|
#1
28-03-2011, 04:16 PM
|
|||
|
|||
ضبط التاكيهات ... مهم للدرجة دي ؟؟
السلام عليكم يا شباب المنتدي المحترمين
كان عندي مشكله من فتره طويلة كده وماكنتش لاقي لها حل واتحلت الحمد لله فقلت اشارك بيها معاكم لعموم الفائدة  العربيه كانت بترتل علسلانسيه قبل ما تسخن وبتكون فيها رجة جامده ومنتظمه والصراحه الميكانيكيه مرمطتني وكل حاجة اغيرها والعيب مايروحش ( غيرت ايديل - بوبينا - طقم دبرياج - كل الجلب والقواعد - سيور وبيل - بوجيهات ٤ مرات - ومش فاكر الصراحه ايه تاني  )المهم العيب ماتصلحش لغاية ما واحد قاللي غير السوفت وير اكيد توقيتات الحقن مش مضبوطه ..... وجهة نظر برده وواحد تاني قاللي التقسيمه مش مضبوطه .... ومالو هوجات علي دول المهم قلت ابدأ بمراجعة التقسيمه روحت لواحد ميكانيكي علي قده بس اسطي تمام ( ما بتوع الكمبيوتر حميــ ..... ) قلتله العربيه دي بتظبط علي ٢ لوك واحد يتحط علي الكامات وواحد علي الفلاي ويل ووريته فين قاللي ياهندسه انا آسف مش هافهم كده انا هفك وش التاكيهات وافك بوجيه الغرفه ١ واشوف البستم فين واراجع مع غرفه ٤ واقولك قلتله ماشي شاف قاللي التقسيمه دي تمام مافيهاش حاجة ( وانا مصدقة علي فكره ) قلتله خلاص اضبطلي التاكيهات ( التاكيهات عندي شواكيش وبتضبط بربط المسمار ) جاب الفلر وبدأ يشتغل قلتله بتضبط علي كام قالي ٢٥ قلتله يعني ايه  العربيه دي بتضبط الشكمان علي 0.4 mm والهواء علي 0.2 mm لاقيته بيبصلي اكني بكلمه صيني روحت قلتله وريني الفيلر وطلعتله المقاسين قاللي آه قصدك ٢٠ و ٤٠ بس ده غريب قوي قلتله مالكش دعوه الراجل الفرنساوي اللي عمل العربيه قال نضبطها كده ولازم تكون بارده قاللي حاضر والنتيجة كانت رائعه صوت الرجه رااااح بقيت مش مصدق  والعبقري اللي عملي التاكيهات قبل كده ( متخصص السيتروين ) كان ضابط الشكمان والهوا علي نفس المقاس وللأسف انا كنت لسه ما جبتش كتالوجات المصنع بتاعت العربيه وقريتها وطبعا شكري لكل المنتدي وبالأخص المهندس سمير عياد لأني غلبته معايا قبل كده كتير والراجل عمره ما اتأخر بس اعتقد انه مش هيفتكر المشكله دي لأنها قديمه شويه 
|
|
#2
28-03-2011, 08:32 PM
|
||||
|
||||
رد: ضبط التاكيهات ... مهم للدرجة دي ؟؟
http://www.masrmotors.com/vb/showthread.php?t=40439 وحمد الله على السلامه الغريب فعلا كان توائم الترتيله للمكنه مع تهبيب بوجيه الغرفه رقم 2 تحديدا أشمعنى البوجيه رقم 2 هو إللى كان عامل كده معانا ومغلبنا معاه حقيقى مش لاقى سبب منطقى للآن
__________________
 قال رسول الله  إن الله ليملى للظالم ............حتى إذا أخذه .....لم يفلته صدق رسول الله ___________ م/سمير
|
|
#3
29-03-2011, 10:17 AM
|
|||
|
|||
|
رد: ضبط التاكيهات ... مهم للدرجة دي ؟؟
الله ينور عليك يا باشمهندس سمير والله
فعلا كان فيه تزامن في الموضوع والبوجيه رقم ٢ لسه بيهبب علي فكره لكن مكانش ده السبب الرئيسى لكن هو لسه مأثر في ريحة العادم لكن الرجه راحت خالص وليا سؤال لحضرتك في الموضوع ده هل ممكن التقسيمة لو خالفه ولو سنه واحده تعمل الموضوع ده ؟؟ ( البوجيه يهبب ) وهل ممكن العربيه لو احطط عالسكانر يقول إذا كانت التقسيمه فيها خلل ولا لأ وتحياتي لشخصك الكريم ولكل اعضاء المنتدي الكرام
|
|
#4
29-03-2011, 04:03 PM
|
||||
|
||||
رد: ضبط التاكيهات ... مهم للدرجة دي ؟؟
بدليل تواجد تلك الظاهره لسه عندك للآن على الرغم أنك أعدت التشييك على تقسيمة المكنه والتخلص من الرجه أو الترتيله
فتقسيمة المكنه خارج نطاق عملية التحكم وليها أصول أخرى لضبطها بتتوقف على علامات الترقيم الموضوعه من قبل مصمم المحرك على جانب منطقة التقسيمه
__________________
قال رسول الله إن الله ليملى للظالم ............حتى إذا أخذه .....لم يفلته صدق رسول الله ___________ م/سمير
|
|
#5
30-03-2011, 01:48 PM
|
|||
|
|||
|
رد: ضبط التاكيهات ... مهم للدرجة دي ؟؟
معلش يا هندسة انا هتقل عليك شويه علشان انا الصراحه دماغي مش بتريحني وحاسس دايما ان بليه غلطان ولازم ارفع العدوان بتاعه من علي العربيه
شوف الصوره دي كده  الصوره دي اخدتها لما الميكانيكي كان بيفك وش السلندر علشان يغير طقم الشنبر زي ما حضرتك شايف انه فك عمود الكامه من علي الترس بتاعه ( والترس واضح فيه الثقب اللي بيثبته في بلوك الموتور وقت ضبط او تغيير سيرالتقسيمه ) السؤال اللي ممشي دماغي ... مش ممكن هو لما رجع ركب عمود المامه علي الترس تاني الترس لف شويه ولو بمقدار مليمترات خصوصا اني مش شايف علي الترس اي لوك مثلا يخللي عمود الكامه يركب صح كل مرة افكه وتاعبينك معانا يا باشا ويارب تكون فهمت قصدي وما تزهقش مني
|
 |
|
|
وطبعا شكري لكل المنتدي وبالأخص المهندس سمير عياد لأني غلبته معايا قبل كده كتير والراجل عمره ما اتأخر بس اعتقد انه مش هيفتكر المشكله دي لأنها قديمه شويه
