دليل الاعطال و الاصلاحات للفيرنا

[ابو بيسان]

مساء الخير على كل الاعضاء والادارين والمهتمين بموضوع الفيرنا

اخوكم فيرناوي جديد وعندي سؤالين لاصحاب الخبرة والاختصاص ياريت يفيدوني
اول حاجه انا كنت موجر فيرنا موديل 2010 واستعملتها حوالي شهرين كان صرف البنزين
بتاعها قليل قليل وكلمة قليل يعني قليل على صرفها وبعد فترة اخدت الفيرنا بتاعة واحد صاحبي
واستعملتها يجي شهر تقريبا كانت موديل 2007 وبرضو كان صرف البنزين فيها قلييييييييل
زيها زي ايلي اجرتها . واليوم اشتريت فيرنا زيرو 2012 مانوال كامله من ابوغالي
بس صرفها للبنزين مختلف اختلاف كلي يعني بتسحب بنزين سحب مش طبيعي لدرجة اني
ساعات بشوف عداد البنزين بينزل قدامي وانا لسه مغير لها زيت موبيل 1 وفلتر زيت وعلى
انا ماوديتهاش للتوكيل لصيانة الالف كيلو سؤالي هل في حاجه اتغيرت في الفيرنا وبقت تسحب
بنزين كتير كدا او ايه ايلي حاصل وهل الزيت موبيل1 كويس لموتور الفيرنا واااااسف جدا جدا
على الاطاله ياريت اهل الخبرة يقولولي رايهم في كلامي دا

[welywely]

مبروووووووووووووك ربنا يديلك خيرها و يكفيك شرها و شر الطريق و كمان شر الاغبية و التوكتوك و الموتوسيكلات الصيني:w6w200504111356266 3
بص يا باشا الموتور و استهلاك البنزين هيظبط معاك بعد 5000 كلم مهما عملت و ممكن تسأل صاحبك لو كان جايبها زيرو و لا لأ و كل وحوش الفيرنا اللي هنا في الموقع عارفين كدة لانك طبعا لسة المحرك في التليين

[welywely]

زيت موبيل كويس بس لحد 3000 كلم بس بعد كده بيبقى وحش و هتحس انه اتحرق ممكن تجرب كاسترول ما جناتيك (غالي شويه بس تحفة) او ( ليكو مولي الجرك الازرق 5000 كلم) او (شل الاصفر5000كلم اوفضي 10000 كلم)

[ابو بيسان]

الله يبارك فيك وكتر خيرك على النصايح عاوز اسالك ممكن اسيب الزيت لغاية 4000 مثلا العربيه ماشيه الف والزيت لسه مغيرة يعني اسيبه لغاية ما يوصل 5000 واغيره مره وحده وبعدين الزيت الفضي الاقيه فين وياريت حكاية البنزين تتعدل معايا شويه بس وعلى فكره انا جنطت العربيه 14 وكاوتش 14 الجنوط بيتهيالي اندونيسي والكاوتش قال عليه صاحبي نوع حلو

[ابو بيسان]

وبالنسبه للسرعه هل انا لي سرعه محدده عشان انا زيرو او امشي عادي زي ما انا عايز وفي حاجه تانيه انا مش بجري ولا بحب الجري بس مش بنقل الفتيس من 1 الى 2 الا بعد 35 ومن التاني للتالت الا بعد 70 ومن التالت للرابع 85 والخامس بين 95 وال 100 بس هل دا فيه مشكله على العربيه او عادي ادوس لاني متعود اسوق المانوال بالطريقه دي واسف على الاطاله والازعاج