معرفة اي حاجه عن تركيب السيراميك

[momen_bondok]

السلام عليكم ورحمه الله وبركاته
كيف الحال يا شيخ حمدى
انا كنت بستسمح حضرتك توضح الفرق بين الفرز الأول والثانى والثالث فى السيراميك
ليس الفرق فى الاسعار إنما فى الجودة والعيوب ... الى اخرة
وجزاك الله خيراً

[جى جى 4]

اشكرك على المجهود الرائع
وارجو افادتى عندى مكان حوض المطبخ 130 سم ومحكوم بجدارين عاوزه اشيل الحوض الاستنلس واجيب حوض كبير وبدل الرخامه اعمله سيراميك ذى مسلسل فاطمه فى مطبخها متبلط بالسيراميك الاحمر بس المشكله انى مش عارفه ممكن السيراميكيوضع على ايه

[ابوشروق]

المشاركة الأصلية كتبت بواسطة حمدي 84 وعليكم السلام ورحمة الله وبركاته اسمحلي بداية ان احي الاخ الفاضل علي اجابة ووجهة نظره وكلا مه صحيح الا اني اختلف معه في جزئيه بسيطه الا وهي ان كل مكان له خصوصياته من حيث المقاس وهل البلاطه الكبيره لها مساحه محددة بحيث لو قلت عنها اتينا بالصغيرة ام ان المساحه تقريبيه؟ واني اري انها تنفع هي هذه المساحه ولا يشترط ان يكون رائي هو الصواب ممكن يكون راي حضرتك اصوب مني الا اني اقول انها تنفع لان علي ما اذكر ان البلاطه الخمسين القطر بتاعها بيساوي 70 سم وبالتالي ان عرض الصاله ياخذ خمس بلاطات صحاح بدون كسر او غلايق والطول تقريبا يزيد عن 12 بلاطه واعتقد المساحه كافيه واما عن ان المقص ال60 لا يقطع البلاطه ال50 علي السوكه او ال45 فهذا صحيح الا انه توجد طريقه لقطع نفس البلاطه ال50 علي نفس المقص ال60 وهي مجربه اكثر من مره ولا يوجد بها اي عيوب هي تحتاج صنايعي جرئ اوخبره لانه ممكن يقول متنفعش لانه ربما لا يقتنع او يخاف يجرب وخصوصا لما يكون الامر جديد عليه بيكون فيه هيبه شويه وهو انه يصل قطر البلاطه ببعضه عن طريق شد خط بالقلم عليها وبعدها يضع البلاطه فوق الكساره بتاع المقص ثم يضع علامه علي الكساره تقابل سوكة البلاطه حتي لا يضطر شد الخط علي كل بلاطه يريد قطعها والفديه هتمشي علي البلاطه حوالي 95% ويقلب البلاطه ويمشي بالفديه ليكمل الخط ال5% الباقيه وبكدي يستطيع قطع البلاطه وعلي فكره الطريقه ليست صعبهوان قال انها تاخذ وقت هي تاخذ حوالي خمس دقائق لانه هذه الطريقه هتكون في الخيط فقط اما باقي الغلايق البلاطه هتتحط عادي لانها هتكون اقل من النصف وطبعا الخيط عندك علي المساحه المذكوره 12 بلاطه يعني هيقطع 6 بلاطات ب12 نصف ونصيحه لو استصعب الامر لا تضغط عليه واتركه يعملها عدله حتي يكون الشغل افضل وربنا يوفقك

السلام عليكم ورحمة الله وبركاته
جزاك الله خير
أخى حمدى
الله ينور عليك

[مالك مصطفى]

السلام عليكم .. لو سمحت عايزه حد يساعدني ضروريييييي في تركيب السيراميك لما رحت اشوف الشغل الي اتعمل في الحمام لقيت العامل ماعملش الشطفه 45 الي بتبقى عند حافة العمود ياترى ينفع تتعمل بعد السيراميك ماركب و ايه الحل

[حمدي 84]

المشاركة الأصلية كتبت بواسطة motez السلام عليكم انا عندى سيراميك الحمام يا استاذ حمدى ابيض قى احمر الراجل كان ساقى الفواصل اللى فى السيراميك الاحمر باسمنت ابيض وكانت الفواصل عميقة فجبت اكسيد احمر وعجنته باسمنت ابيض و غيرت لون الفواصل الى الاحمر والحمد لله شكلها حلو المهم داخل على اكثر من اسبوع كل ما بل قماشة مياه وامسح االبلاط الاحمر الاقى السقية الحمراء اللى انا عملتها بتشلفط فخايف تدخل على الفواصل البيضاء فى السيراميك الابيض فايه السبب وهل اسبوع غير كافى لنشفان السقيه ...

وعليكم السلام ورحمة الله وبركاته واعتذر عن التاخير في الرد اما عن سؤال حضرتك اسبوع كافي لنشفان السقيه نعم كافي وزياده لكن واطمئن الاحمر لن يدخل علي الابيض لكن اعتقد ان السبب هو عدم تقليب الاوكسيد علي الاسمنت الابيض بصورة جيده وبالتالي تكون الفواصل بعضها غامق وبعضها فاتح وبل الفواصل بالماء يظهر هذا العيب ويختفي تدريجيا كل ما الماء بينشف والله اعلم وانتظر تعليق حضرتك ان كان هذا ما يحدث ام لا