان يلمس المعدن حتى تتطاير اجزاء السبيكة و تتحفر فى لحظات ده ممتاز للقطع اللى سمكها اكبر من 5 سم

http://www.youtube.com/watch?v=tn8SH9Spfow

25-لو عاوز تعرف المواسير بتاعة الشكمان و التكييف و الاجزاء بتاعة العريبة بتتشكل ازاى اتفرج و اعرف بنفسك ده غير الجزء اللى كان خاص بثنى قضبان المعدن و صنع السوست و غيرهم

http://www.youtube.com/watch?v=pOcqZQAmMgU

26- الجلخ و هي عملية ازالة طبقة من سطح المعدن بأسختدام حجر احتكاك و يفيد فى تنعيم الاسطح

http://www.youtube.com/watch?v=VGdiTPPRyHQ

27- الصروخة يختلف عن الجلخ فى امكانية الوصول لزوايا اصعب والقدرة عل ىالتقطيع و جلط الحواف للمعدن

28- الترميل و هى عملية تحريك المعدن داخل وعاء به رمل و ذلك لأزالة اى شوائب على السطح الخاص بالمعدن

http://www.youtube.com/watch?v=vjoLuMZJ-ro

30-التخديم و هى عملية تسخين المعدن و تبريده فى مركب معين بحيث يكون طبقة خارجية تحمى المعدن

31- التصدئة و هى عكس عملية الترميل و تستخدم بترك المعدن فترات طويلة فى العوامل الجوية ليبداء فى تكوين طبقة صداء ترفع من قساوة المعدن

32- المراحل اللى فاتت كلهم كانو تشغيل المعدن بأستثناء المرحلة 30 هى مرحلة تشكيل
عيوب الخطاء فى مراحل التشغيل هى تلف السطح الخارجى للمعدن و بداء الشقوق الشعرية والشروخ الدفينة التى تتوسع بعد الاستخدام الى ان ينكسر المركب البلورى نصفين


33- علميات تجميع المعدن اللحام الاكسجين اللحام الكهربى لحام الارجون الكبسنة اللحام بالبلازما القوس الكهربى التوصيل التلبيس دق السنابك مسامير الالن كيه الربط العادى

34- اللحام الاكسجين استخدام امبوبتين احدهم اكسجين و الاخرى استيلين لأنتاج حرارة عالية كافية لصهر المعدن و لحامه بالسبائك اللحام

http://www.youtube.com/watch?v=dnnhrhLKsbM

35-اللحام الارجون و هو استخدام غاز الارجون الخامل بعد تسخينة لدرجات حرارة عالية فى القيام بعمليات اللحام - يستخدم فى لحام الانبيب القريبة من مناطق الاشتعال و يستخدم فى لحام مواسير تبريد المفاعلات النووية

http://www.youtube.com/watch?v=X-iYJrKrv5U

36-اللحام بالبلازما و هو استخدام نفس مبداء البلازما كاتر و لكن لستخين سبيكة و اللحام بها

37- اللجام بالقوس الكهربى و هى مكنة اللحام بالكهرباء و تعتمد على محول يولد تيار عالى يمسك احدهم بجسم السبيكة و الاخر بسبيكة اللحام و كل دورك هو عمل تلامس بيهم لبيداء اللحام

http://www.youtube.com/watch?v=bpPNDgvXoO4

38-الكبسنة و هى عملية وضع دعامة بين معدنين و ضرب كباسين معدين بينهم لربطهم ببعض يستخدم فى تعديل شاسيه العربية و تجميع العناصر الاساسية

39-دق السنابك و هى عملية دق بار معدنى سنبك بين معدنين متطابقين بعد حفر حفرة بهم لربطهم ببعض فى صناعة السفن يتم تسخين السنبك حتى الاحمرار و ضرب طرفه حتى يتفلطح
عملية الالن كيه هي حفر و قلوظة فى جسم المعدن ثم الربط بمسامير الالن كيه


