امبارح . وانا عالمحور وفي ساعة عصاري .. أل اية ياخواتي بيقلي خبطيني !!

[ahmed_rahem]

الموضوع نصب وسرقة وانت الامين دة انقذك، الى كان هيحصل:
انتى هتنزلى هيقعد يتخانق ويلم عليكى الناس ولانك واحدة ست هتحاولى تلمى الموضوع وممكن الناس - الشهمة جداً - هتحاول تلم الموضوع، تدفعى قرشين يصلح عربيتة ويمشى.
نفس الكلام حصل مع مراتى والحمد الله موقفتش خالص، لو حصل تانى سيبك منة او اقفى قدام ظاب شرطة وانة بترصدك وبيحاول يخطفك، يسرقك الخ...

وربنا يحرصنا

[ahmed_eng2001]

المشاركة الأصلية كتبت بواسطة ahmed_rahem الموضوع نصب وسرقة وانت الامين دة انقذك، الى كان هيحصل: انتى هتنزلى هيقعد يتخانق ويلم عليكى الناس ولانك واحدة ست هتحاولى تلمى الموضوع وممكن الناس - الشهمة جداً - هتحاول تلم الموضوع، تدفعى قرشين يصلح عربيتة ويمشى. نفس الكلام حصل مع مراتى والحمد الله موقفتش خالص، لو حصل تانى سيبك منة او اقفى قدام ظاب شرطة وانة بترصدك وبيحاول يخطفك، يسرقك الخ... وربنا يحرصنا

انا متفق مع حضرتك تماما .... ربنا يحفظنا جميعا

[mido_khalifa]

المشاركة الأصلية كتبت بواسطة ahmed_rahem الموضوع نصب وسرقة وانت الامين دة انقذك، الى كان هيحصل: انتى هتنزلى هيقعد يتخانق ويلم عليكى الناس ولانك واحدة ست هتحاولى تلمى الموضوع وممكن الناس - الشهمة جداً - هتحاول تلم الموضوع، تدفعى قرشين يصلح عربيتة ويمشى. وربنا يحرصنا

طيب ياريت تيجي علي فلوس بس دا ساعات انت طبعا بتنزل وهوا بينزل من عربيتوا ويجي واحد تبعه طبعا ييجي راكب عربيتك وماشي بسرعه وهو يركب عربيته وماشي وتيجي انت مشي بقي لحد بيتك

[katoba]

بصى انا قرأت موضوعك ونصيحة منى حاجة زى دى اول ماتحصل تاخدى المفتاح فورا وتخبيه وتسيبيش العربية دايرة .. الحاجة التانية الى مفمتهاش الصراحة موضوع جريدة الدستور الى مفهمتش اية علاقتها بالموضوع اصلا او حتى الاخوان كان علاقتهم اية .. ومعلومة لحضرتك وقبل المعلومة انا اقسم بالله العظيم لست اخوانيا ولا انتمى ليهم بس على الاقل منصف ومبظلمش حد مش زى جريدة الدستور الى اثرتى موضوعها لكن تعاملت مع ناس منهم ومشوفتش فيهم غير كل ادب واحترام وليس من سياستهم السب او الشتايم .

[احمد سويلم]

المشاركة الأصلية كتبت بواسطة سهر الجنزوري الرجالة .. جتلهم شطوة في دماغهم بعيد عنكم بعد ما مرسي مسك .. بقا الشكل للبيع .. والخناقة مع واحدة ست بقت جدعنة .. الله يرحمك يا رجولة . زمان كان حتي لو كانت الواحدة غلطانة .. تلاقي الراجل راجل شهم وجدع وميعرضهاش لموقف وحش .. ما علينا .. أية بقا ا لي حصل .. هقلكم . خلصت شغلي من هنا .. وطلعت عالمحور .. وكالعادة الطريق بيجي في اخر ربعو كدا وانا رايحة علي ميدان لبنان .. واقف ويا مين يجبلك جناحين لكن مش دية القضية بقا . المهم جيبة جريدة الدستور وكنت اول مرة اجيبها .. وامبارح بقا كتبين منشيط جامد اوي .. هما بصراحة ضد الاخوان قلباً وقالباً .. لكن مش دية القضية .... القضية بقا اني في واحد جي بعربية هيونداي كدا نوبيرا بيني .. او دايو نوبيرا المهم جي عايش الدور اوي وراح طلع جمبي بالعافية . وانا مكبرة دماغي . فكراة جي يعاكس ولا حاجة . اصل هما كدا .. دلوقتي بقت شغلتهم ينزلو الشوارع يلفو بالعربيات .. رجالة . ..بالبطاقة . جة وراح شاتم شاااااااتم شااااااااتم ... وانا مش فاهمة حاجة . لحد ما طلعت ونزلت ميدان لبنان . ودة عمال يزنق وعايز يخبطني وعملي توتر رهيب .. وانا خوفا طبعا علي عربيتي . كبرت دماغي لحد ما نزلت الميدان ورحت فاللفة واول ما بقا وشي في وش عم كنتاكي . رحت هوووووووووووووووووووووووو ب واقفة . وهوة هووووووووووووووووب وقف . ونزل وانا كمان نزلت اول كلمة يا خونا جت علي بالي هيا .. خير في اية . فاكرين فلم وكمان بتقلي سلام عليكم ودة بيشتم وحاجة اخر قلة ادب . لحد ما جة امين الشرطة وكام بنأدم كدا فعلا رجالة بحق وحقيقي .. وقالو زي . خير ؟؟! راح رد وبكل صرع المدام خبطتني وطلعت تجري . المهم انا الحمد لله ( خمسسة وخميسة ) عربيتي مفيهاش خدش واحد حتي !! وهوة عربيتيو طالعة من بق كلبة ( هع هع هع ) ومع اخذ الرخص من كل الطرفين .. والمعاينة الخارجية للسيارتين ... ومع المعاينة الداخلية .. لقينا الراجل بيقول .. خلاص روحي الله ينتقم منك . هات يا بية الرخصة انا متنازل عن حقي ... . راح الظابط بصلو وبصلي . وادالو الرخصة . ومشي . وانا سكت .. . بعد ما مشي . قلت انا المفروض مكنتش سبتو كنت عملتلو محضر سب وقذف .. وهي دية اكبر حادث ممكن تعملو مع مغفلين الطريق المهم انا معايا دلوقتي رقم العربية .. بتاعتو . ومعايا كمان اسمو ثلاثي اعملو محضر ؟؟ ولا اكبر دماغي ؟؟؟ حكيت لناس قالولي دية حركة بتتعمل عشان يسرقو العربية منك يقلك اقفي خبطي ومش عارفة اية . عشان يسرق العربية .. بس انا مستبعدة الفكرة لاننا كنا وقفين في مكان زحمة !! وناس قالت الدستور يا سهر هيا المشكلة .. شكلو كن اخواني هع هع

ترجعلنا على خير ان شاء الله يامدام ســـــــــــــــــــــــه ر