رينو سيمبول ..ولا .. كيا ريو !!؟؟

[POP EL GAMED]

المشاركة الأصلية كتبت بواسطة Gody :) متشكر جدا على اهتمامك يا بوب انا عارف من الاول انها تجميع تركى وماعنديش مشكلة فى دة خالص لانى عرفت ان الميجان تقريبا هى كمان تجميع تركى ... وعرفت ان قطع الغيار مش غالية اوى زى ما كنت فاكر واكيد طبعا زى ما انت بتقول هتبقى قطع غيارها الفرنساوى معمرة عن قطع غيار الكورى بكتير انا بس كان سؤالى هل الرينو كماركة فيها مشاكل بعد كدة ؟؟ يعنى مشهورة بحاجة من زمان فى العفشة او الموتور او التكييف او كدة ؟؟؟ وليه معروف عن الرينو انها فى اعادة البيع بعد كام سنة بتنزل جامد عن سعرها ؟؟؟ انا السيمبول عاجبانى جدا وداخلة دماغى وحاسس فعلا بالفرق بينها وبين الريو والاكسنت والحاجت اللى فى نفس الفئة السعرية ... بس عايز حد يطمنى من ناحيتها عشان اتوكل على الله واحجز ... عشان فعلا زى ما انت قولت ان الشعب المصرى كل واحد بيطلع بكلمة وهو مش عارف .. يعنى العربية الواحدة بتسمع عنها انها زى الفل وتسمع من حد تانى انها زى الزفت ... حاجة تحيرptmnlo123per16

باشا الرينو مفيهاش مشاكل معينه مشهوره بيها
لكن السيمبول دى تعديل الكليو ال1400(كشكل لكن نفس الموتور والعفشه)
الكليو ال1400 كان عيبها الوحيد ان طلبمه البنزين مش قويه (هو ميعتبرش عيب قوى)
لو فضلت تخلص البنزين اللى فى التانيك كتير الطلمبه بتضعف وتضطر تغير اما موتور الطلمبه او الطلمبه كلها وكل ملاك الكليو عارفين الموضوع ده وبيتحل بحاجه بسيطه جدا انك متخليش التانك ينزل عن الربع(ناس كتير معاهم عربيات غير الكليو وبيعملوا كده برضه حفاظا على الطلمبه وعلى ان العربيه متسحبش الشوائب من التانك ومعتقدش ان دى حاجه صعبه)ومتقلقش خلص البنزين مره واتنين وتلاته وتلاتين ومش هيحصل اى حاجه انما عشان تعمر معاك جامد ومتحتاجش تغيرها يبقى زى ما بقولك متخليش التانك يفضى بس كده يا باشا هو ده العيب الوحيد المعروف ولازم اقولهولك بمنتهى الامانه عشان تكون على نور
وموضوع ان الرينو تقيله فى بيعها وبتخسر ده طبيعى لان الشعب المصرى عنده اقتناع شديد جدا ان الرينو والسيتروين قطع غيارهم غاليه ومش موجوده وانها عربيات سحر
عشان كده الناس بتقلق منها مستعمله ومحدش بيجيبها غير اللى فاهم فى العربيات كويس او غاويها
ارجو انى اكون قدرت ارد على اسئله حضرتك وربنا يوفقك للخير بأذن الله

[Gody :)]

جزاك الله كل خير يا بوب ... انا خلاص شكلى هنوى واحجز السيمبول ان شاء الله لانى حاسس ان الرينو الناس هتبدأ تغير نظرتها ليها بعد اللوجان والسيمبول ما ينتشروا
اخر سؤال بقى ... اية رأيك اجيبها مانيوال ولا اوتوماتيك ؟؟؟ ... انا مش من النوع اللى بيسافر وبيحب يجرى وكدة وطبعا اغلبية مشيى جوة البلد فى الزحمة وطبعا الاوتوماتيك مريح جدا .. بس اية عيوبه الجوهرية ؟

[POP EL GAMED]

المشاركة الأصلية كتبت بواسطة Gody :) جزاك الله كل خير يا بوب ... انا خلاص شكلى هنوى واحجز السيمبول ان شاء الله لانى حاسس ان الرينو الناس هتبدأ تغير نظرتها ليها بعد اللوجان والسيمبول ما ينتشروا اخر سؤال بقى ... اية رأيك اجيبها مانيوال ولا اوتوماتيك ؟؟؟ ... انا مش من النوع اللى بيسافر وبيحب يجرى وكدة وطبعا اغلبية مشيى جوة البلد فى الزحمة وطبعا الاوتوماتيك مريح جدا .. بس اية عيوبه الجوهرية ؟

ربنا يوفقك للخير يا باشا
العيوب فى الاوتوماتيك هو انه بيستهلك بنزين اكتر بس مش بكتير
بيستهلك تيل اكتر من المانيوال
سحبه مش زى المانيوال (اضعف)
بيحتاج تغيير زيت واهتمام مش زى المانيوال
وانت ممكن تتغاضى عن العيوب دى فى سبيل راحه الاوتو جوه البلد
بس عن نفسى انا شخصيا افضل المانيوال جدا لانه بيحسسنى انى سايق عربيه انما الاوتو بحس انه لعبه(بس حقيقى اريح)
وحضرتك تقدر تشوف ايه اللى يريحك
بس اكيد لما تجبها متنساش اللفه بتاعتى

[Gody :)]

ههههههههههههه .... و دى تفوتنى برضه يا بوب
بس يمكن انت عشان بتحب السواقة ميال اكتر للمانيوال .. انما انا بتخنق من السواقة وخصوصا اما بتبقى ماشى زى السحلفة جوة البلد اللى بقت عاملة زى علبة السردين دى
انا على فكرة حجزت النهاردة السيمبول اوتوماتيك من الميكانيكيون العرب اللى فى النزهة الجديدة و ان شاء الله هروح ادفع الباقى بس لما ابيع العربية اللى معايا .... ومتشكر جدا لنصايحك وتعبك معايا يا بوب
وما تقلقش اللفة بتاعتك فى الحفظ والصون ptmnlo123per193

[POP EL GAMED]

المشاركة الأصلية كتبت بواسطة Gody :) ههههههههههههه .... و دى تفوتنى برضه يا بوب بس يمكن انت عشان بتحب السواقة ميال اكتر للمانيوال .. انما انا بتخنق من السواقة وخصوصا اما بتبقى ماشى زى السحلفة جوة البلد اللى بقت عاملة زى علبة السردين دى انا على فكرة حجزت النهاردة السيمبول اوتوماتيك من الميكانيكيون العرب اللى فى النزهة الجديدة و ان شاء الله هروح ادفع الباقى بس لما ابيع العربية اللى معايا .... ومتشكر جدا لنصايحك وتعبك معايا يا بوب وما تقلقش اللفة بتاعتك فى الحفظ والصون ptmnlo123per193

الف مبروك يا باشا ربنا يباركلك فيها بأذن الله
واى حاجه تحتاجها انت عارف هتلاقينى فى القسم هنا