عايز اجابة علي شوية اسئلة . بصراحة وبما يرضي الله ..

[GINERAL]

شكرا للجميع عالتعاون بس انا محتاج رد اكتر من شخص وناس معاها العربية فترة كبيرة

انا امبارح كنت في معرض إمام وشفتها وجربتتها العربية من جوة وهم جدا والخامات نضيفة نوعا بس التركيب زي الزفت معجبنيش وبيفرق من عربية لعربية .
يعني دراع النور ودراع المساحات وشباك التكيف ممكن يطلعو فأيدك .
فرش الزيرو بتاعها مش حلو وخصوصاً فرش الارضية . بس نقول دية عادي احنا كدا كدا هنغمل فرش جلد .

محتاج رئيكم وخصوصا الى معاة العربية فترة اكبر من سنة

[mr_strong]

ابعد ابعد
نصيحة

[GINERAL]

المشاركة الأصلية كتبت بواسطة mr_strong ابعد ابعد نصيحة

طب هبعد بس فهمني لية ؟ عشان اقتنع وانساها

[احمد على 1999]

بس التركيب زي الزفت معجبنيش وبيفرق من عربية لعربية . يعني دراع النور ودراع المساحات وشباك التكيف ممكن يطلعو فأيدك .

دا ليه دلالة مهمة .... ان مفيش جودة

و حضرتك بص على الموضوع الوحيد اللى كاتبه العضو mr_strong بخصوص مؤشر الحرارة

بإمانة معرفش حاجة عن العربية غير زيك كده ناس تقول ممتازة و ناس تقول فاشلة ده تانى يؤكد ان مفيش جودة و على حسب اللى شغال فى خط الانتاج و ضميره

انا لو من حضرتك اتطلع على كل مواضيع ال byd فى المنتدى هنا او فى المنتديات عامة

[f3_byd]

المشاركة الأصلية كتبت بواسطة GINERAL سلام عليكم بصراحة انا معجب بشكل الbyd جدااااا وخصوصا اني انا شغلتي سواق تاكس . كان عندي شاهين لكن بعتها ساعة الثورة .. وناوي اشتري الايام دية . وكل سنة وانتم طيبين . انا بشتغل عالعربية لوحدي يعني مش بجيب سواق عليها . يعني تاكسي الملاكي . كتييييييييييير جدا قالولي هاتها دية جميلة . وكتييير جدا قالولي ابعد عنها دية صيني . والصيني من ساعة ما الاسبيرانزا شنشت فالتاكس . وهوة واخد سمعة زي النيلة . فأنا عايز اسئلكم شوية اسئلة بس ياريت ألي يرد عليا يكون من ملاك السيارة نفسها . - فترة العربية معاك بقالها اد اية تاريخ الاستلام من الساحة : 26/4/2011 ( سيارة تاكسي ) - عداد الكيلو متر كام حالاً ؟ 42600 كيلو متر - العربية بنزين ولا غاز ؟ العربية غاز و بنزين بنشغلها 100 كيلو غاز و 100 كيلو بنزين بالتناوب - اية اكتر قطع غيار استهلاكية غيرتها . الصيانة بنعملها في الوكيل يعني مشيين بالجدول راجع الجدول و عموما مركبناش حاجة زيادة عن معادها او اقل او قطع غيار برة التوكيل خالص - التكيف اكتر فترة شغلتو فيها اد اية . ومستوي الاداء بتاعو كام من 100 ؟ التكييف في الصيف شبه ما بيطفيش و اداءه في عز الحر على مستوى 3 مش 4 بتبقا قاعد بردان و عاوز تقلله يعني 99.9% - الفتيس كويس معاك في جميع الغيارات ولا فية حاجة ؟ والدسك والاسطوانة عاملين اية ؟ الفتيس في عضه عالاول بس و حلها بتدوس عالدبرياج لاخره بتختفي تماما و الدسك و الاسطوانة بعد 42 الف زي الفل مفيش فيهم حاجة - المساعدين الخلفي والسوست حلوين ولا مش تمام ؟ المساعدين تمام و السوست ضعيفة شوية و بتخلي العربية تحك رغم علوها عالارض و ده بس في حالة انك مركب اتنين او اكتر في الكنبة مع ملاحظة ان اسطوانة الغاز موجودة في الشنطة علطول - اية اول حاجة غيرتها فالعربية لما جبتها صيانة 1000 كيلو و تغيير فلتر زيت بس و لكن لو تقصد قطع غيار غير استهلاكية اول حاجة جهاز الانذار اتحرق و تاني حاجة تم تغيير ماستر دبرياج في صيانة 40 الف و اتحسب في الضمان للمواظبة على الصيانة في التوكيل - قطع الغيار متوفرة فالتوكيل ؟ وقابلك قبل كدا قطع غيار مش موجودة ؟؟ حتى الان كل القطع متوفرة و اسعارها فوق فوق فوق الممتاز - قطع الغيار متوفرة خارج التوكيل ؟ بكثرة . ولا في اماكن معدودة ؟ ماجربناش بس الي اعرفه انها موجودة و بنفس اسعار التوكيل او اغلى كمان - من فضلك قول لي نبذة عامة عن اسعار قطع الغيار سواء توكيل او خارج .. السيور - الاكصدامات - الفوانيس - طرمبة البنزين - الموبينة - المساعدين والعفشة اسعار التيوتا كام ؟ والصيني كام ؟ صيانة 40 الف اتكلفت 1100 و 20 الف حوالي 450 و الصيانات الفردية حوالي 250 و لم يتم تغيير لا فوانيس و لا اكصدامات و لا طرمبة بنزين ولا موبينة و لا اي حاجة في العفشة وفالنهاية جاوبني عالسؤال دة هل تعتقد اني السيارة تصلح ان تكون تاكسي في القاهرة يعمل 16 ساعة يومي نعم لا تعمل بالفعل تاكسي في القاهرة لمدة من 10 ل 12 ساعة يوميا غير المشاوير العادية بتاعة الاسرة وشكرا ليكم جداً مقدماً

توكل على الله و هتدعيلي