يوميات رينو رينبو ... اسعار قطع غيار وكل شيئ عنها

[ahmed.counselor]

طلب تسعير يا شباب
رينبو موديل 1999
رخصه سنه
دواخل فابريكه
رشه خارجى
التكييف معطل
العفشه 50 %
كاوتش وبطاريه 80 %
الصالون ممتاز
الحاله العامه جيده

تعمل كام

[eltokhy1979]

المشاركة الأصلية كتبت بواسطة hakam بفضل الله عز وجل رزقني الله بسيارة رينو رينبو موديل 97 وفور الشراء كالعادة قال لي الفتايين ليه كده ؟؟؟ حد يجيب رينو وكمان رينبو ؟ دي قطع غيارها ناااااااااار وكمان مش موجوده>>>>>> فتسلل الاحباط إلى قلبي والاكتئاب ايضا والسيارة مبقتش عايز اركبها وفكرت ابيعها ولو اخسر 5000 جنية ولكن ,,,,,,,, لما بدأت احتاج قطع غيار واسال عن اللي بيشتغلوا فيها وجدت ان في التوفيقية فقط 7 محلات بيشتغلوا في كل حاجتها تقريبا والمفاجأة ان اسعارها تكاد تكون زي الفيات والشاهين واليكم بعض اسعار قطع الغيار ( خلال ابريل 2011): 1- سلك عداد سرعة صناعة تونس 40 جنية 2- بيبة سرعة صناعة تركي 25 جنية 3- فلتر هواء تركي 25 جنية 4- فلتر بنزين بروحين تركي 12 جنية 5- سير تكييف الماني 25 جنية 6- تيل فرامل امامي ايطالي 75 جنية وفي مصري 45 جنية 7- تيل فرامل خلفي ايطالي اواسباني 125جنية 8- 2 مساعدين امامي الماني عالي الجودة 500 جنية وفي مصري وصيني وتركي في حدود 325 الى 475 9- ترموستات حرارة عادة بـ30 جنية وفي بسلك ( نوع مختلف 80 جنية) 10- سير دينامو فرنساوي 25 واتحاد اوربي 15 جنية وصيني 15جنية *** واليكم مصادر الاسعار وبعض الاماكن التي تبيع قطع الرينبو :ـــ 1- محل اسمه الرضا والنعيم في الدور الثاني بممر التوفيقية وتليفون رقم 25777273 موبيل 0123776686 ودول انا اتعاملت معاهم محترمين جداااااااااااا ولما يكون عندهم شيئ مش موجود يطمنوك ويقولولك انها موجودة في السوق بس مش عندهم وممكن يدلوك تجيبها منين 2- محل جمال البدري 7شارع زكي بالتوفيقية محل رقم 18 تليفون 25752633 ( والحاج جمال صاحب المحل رجل معاملته مقبولة وايضا محترمة) بس عيبه ان لو مفيش حاجة عنده يحسسك انها مش موجودة عشان متسألش عند حد غيرة ودي طبعا مش امانة 3- محل اسمه اسحاق اسكندر في شارع البورصة في التوفيقية بجوار ضرائب الازبكية( ودا انا مشترتش من عنده بس في الحقيقة معاملة ايضا محترمة ) 4- محل اسمه فريد ادوارد بجوار الرواس اول شارع رمسيس من ناحية معروف وميدان عبد المنعم رياض(ودا متعاملتش معاه ولا اشتريت منه)

أخي الحبيب ..ربنا يجازيك خير فعلا على كلامك ومعلوماتك الجميلة جدااا ...أنا فى طريقي أني أتمم شراء رينو 97 ان شاء الله ومعلوماتك مفيدة جدا جدا وطمنتني طبعا ربنا يكرمك. أشكرك على موضوعك ...أخوك أسامه الطوخي

[eltokhy1979]

المشاركة الأصلية كتبت بواسطة tarek elbadry الف مبروك ربنا يديك خيرها ويكفيك شرها الرينبو او الرينو 19 من العربيات الى بفكر اشتريها ونفس الموضوع الى حصل مع حضرتك الدنيا كلها بتكرهنى فيها سعر الرينبو كام دلوقتى

ربنا يجزيكم خير ياجدعان انتوا خليتوا عندي أمل
ان شاء الله أخلص فيها بكره او بعده بالكتير وشكرا ياباشا

[eltokhy1979]

المشاركة الأصلية كتبت بواسطة mohamed nazzal جزاك الله كل خير استاذ عبد الحكم ياريت حضرتك تجيب نمره التليفون بتاعت التاجر في قصتك الاخيره ربنا يجزاك عنا كل خير

السلام عليكم ورحمة الله وبركاته
اخي الحبيب اشكرك كثيرا على معلوماتك القيمة ..فأنا بصدد شراء عربية رينبو بحالة جيدة ربنا رزقني بيها والحمدلله لكن عداد السرعات لايعل ..فمعني كده أن البيبة مكسورة؟ ولومسكورة يبقى لازم يتفك الفتيس ؟ معقول ؟ طيب انا جربت العربية الحمدلله ومبسوط من حالة الفتيس ...لازم عشان اشغل عداد السرعات يعني افك الفتيس؟؟؟ الله يبارك لك لو تقدر تفيدني فى الموضوع ده ضروري وهل المساله ممكن تتحل عند بتاع العدادات وتكون سير بس وللا ايه؟

[mohamed9999]

بعد قراية الموضوع الجامد دا حد عنده رينو رينبو للبيع يا جماعه