40- عيوب عملية وصل المعادن هيا تغيير الاستركشر كله للسبيكة لذلك يجب دراسة كل خيار قبل العدول اليه

41- يتم فحص السبائك بجهاز يعرف بميكروسكوب المسح الذرى و يوجد منه نوعين نوع مبنى على قناة الكوانم الناشئة بين الذرات و النوع الثانى يعتمد على رأس دقيق يحسس على السطح و يحرك مستشعر ليزر ليرسم الصورة

http://www.youtube.com/watch?v=EXcQxuWR1pI

http://www.youtube.com/watch?v=WBqUPU8HOB0

ده اللى بفضله و بعتمد عليه و اعتقد ان هو المستقبل

نيجى للنوع التانى اهو

http://www.youtube.com/watch?v=87BQi...4E0D1E934A4281

42- فحص المعدن بالميكروسكوب الكمبيوتر و هى عملية فحص ظاهرى للبحث عن شروخ او ثقوب ذات تأثير

http://www.youtube.com/watch?v=O8jBfT4n3v8

43- فحص بالاكس راي دفريكتوميتر و ده لفحص الشكل البلورى بأشعة اكس

http://www.youtube.com/watch?v=b9wMcEosvB4

44- فحص بالميكروسكوب الالكترونى الماسح و دية من اعقد عمليات الفحص لأن لازم يتم قطع طبقة دقيقة جدا من العينة و تبريدها لدرجات حرارية منخفضة و بعد كده تدخيلها فى ميكروسكوب بياخد نص ساعة عشان تعده لعينة واحده

http://www.youtube.com/watch?v=VcP7Pwn2iFw

45-قياس درجة قساوة المعدن و هو اختبار يعد لأختبار مدى قدرة المعدن على التحمل و التماسك

بأستخدام مكبس معد لذلك

http://www.youtube.com/watch?v=i1x-vJ85sBA

46- اتخبار الضغط للمعدن و هو قياس الى اى مدى يمكن للمعدن تحمل الضغط

47- اختبار الخاصية المغناطيسية للمعدن و هو اختبار لتحديد اذا كان المعدن باراد ماجنتيك او دايا مجنتيك و مدى مغناطيسية و قابلية للمغنطة

48- اختبار المرونة و هو اختبار يتم فيه ثنى المعدن و قياس مدى قدرته على التحمل بعد الثني دون ان ينكسر

http://www.youtube.com/watch?v=D8U4G5kcpcM

49- اختبار توصيلية المعدن للتيار الكهربي و مقاومة الموصل

50 - اختبار استعداد المعدن للطلاء و الأكسدة و هو لتحديد مدى استعداد المعدن للأحتفاظ بالطلاء و قابليته للتعرض للأكسدة


اتمنى تكونو استفدتم شئ و شاهدتم الفيديو و اظن بعد كده لما تيجى تتعامل مع العربية هتحس انك عارف هيا معمولة ازى و من ايه

انا تعبت فى الموضوع اتمنى الاقى تفاعل

[ahmedjava]

بصرحة انا مردتش على اى موضوع من قبل
بس بصرحه انا منبهر بموضوعك
شكرا جزيلا
تم الإرسال من جهازي GT-N7000 بواسطة تاباتوك 2

[محمد فيصل]

موضوع شامل جامع لكل االمعلومات المتوفرة والمتاحه عن المعادن وطرق التعامل معها فى كافة الصور
1000000000000000000 على مجهودك و معلوماتك القيمة
: 140109~347::1 40109~347:

[ramy safwt]

شكرا ليكم

[ahmed_eng2001]

موضوع اكثر من رائع
تسلم ايدك

معلومة اضافية صغيرة

فيه ماكينات لحام قوس كهربى فى السوق ... تبدا من 1000 جنيه ( صينى ) 220 فولت و انت طالع انا بفكر اشترى واحدة اليومين دول