ارجو الدخول محدش ينفض جمعة غضب27

[دحداحي]

السلام عليك

انا اسف اني عملت موضوع تاني مع ان في شخص غيري عمل موضوع عن جمعة الغضب 27 بس حبيت اكتب الموضوع ده عشان تقرو كلكو كلامي

لو سمحتو يا جماعه ارجوكم ان انتو تفكرو ليه هاتنزلو يوم الجمعه 27 فكرو كويس اوي وفكرو مين الي صوتهم هايعلي في الاعلام ومين الي هايطلع كل يوم في الاعلام زي الارجوزات
علي فكرا انا مش قصدي علي الشعب المصري انو ارجوز لا والله بس قصدي علي السياسيين سوري الي فاكرين نفسهم سياسيين وابطال الثوره الي انتو عارفينهم

المطالب بقي الي الشعب عاوزها
ان يتحاكم رموز الفساد والبلد حالها يمشي والناس تشتغل وترجع الفلوس وكل شئ كويس وفي صالح الشعب
لاكن الي صوتهم هايطلع في الاعلام ان هما عاوزين المجلس العسكري يمشي ويجيبو مجلس مدني طيب ازاي المجلس العسكري يمشي اذا كان احنا بنتخانق في الحوار الوطني ازاي بقي هانعمل مجلس رئاسي مدني
ولو عملنا مجلس رأسي مدني طيب مين الي هايمسك العامل بتاع يوميه ولا مين اكيد انتو عارفين الي هايمسكو المجلس المدني الارجوزات الي طالعين كل يوم في الاعلام

فا ارجوكم يا جماعه ماحدش ينزل يوم الجمعه 27 ارجوكم
عشان مانهدش المجلس العسكري والجيش ارجوكم مش عاوزيين نهدو زي الشرطه وبعد كدا نروحلهم نرجوهم ان هما يرجعو تاني طيب ليه نعمل كدا ما البلد حالها بدأ يمشي و مبارك والبشريه الفاسده ديه هاتتحاكم ولو متحكمتش في الدنيا هاتتحاكم من عند ربنا
وانا مش عاوز تاني اسيب دراستي وشغلي وانزل احرس الشارع تاني واللجان الشعبه ومش عاوز امسك تاني السلاح في ايدي وانزل الشارع

بالله عليكم انتو اهلكم يعني الاطفال او الحريم عندكو مش بتخافو عليهم جدا لما بينزلو لوحديهم دلوقتي فا ارجوكم احنا ماصدقنا نتقدم خطوه مش عاوزيين نرجع مليار خطوه الي الخلف


ملحوظه :
اقسم بالله انا شاركة في الثوره وكونت مأيد ليها واعز اصدقائي والله توفي في الثورا وتوفي جمبي وهو شال عني رصاصه الي المفروض تيجي فيا
انا اقسم بالله مش بقول كدا عشان استعطاف او الكلام ده لا والله بس حبيت اقولكم عشان محدش يقول ده مش حاسيس بدم الشهداء لا بالعكس انا حاسيس بيها زي اي حد واكتر كمان

واقسم بالله انا ولا تبع الجيش ولا الشرطه ولا اخواني ولا سلفي ولا اي حاجه انا مجرد شاب وعندي 19 سنه و نفسي البلد تبقي كويسه وماتنهرش والعمود الفقري في البلد ماينهرش


وارجوكم فكرو الشعب الي نازل عادي مش قصدو ان المجلس العسكري يمشي صوتو والله ما هايتسمع وارجوكم شوفو مين الي نازل بكري اسماء محفوظ و6 ابريل وناس كتير الشخص العادي مش هايتسمعلو صوت الي هايتسمع الناس بتوع الحركات ارجوكم فكرو في كلامي كويس واقروه كذا مره

وانا اسف جدا علي الاطاله

[@واحد من الناس@]

مع إحترامى لحضرتك وكامل تقديرى لك ولخوفك على مصلحة البد بس معلش الجمعة دى معليهاش توافق لان مطالبها كلها الكل متفق عليها معادا المطلب اللى هو تأجيل الإنتخابات وإلغاء نتيجة الإستفتاء وده يعد إنقلاب على الديموقراطية لأن لما النتيجة تطلع مش على هوايا مينفعش أرفضها لأن كده أبقى أنا ديكتاتور ومفرقتش عن مباك واعوانه حاجة بغض النظر صوت بنعم أو بلا بس لما طلعت نعم رفعت القبعة وإنحنبت إحتراما لأرى الديموقراطية اللى كان نفسى تبقى موجوده فى البلد من زمان تقوم أول ما تيجى أرفسها برجلى وقول يع مش زى منا عايز لا ده مش كلام منطقى نهائيا وبإستثناء ذلك أنا شايف إن لحد ما الناس الطيبين اللى مش عجباهم الديموقراطية يتعدلوا أنا مش هنزل بس أنا مفوتش ولا جمعة تم التوافق عليها من بداية الثورة وحتى قبل التنحى بس الجمعات اللى بيبقى فيها كلام عمرى ما هنزلها لأنها مشهيصة يعنى تقبل رئيى وخالص إحترامى ولإختلاف فى الرأى لا يفسد للود قضية

[دحداحي]

