عندي مشكلة غريبة مش لاقي ليها حل رينو رينبو 99

[ghamry1]

كل سنة وانتم بخير
انا عندي مشكلة وهي

انا معايا رينو رينبو 99
حصلت ليا مشكلة وهي وانا ماشي عادي جدا بس يكون مشوار متوسط مثلا 5 ك اسحب بالعربية مفيش مشكلة اجي اهدي بالعربية في اي اشارة واقف العربية تبطل ومترداش تشتغل تاني الا لما افتحعمة الكربراتير واحط فية شوية بنزين العربية تشتغل تاني وممكن متقطع وممكن تقطع تاني وفي مرة لما عملت كدة مشيت ولما مشيت علي التاني نتشت مني كام مرة كدة وبعد كده عادي
في ناس قلتلي غير طرمبة البنزين الرضاخ غيرتها برضو نفس المشكلة
طيب ظبط الكربراتير ظبة عند احسن واحد وفي شبرا ياسر عمل اكس و2 باب وتنظيف وصيانة شاملة
قلولي طبي بطرية لسه مغيرها من اسبوعين
قلولي شوف الموبينا رحت للكهربائي قلي تمام
واحد صحبي قلي نظف الاسبراتير
انا مش عارف امشي بالعربية من اسبوعين مش عارف العيب ممكن يكون في ايه
انا معنديش خبرة في الرينو انا لسة شريها من شهر
يا ريت لو حد عارف يدلني انا هتجن ربنا يكرمكم

[mohamed selem]

ان شاء الله هتبقي بسيطه
متابع معاك ومنتظرين رد الخبراء

[احمد على 1999]

المشكلة ان الموضوع نازل فى كذا مكان فالى حيشارك حيشتت صاحب الموضوع و الناس مش حتشوف ردود بعض و مش حنستفاد
جرب راجع على خط الراجع و ضرورى المراجعة عل الوصلات من التانك للرداخ و من بعد الرداخ للكاربيتير
و ايه اخبار فلتر البنزين ؟ اكيد اتغير ؟

[ghamry1]

متشكر جدا على المرور والرد

[ahm1976]

بص يا باشا., انا كان عندى نفس المشكله و الحل طلع فى تغير عوامه البنزين الموجوده فى الكاربيراتير نفسه.., ممكن يكون نفس الحل عندك.., مع العلم انى عملت نفس اللى انت عملته عند ياسر ( اكس و باب ) و برده ماجبتش نتيجه.., الحاجه الوحيده اللى حلت المشكله,. زى ما قولتلك عوامه البنزين فى الكاربيراتير.,