يوميات رينو رينبو ... اسعار قطع غيار وكل شيئ عنها

[wael koko]

السلام عليكم
معلش عايز اعرف سعر الماستر العمومي لرينو 9 وموجود فين

[mohnned]

المشاركة الأصلية كتبت بواسطة mohamed-ali ممكن اعرف انواع واسعار كباس التكييف لرينو رينبو وجزاكم الله خيراً

الغالى
أنا لسا مغير كباس
والاسعار كالتالى
كباس يابانى أستعمال بالتركيب والشحن 700 جنية
كباس ماليزى 1300 مكونات يابانى من غير تركيب وشحن
كباس صينى 1000 من غير تركيب وشحن

[Mohamad Sameer]

السلام عليكم ورحمة الله وبركاته
بعد قراءة هذا الموضوع القيم والمفيد بقد قررت الاقبال علي شراء هذة السيارة
وبعد بكره ان شاء الله رايح اشوف واحده موديل 99 لكنها عامله حادثه
وانا كنت عاوز اعرف من حضراتكم ايه الاساله اللى اسال عنها وانا بشوفها
لاني مبتدأ جدا فى مجال السيارات واذا ربنا اراد واشتريتها هتبقى اول سيارة امتلكها
يعني لو مفيهاش غلاسة ياريت تفيدونى بخبراتكم
وجزاكم الله خيراً

[hanianbry]

- العربية مبدئياً طالما كانت عاملة حادثة يبقى لازم تعرف من صاحبها طبيعة الحادث اللى اتعرضت ليه العربية والحادثة أثرت على ايه فيها وايه اللى تم اصلاحه أو تغييره بعد هذا الحادث
- خد بالك ان الرينو رينبو سير الكاتينة بتاعها جنزير مش كاوتش وده ممكن يخليك تلاحظ أن صوت الموتور ممكن تلاقيه عال حاجه بسيطة أوى وانت لسه بتدورها وبتسخنها بس المفروض مع المشى مش بتحس بإن الصوت عالى خالص
- خد بالك لو التكييف شغال تجربه وهى العربية ماشية ووهى واقفة مع ملاحظة ان درجة السقعية بتاعة تكييف الرينبو عادية وملطفه للجو يعنى مش تلاجة اوى
- خد بالك اعرف من صاحبها كان بيصلحها عند مين وبيجيب قطع غيارها منين لأن مش أى حد بيشتغلوبيفهم ف العربية دى وقطع غيارها لازم تبقى عارف اماكن بيعها .
- يستحسن ويفضل ترفع العربية فى بنزينة وتعرف حالة الموتور والعفشة وجميع مكونات واجزاء السيارة وممكن كمان تطلب انه يديك السعر المناسب لحالتها .
وبالتوفيق ان شاء الله وياريت تعرفنا بردو عملت ايه وحالتها كانت ايه واشتريتها بكام ..
هانى

[Mohamad Sameer]

أستاذ هاني جزاكم الله خيراً وان شاء الله هشوفها بكره عشان النهاردة الأحد اجازة
وان شاء الله هجيب اجابات الاسئلة اللى حضرتك قولتها ده والف شكر ليك مرة تانية