ادخلوا وشوفوا الجيلى الايمجراند اللى طالعين بيه السما اتقلبت 3 مرات

[عصام الجارحي]

المشاركة الأصلية كتبت بواسطة ahmedkolaly ادخلوا وشوفوا الجيلى الايمجراند اللى طالعين بيها السما اتقلبت 3 مرات ادخلوا على موقع نادى سيارات ايمجراند مصر على الفيس قبل ما الادمن يحذف الصور والتعليقات العربية مش نافعة والادهى انهم مش عارفيين يصلحوها فى غبور غبور ضحك على الناس بعربية عبارة شكل كرتونى مبهر من الخارج العربة يا سادة وهى ماشيه على سرعة 100 الرجل داس فرامل العربية لعبت بيه يمين وشمال لحد ما اتقلبت بيه والحمد لله ان مكنش معاه اطفال ساعتها وإلا كانت هتبقى مصيبه كبرى بسرعة ادخل وإقرأ انا مش عارف اقول ايه غير حسبى الله ونعم الوكيل الفلوس اللى بنشترى بيها العربية والله والله طالع عينا فيها وفى الاخر تروح بكل لامبالاة من غبور ناهيك عن كل العيوب اللى كل يوم تظهر فيها تحذير للجميع من هذه الخدعه احنا بنشقى فى فلوسنا المشكله مش فى العربية المشكله ان غبور مش عارف يجمعها خالص ومش عارف خبياها ده بيجمعها فى حتة ارض متقفلة صاج فى ابو رواش وكمان مافيش مراقبة جودة عشان تقول ان هذا التجميع صالح ام غير صالح وربنا يسترها يارب على اللى جابها ويحميه يارب

عموما يا اخي دي اخر مرة هتدخل فيها الجروب لان الجروب خلاص مبقاش لكل من هب ودب
الحاجة التانية لا يجوز ابدا ان تقوم بالاستشهاد بحادث كهذا تم عرضه في الجروب من اجل تقييم العربية بعد هذا الحادث الاليم وايضا لمواساة صديق عزيز علينا جميعا في الجروب والتضامن معه في اي خطوة يريد ان يتخذها من اجل ان تنتقد ساسة وكيل او تشوية صورته او التقليل من كفاءة العربية او اي نية لك تخالف كل العادات والتقاليد المصرية في مثل هذه الظروف والتي تدعونا جميعا اان نقول قدر الله وما شاء فعل ونحمد الله علي خروج الاستاذ شريف منير سليم واي شئ في المادة يتعوض وجميعنا في الجروب متضامنين معه وفي اي خطوة يريد ان يتخذها
اما الشئ الاهم يا اخ الاسلام انا والكثير يتفق معي ان ما عرضته من اجل الاستشهاد به من اجل تشوية العربية هو بمثابة شهادة جودة لها وليس العكس لانه ببساطة هذه صور العربية بعد انقلابها ثلاث مرات ليخرج الاستاذ شريف والحمد لله بدون اصابات وتكون هذه هي حالة العربية بعد الانقلاب متروكة لتقييم اصحاب العقول والخبراء في سيارة انقلبت ثلاث مرات علي سرعة 90 كيلو





اما بخصوص ان هناك قصور فني في تقفيل العربية فهذا هو الشئ الوحيد الذي ممكن ان نتفق عليه ونعاقب جميعنا متضامنين المتسبب فيه لا ان نلقي دائما باللوم علي اشياء ان بدت في ظاهرها شهادة مع وليس ضد
الامر الاخير يا اخي كل يوم يمر علي هذه العربية يزيدني انا شخصيا تمسكا بها وليس خوف منها وان كانت هناك بعض العيوب الفنية في التقفيل يمكن تلافيها وتوجد في عربية ولا توجد في اخري كل هذا وارد في كل الماركات وليس في الامجراند مثلا
اختم كلامي لا يغبر الله ما بقوم حتي يغيروا ما بانفسهم فبدء بنفسك اخي الكريم وتعلم اسلوب الحوار البناء وتعلم ماذا يقاال في مثل هذه الظروف بدلا من ان تاخذك امور الشماتة الي طريق يلقي بك في ظلمة لا يعلمها الا الله

((وعسي ان تكرهو شيئا وهو خيرا لكم))
((ولنبلونكم حتي نعلم المجاهدين منكم والصابرين ونبلوا اخباركم ))
صدق الله العظيم
ربنا يصبر الاستاذ شريف ويرزقه خيرا منها

[ahmedkolaly]

حبيبى انا اللى خرجت بمزاجى وكون انكم تتهمونى بالشماته كونى عرضت الموضوع واثارته وكل ده عند الله والله اعلم بنيتى هو انا عشان بوضح للناس ابقى شمات وانتوا عملتوا فيها واعظين ولم تقرأو الموضوع بحياديه لانكم لاتسمعون الا اصواتكم فقط واى معارض لكم تقومون بالتهكم عليه وتتهمونه بما ليس فيه اى دين واى مبدأ يؤيد الشماته الراجل صاحب الحادث واحمد الله على سلامته لم يتفوه بتفاهات مثلكم لانه دكتور محترم ونصحتى ليه يالى مش عارفين حتى تنصحوا صح انك يا دكتور شريف تعمل محضر وتطلب ندب مصلحة الطب الشرعى لمعرفة سبب الحادث هل عجله واحده اللى قفشت فبالتالى ادت الى الحادث ام ماذا ومن ثم تقوم مصلحة الطب الشرعى بندب لجنه هندسية من كلية الهندسة لفحص السيارة وبيان السبب هو ده الكلام يا للى عملين فهيمه من اول ما نزلت المنشور وافجأ بسيل من الهجوم وقلة الادب فعلا واذا خاطبهم السفهاء قالوا سلاما ســــــــــــــــــــــــ لاما

[ahmedkolaly]

بس يا دكتور شريف انت هتتحمل نفقات ندب اللجنه الهندسية وهى نفقات ليس بكبيرة بلقدر الذى يمكنك من إثبات حقك لانك فى هذه الحاله لو ثبت حقق انك تسترجع القيمه المالية كامله من الشركه

[takakan2005]

قولنا الكلام ده من البداية قالوا إطلعوا من البلد
واضح إن فيه ناس بتدافع عن غبور عمال على بطال
غبور ده أكيد ساحر علشان الدفاع المستميت ده عنه
مافيش شوية تروى أو عقل وفعلآ نشوف الأمور على حقيقتها
يعنى الراجل اللى كتب الموضوع ده غلط فى أيه ؟؟ ده بنبهنا علشان ناخد بالنا
وهو نبهنا للعربية وعيوبها وطريقة ومكان تصنيعها مش بنبهنا ضد غبور
وأنا مصدقه فى كل كلمة قالها
بلاش التعصب الأعمى

[الكردي2000]

انا ملاحظ حاجه غريبه جدا في موضع الايمجراند بالذات , إن فيه ناس بتهاجم العربيه بشده وبتقول انها مش عربيه اصلا وكأنها توتوك , أو عجله مش عربيه والاغرب ناس ترد عليهم وتمدح في العربيه وتوصف فيها كأنها مرسيدس ونسيوا انها اصلا عربيه صيني في الاول والاخر , زي مايكون العربيه تقرب لهم أو هما التوكيل بتعها ومش عايز أقول أن احتمال يكون فيهم ناس شغاله تسويق لغبور اصلا ., اللي أنا عايز أقوله يا جماعه نعطي فرصه للسياره للحكم عليها بلاش نستبق الحكم عليها يمكن تكون عربيه كويسه فعلا وتنقذنا من اسعار الكوري اللي ولعت واتجننت