عاوز عربيه لحماتى في حدود 70 الف

[ابراهيم داود]

الف شكر لك ياباشا دى هيونداى ياراجل 000 والله لو كنت قلت لوجان بس000 كنت افتكرتها هيونداى لوجان
بس اشكرك جدا ؟ انا كده عرفت ان الموديل لوجان والماركه رينو وحضرتك قولت السعر كمان 71 الف
ياريت الى يدلنى على نوع يعرفن الماركه والموديل واذا امكن بلد الصنع وياريت كمان الوكيل
وشكرا للى يفدنى بمعلومه كامله
اخوكم بيتمنى يكون صايع ماركات ومودلات

[ringoo]

المشكلة ان حضرتك مش موضح ايه اكتر ميزة محتاجها فى العربية لان كل عربية ليها ميزة عن التانية
وانا برشح اللوجان الهاتش باك لان حضرتك عايز عربية هاتش باك وتنفع للطرق الغير ممهدة والعربية
دى مصممة لمثل هذه الطرق
وسواء انا والاعضاء الاخرين فى الموضوع مش بنقولك ايه اكتر عربية تناسبك على قد ما بنقولك ايه العربيات
الموجودة فى حدود السعر اللى معاك
لو وضحت اكتر احتياجات صاحبت العربية منها حنساعدك اكتر يعنى مثلا ما ينفعش يكون الناس اللى حتركب معايا
فى العربية احجامهم كبيرة واروح اشترى i10 او بيكانتو لان دى عربيات صغيرة يا رب تكون فهمت قصدى
وربنا يرشدك للاختيار الامثل

[nabihtarapay]

هات ماتركس 2008 2007ومش هتندم

[حازم شاهين]

المشاركة الأصلية كتبت بواسطة ibd13013 الف شكر لحضرتك استاز/ حازم يفضل ترك مبلغ لمصاريف الترخيص و ممكن الترويش ؟ تقصد بها حضرتك التبس او البقشيش ممكن حضرتك تفدنى الحاجه الى تكون مناسبه ليها العربيه هتمشى على اراضى زراعيه

لا مش قصدى التيبس (التيبس بيكون فى حدود عشرين جنيه ...مش حكاية)

لكن مصاريف الترخيص إللى هى تمن النماذج بتاعت المرور و تأمين اللوح المعدنية و الضريبة السنوية و التأمين الإجبارى كل ده ممكن يتكلف حوالى 600 جنيه للعربية لو هى 1300 سىسى و ممكن يوصل لـ 1100 لو العربية 1600 ده فى حالة لو هتعمل رخصة لمدة تلات سنوات.
أما مصاريف الترويش إللى قاصدى بيها
تركيب فرش للعربية و عراقات
تركيب سماعات أو نظام صوت أو حتى دى فى دى
تركيب جنوط لو هى من غير
تركيب نواكل أو سبويلر
او أى حاجه من الحاجات دى
طبعا كل الكلام ده بيبقى حسب زوق صاحب العربية
و متنساش الدباديب و العرايس علشان تبقى العربية حريمى

[a7lahamada]

يا جماعة انتو ناسيين عربية حلوة جداا هتزود بتاعالف او الفين وجبلك هيونداي جيتز عربية حلوة جدااااا بجد وتستحمل تمشي في اي مكان ودي جية من كوريا علي مصر عدل وهاتش باك وفيا جميع الكماليات وموتورها 1600 سي سي جامد علي حجم السيارة فالعربية هتسحب معاك جامد جداااا