تعونوا معنا للتصدي للمعاملة السيئة في أقسام المرور

[AMMI]

اقتراح اخر

ان اجراءات استخراج الرخصه لا يتبع وزارة الداخليه ويوكل الى اى هيئه اخرى مدنيه

الموضوع ده ملوش علاقه بالشرطه
من ضمن اسباب عدم السيوله المروريه ان الشرطه بتعمل اقتراحات لتسيير المرور اغلبها غير علميه
وللعلم بالشىء ان تصميم الاشارات المروريه وتحديد الكثافه المروريه والحل الامثل للزحام هو علم مختص بدارسى كلية الهندسه قسم مدنى

[tarmum]

انا لسه مجدد الرخصه بتاعتى من مرور ابيس النهارده
الحمد لله الوضع اختلف تماما بعد الثوره انا وانا ماشى مكنتش مصدق نفسى انا خلصت كل الاجراءت فى اقل من ساعتين رغم انه مرور ابيس تم اضافه مرور محرم بيه اليه لحين الانتهاء من اعمال ترميم محرم بيه
والامناء بقوا بيحترموا المواطنين ومبياخدوش رشاوى زى الاول
بس اللى كان مضايقنى هموا الموظفين الستات لانهم كبار فى السن وخلقهم ضيق شويه
بس على العموم هما ارحم من ايام زمان ايام ما كانو بيتخلقو على الناس وكان يحسسوك انهم بهوات وانك بتشتغل عندهم
ملحوظه مهمه ياريت محدش يدى اى رشاوى لا اى حد فى المرور لان ده شغلهم اللى بياخدوا عليه مرتبهم ولو المرتب مش مكفيهم يبعنوا شكاوى لرؤسهم مش احنا اللى ندفع الفرق بالرشاوى

[نبيل عبدالرحمن]

المشكلة الأكبر دلوقت إن فى بعض الإدارات المرورية ( زى مرور محرم بك فى اسكندرية ) اتحرقت فيها كل ملفات السيارات وأصبح مفروضاً على كل واحد يعمل ملف جديد لسيارته وهنا تظهر مشاكل لا حصر لها خاصة فى نقل الملكية أو التجديد ، بس الحاجات دى مع الوقت ها تتظبط إن شاء الله

[AMMI]

المشاركة الأصلية كتبت بواسطة نبيل عبدالرحمن المشكلة الأكبر دلوقت إن فى بعض الإدارات المرورية ( زى مرور محرم بك فى اسكندرية ) اتحرقت فيها كل ملفات السيارات وأصبح مفروضاً على كل واحد يعمل ملف جديد لسيارته وهنا تظهر مشاكل لا حصر لها خاصة فى نقل الملكية أو التجديد ، بس الحاجات دى مع الوقت ها تتظبط إن شاء الله

المفروض الحكومه الذكيه كانت الملفات ديه كلها يكون معمول ليها scan وموجوده على اسطوانات

[تامين سيارات]

المشاركة الأصلية كتبت بواسطة AboNoRa مش بس كده ده المفروض زى ما بيحصل بره انك ممكن تسلم او تبعت ورقك ويجلك ورقك تانى بالبريد وتدفع عند الاستلام فيه حاجات كتير ممكن تتحسن بقرار بسيط عايزين افكاركم واقتراحتكم

ههههههههههههههههههههههههه عاوز تجدد الرخصة بالبريد فى مصر هههههههههههههه انت اكيد بتهزر مش اما البريد يتصلح الاول و يبقى بريد اهو البريد الى حضرتك بتقول علية تبعت فية ورقك الى لو ضاع هادوخ و تلف مش لانة غلطة البريد لا لانك وثقت باحدى مؤساسات الدولة المنتهية من 20 سنة غير بقى انك بتبقى موجود فى المرور و بتتاخر و اكنك مستنى نتيجة الثانوية العامة شوف بقى لو بعت فىالبريد حلنى بقى يعنى تبعت الترخيص مثلا 2011 يوصلك 2013 يا رجالة انسف حمامك القديم من طلب الرشوة لن ينصلح حالة و لو بعد 50 سنة الفصل من الخدمة + المقاضاة الجنائية + تنفيذ الحكم = دولة محترمة