نيسان تزيح الستار عن مواصفات وصور و اسعار باترول 2013 النسخة الاسترالية

[professional25]

نيسان تزيح الستار عن مواصفات وصور و اسعار باترول 2013 النسخة الاسترالية



شركة نيسان طرحت طراز رباعية الدفع باترول 2013 فى استراليا .

وبالنسبة لمحركات باترول الاسترالية حسب "اى فرات" فهتحتوى على محرك V8 سعته 5.6 لتر قوته 405 حصان وعزم الدوران 560 نيوتن . متر ، و المحرك ده هايكون متصل بناقل حركة اوتوماتيكى من ست سرعات ونظام دفع كلى للعجلات ، ودى بتعتبر منظومة قوية بتخلى باترول تستطيع جر ما يقرب الى 3500 كجم من الاوزان و تحقيق معدل استهلاك 15.5 لتر لكل كم للوقود .

بالنسبة للتجهيزات الاساسية فى نيسان باترول 2013 هاتكون زى نظام ربط الهاتف بالسيارة عن طريق البلوتوث ، ومقعد للسائق ممكن ضبطه كهربائياً فى 8 اتجاهات ، وكمان امكانية توصيل iPod ، ونظام صوتى من ست سماعات ، ومكيف هواء ثنائى المنطقة ، وحساسات للإصطفاف فى الامام والخلف مع كاميرا خلفية ،و مخادع رأس امامية نشطة وكمان اكياس هوائية فى الامام وعلى الجوانب .

وبالنسبة للمقصورة الداخلية هايبقى فى كسوة جلدية للمقصورة ، ونظام للتحكم فى ارتفاع البدن بطريقة هيدروليكية، وحساسات للامطار ، واضاءة اوتوماتيكية ، وفتحة سقف بتحكم كهربائى فى اربعة اتجاهات ، وامكانية تعديل وضعية مقعد الراكب الامامى كهربائياً . و الفئة Ti هايبقى فيها نظام ملاحة متطور ،و نظام صوتى ب 13 سماعة من BOSE ، و ذاكرة لوضعيات مقعد السائق ،و شاشة لعرض محيط السيارة ،و شاشتين عرض مقاسهم 7 بوصة متوصلين بالـ DVD للركاب فى الخلف .

وبالنسبة لاسعار نيسان باترول 2013 هتبدأ من 85 ألف دولار استرالى فى استراليا ده بالنسبة للطراز الاساسى ، و الطراز Ti هيبدأ من 95 ألف دولار استرالى ، والفئة Ti-L هتبدأ من 115 ألف دولار استرالى فى السوق الاسترالى.

[amroo1982]

جبارة دي كلها ايام وتنزل هنا في الخليج بسعر تمام طبعا اوعى حد يحط امل في مصر دي عمرها ما تنزل مصر عشان V8 ومصر اخرها 4 اسطوانات وكوتش:w6w20050411224 5306e

[mohamed elshahat]