استفسار عن نقل ملكية سياره لنفس المرور

[ahmedShafie]

السلام عليكم

استفسار عن نقل ملكية سياره لنفس المرور يعنى انا اشتريت عربيه بعقد مسجل وانا تابع لنفس المرور اللى تابع له صاحب العربيه اللى هوه البائع


هل رقم اللوحات بيبقى زى ما هو نفس الرقم

وحاجه تانيه عاوز اعرفها

الرخصه فيها سنتين لسه ينفع اعمل عقد مسجل بس لا اوقع عليه مشترى لحد ما السنتين يخلصو

وبعد كده ايه المفروض اعمله بعد كده

[ahmedShafie]

يا جماعه انا قريت موضوع لاخ من منتدى تانى وهذا كلامه

السلام عليكم انا قدامي عربية وفيها رخصة سنتين وصاحيها ماسك في سعر معين علي اساس ان السنتين دول مش هدفع انا تمنهم والرخصة هتتنقلي بأسمي عالطول.. وانا اعرف اني لما هنقل ملكية وارخص بأسمي هدخل فحص وادفع ضريبة من اول وجديد هل انا كدا صح و هدفع الضريبة تاني ولا السنتين هيتنقلوا بأسمي من غير ماادفع حاجة.. والعربية للعلم هنقلها بنفس المرور.

وده كانت رد واحد عليه

مش هتدفع ضريبة تاني هتدفع ثمن نماذج نقل الملكية وفحص بس في حدود 40 جنيه للسنتين طبعا + العقد المسجل

هل الكلام ده صحيح لان هعمل عقد مسجل للعربيه لنفس المرور والعربيه بها رخصه سنتين نفس حاجة الراجل ده

ارجو التاكيد

[ahmedShafie]

ارجو التاكيد هل الكلام ده صحيح

[goudai]

المشاركة الأصلية كتبت بواسطة ahmedShafie السلام عليكم استفسار عن نقل ملكية سياره لنفس المرور يعنى انا اشتريت عربيه بعقد مسجل وانا تابع لنفس المرور اللى تابع له صاحب العربيه اللى هوه البائع هل رقم اللوحات بيبقى زى ما هو نفس الرقم وحاجه تانيه عاوز اعرفها الرخصه فيها سنتين لسه ينفع اعمل عقد مسجل بس لا اوقع عليه مشترى لحد ما السنتين يخلصو وبعد كده ايه المفروض اعمله بعد كده

على ما اذكر ان لو كانت النمر قديمة فطبعا هتتغير بنمر جديدة اما لو كانت العربية معلقة النمر الجديدة فانا لا اعتقد ان الرقم هيتغير وهترخصها بنفس النمر
اما الجزئية بتاعة العقد المسجل فانا مش فاهم حضرتك تقصد ايه تحديدا بس عامة المقصود بالعقد المسجل انه يكون اتسجل فى الشهر العقارى علشان تروح المرور ترخص فالميزة فى العقد المسجل انه بيوفر عليك رسوم التسجيل فى الشهر العقارى ارجو من حضرتك توضيح وضعك اكتر من كدة لان فى خيارات كتير ممكن نتكلم فيها بس المهم ان انت توضح اكتر وتقولنا كل حاجة يعنى انت شارى العربية بتوكيل ولا صاحبها سجلك العقد وان شاء الله نفيدك
تقبل تحياتى

[ahmedShafie]

المشاركة الأصلية كتبت بواسطة goudai على ما اذكر ان لو كانت النمر قديمة فطبعا هتتغير بنمر جديدة اما لو كانت العربية معلقة النمر الجديدة فانا لا اعتقد ان الرقم هيتغير وهترخصها بنفس النمر اما الجزئية بتاعة العقد المسجل فانا مش فاهم حضرتك تقصد ايه تحديدا بس عامة المقصود بالعقد المسجل انه يكون اتسجل فى الشهر العقارى علشان تروح المرور ترخص فالميزة فى العقد المسجل انه بيوفر عليك رسوم التسجيل فى الشهر العقارى ارجو من حضرتك توضيح وضعك اكتر من كدة لان فى خيارات كتير ممكن نتكلم فيها بس المهم ان انت توضح اكتر وتقولنا كل حاجة يعنى انت شارى العربية بتوكيل ولا صاحبها سجلك العقد وان شاء الله نفيدك تقبل تحياتى

خليك معايا يا صاحبى

صاحب العربيه هيسجلى بعقد مسجل فى الشهر العقارى وانا وهوه من منطقه واحده
والعربيه مرخصه بها سنتين

السؤال هل لما اروح المرور علشان اعمل رخصة العربيه بأسمى هخش فحص وارخص العربيه من تانى ولا ايه


وعلى فكره انا من البحيره وتحديدا تابع لمروركوم حماده ونمر العربيات الملاكى لسه متغيرتش للجديده كله نمر قديمه