المشاركة الأصلية كتبت بواسطة @واحد من الناس@ مع إحترامى لحضرتك وكامل تقديرى لك ولخوفك على مصلحة البد بس معلش الجمعة دى معليهاش توافق لان مطالبها كلها الكل متفق عليها معادا المطلب اللى هو تأجيل الإنتخابات وإلغاء نتيجة الإستفتاء وده يعد إنقلاب على الديموقراطية لأن لما النتيجة تطلع مش على هوايا مينفعش أرفضها لأن كده أبقى أنا ديكتاتور ومفرقتش عن مباك واعوانه حاجة بغض النظر صوت بنعم أو بلا بس لما طلعت نعم رفعت القبعة وإنحنبت إحتراما لأرى الديموقراطية اللى كان نفسى تبقى موجوده فى البلد من زمان تقوم أول ما تيجى أرفسها برجلى وقول يع مش زى منا عايز لا ده مش كلام منطقى نهائيا وبإستثناء ذلك أنا شايف إن لحد ما الناس الطيبين اللى مش عجباهم الديموقراطية يتعدلوا أنا مش هنزل بس أنا مفوتش ولا جمعة تم التوافق عليها من بداية الثورة وحتى قبل التنحى بس الجمعات اللى بيبقى فيها كلام عمرى ما هنزلها لأنها مشهيصة يعنى تقبل رئيى وخالص إحترامى ولإختلاف فى الرأى لا يفسد للود قضية

اهلان بيك يا استاذ واحد من الناس

مع احترامي الشديد الي حضرتك
انا الحمد لله كونت بشارك في المظاهرات المليونيه معظمها
بس انا مع الجمعه المليونيه دي بس دي فيها كام طالب بيهم و هم
استقالت سيادة المشير طنطاوي وان يرحل المجلس العسكري ويسيب الحكم
طيب لو ساب الحكم مين هايجي ولا ايه رأي حضرتك
وانا برضو مش موافق علي الاشياء الي حضرتك زكرتها الي هو بتاع الغاء التعديلات الدستوريه و تأجيل الانتخابات
لاكن انا مع محاجمة الفاسدين وتصوير المحاكمات وكل شئ في صالع الشعب الناس المحترمه مش الارجوزات

هل حضرتك توافقني في كدا ولا لا ؟

وملحوظه انا بقول ماحدش ينزل ليه عشان ال5 مطالب خطيره جدا
1: رحيل المجلس العسكري
2:استقالة المشير طنطاوي
3:تأجيل الانخابات
4:الغاء التحديلات الدستوريه
5: عمل التجنيد اختياري
ودي حجات خطيره جدا
وانا قصدي ان ماحدش ينزل حتي لو مش موافق علي ال5 مطالب ديه ليه
قصدي عشان الصوت الي هايقول لا للخمسة مطالب دول مش هايتسمع الي هايتسمع بتوع الحركات والاحزاب

ومنتظر رأي حضرتك في كلامي ورأي كل الناس وارجو الناس كلها تشارك في النقاش

جمعه الغضب 28 يناير كانت غضب على النظام الفاسد
جمعه غضب 27 مايو بقى ان شاء الله غضب على مين بقى
يمكن غضب على نوع الاكل اللي على السفرة مثلا
ولا غضب من عدم تسهيل الامتحانات
ولا يمكن غضب من عدم الغاء الثانوية العامة السنة دي

ارحمنا برحمتك يارب

[xwaledx]

السلام عليكم
انا اول مرة اشارك فى حوار من هذا النوع السياسى ولكن
انا مش ضد الثورة انما ضد كل من يكون فاكر انه بالصوت العالى هيكسب
الثورة حققت لينا مطالب كثيرة عمر ماكان حد يتوقعها او حتى بيحلم بيها لكن برضه حققت لينا اشياء انا فى نظرى اكثر خطورة الا وهى الانفلات الامنى وسياسة لى الذراع والصوت العالى
المطالب التى كانت فى البداية تم تحقيق حوالى 90 % منها والنسبة الباقية تأتى مع الوقت وليس حالا ( الدنيا اتبنت فى 7 ايام مش فى يوم واحد )المفروض اننا كلنا نساعد على تحقيق النهوض لبلدنا نبص على اقتصادنا الذى ينهار امامنا نبص على الخراب اللى بقى حوالينا
حد يقولى كان فيه كام عاطل قبل الثورة وكام عاطل بعد الثورة اكيد فى فرق ولسه
مينفعش الناس تقول نهد المجلس العسكرى ونجيب مجلس مدنى طب هنجيب مين ده حتى الحوار الوطنى مختلفين فيه والمركب اللى ليها ريسين تغرق
ليه بعض البهوات بيطالبوا بالوقيعة بين الشعب والجيش حنفرح لما نبقى زى ليبيا او غيرها
حنفرح لما كل يوم بيموت شهداء ويسيبوا اسر وعائلات الحزن والحسرة تقتلهم كل يوم على ابنائهم ولا اسرة يموت عائلها الوحيد فى حرب اهلية بين المصريين وبعضهم لان ما فيش حد يحميهم ولا شرطة ولا جيش
نفسى فى اجابة لسؤالى
لمصلحة مين اللى احنا فيه ؟؟؟؟؟؟؟؟؟؟؟؟؟؟؟

لا لمجلس مدنى ونعم للمجلس العسكرى

واسف على الاطالة