لمبة الايرباج

[مؤمن الليمونى]

السلام عليكم :
أنا اشتريت ابيزا 2002 من شهر وعندى مشكلة صغيرة إن لمبة الايرباج ولمبة EPC منورين دايماً ،
وسمعت أكتر من كلمة من أكتر من كهربائى . واحد قال لى إن لمبة EPC ممكن تطفى بملف بيتحط ورا دواسة الفرامل ، وواحد تانى قال لى ممكن الايرباج يكون ضرب قبل كده وصاحب العربية القديم رجعه مكانه تانى ، بس أنا بصراحة مش مقتنع بالاتنين دول .
آخر كهربائى قال لى إن الايرباج ماضربش ولا حاجة وإن المشكلة فى إن ملف الايرباج عاوز يتغير ، وبيقول لى إن الايرباج مش شغال لحد الملف ده ما يتغير ، وإن لمبة EPC بتنور مادام فيه أى مشكلة فى كهربا العربية .
من فضلكم عاوز إفادة فى الموضوع ده لإنى لسه ما بافهمش أوى فى الكهربا ومش عاوز أغير حاجة من غير لزوم ، وشكراً جزيلاً مقدماً .

[zoomaa&mizaa]

أ / مؤمن كان لازم تكشف على العربية فى التوكيل قبل ما تخلص فيها وبالنسبة للمبة الايرباج أنا شايف أن الايرباج ممكن فعلا يكون ضارب على العموم روح التوكيل وأسمع منهم هما وبس .

[hamadaacc]

أ- مؤمن ممكن يكون الاورنجزم بتاع طارة الدركسيون انقطع وهتحتاج لواحد استراد ومش غالى ولازم تركبو عند كهربائى يكون عندو جهاز كمبيوتر لسيات او فولكس فاجن عشان بعد لما يركب الاورنجزم يطفى لمبة الاير باج تانى وبسيطة انشاء الله...

[ahm_sobaih]

السلام عليكم
انا بصراحة عندى فى عربيتى المتسوبيشى بتنور لمبة الايرباج ورحت لكهربائى وقالى انى ده تراب دخل فى الطارة وفعلا قعد يخبط شويه فى الطارة وطفت اللمبة وقالى ده تراب عادى
انا حبيت اوضح المعلومة ديه يمكن تفيدك

[مؤمن الليمونى]

المشاركة الأصلية كتبت بواسطة zoomaa&mizaa أ / مؤمن كان لازم تكشف على العربية فى التوكيل قبل ما تخلص فيها وبالنسبة للمبة الايرباج أنا شايف أن الايرباج ممكن فعلا يكون ضارب على العموم روح التوكيل وأسمع منهم هما وبس .

فعلاً حضرتك عندك حق أنا أكبر غلطة عملتها إنى ما كشفتش عليها فى التوكيل ، بس معلش محدش بيتعلم ببلاش