نا شفت مستهترين قبل كده بس زي ده مشفتش!!!

[mely]

دى للاسف طبيعة اغلب الشعب المصرى دلوقتى وهى عدم الاحساس بالمسؤليه لو كل واحد خاف على غيره كانت الدنيا هتفرق مع سادة العالم (كانوا المصريين)لكن للاسف اصبحنا نعشق المخالفات وخاصة من اهل القانون حسبى الله ونعم الوكيل فى بلد بها قانون بلا اهل او احساس او مشاعر

[سيف الدين سعيد]

المشاركة الأصلية كتبت بواسطة hazem_khidr شعب عاوز يتربي من اول و جديد قمه الاستهتار و اللا مبالاه

ماهو دا اللى احنا بنقول عليه يا استاذ حازم . ان الشعب دا فقد كل حاجه جميله فيه . فقد الدين والوازع الدينى اللى يحكم تصرفات اى انسان ويهذب روحه . وفقد العادات والقيم والأخلاق والمبادئ والتربيه . واصبحت النفوس سيئه للغايه . وكل واحد فاكر ان مافيش غيره هو فقط اللى من حقه انه يعمل ما بدى له . دون عمل اى حساب لأى انسان آخر او اى حقوق للغير .

[hm414]

الحمد لله على كل حال

تكملة مسلسل الاستهتار

سمعت صوت فرامل جامده وصوت خبط عربية
فببص من البلكونه لقيت واحد راكب دايو خبط واحد راكب بي ام من ورا
وراح بتاع الدايو نازل ماسك الواد اللي سايق البي ام ونزل فيه ضرب وبيقوله يا.... ماشي في الحاره 120 (اكيد مبالغه)
مراتي وولادي كنت هتدوسهم
ونازل فيه ضرب والله
واللي راكب البي ام شكله .... ومتكلمش ولا كلمه

بس عجبني موقف الاخ اللي ضربه وان كنت لا احبذ مد اليد ولا كده
تخيلو حصل ايه كمان
بعد اما ضرب الواد مد ايده وخد مفتاح العربية
وركب عربيته والواد بقا يعيط والناس بتسحبه بعيد وهوا عمال يقول مفتاح العربية مفتاح العربيه
والله مكنت اعرف وانا مش قصدي...

خلوه زق العربية على جنب وقفلها وخدوه للاولاني (بيته في اول الشارع) ومعرفش حصل ايه هناك لكن شويه كده ورجع الولد ومعاه المفتاح وخد بعضه وعربيته ومشي....


تفتكروا الواد اللي اتضرب ده حيعيد الكره وهيمشي جوا الحواري بسرعه عاليه؟؟؟؟

[سيف الدين سعيد]

اعتقد ان المشكله دى بقت بتحصل فى كل شارع من شوارع ارض الكنانه فى ايامنا الـ...................... دى . ودا ناتج عن نفس الأسباب اللى احنا اشرنا اليها . من قلة تربيه واحترام لمشاعر الآخرين دا اضافة الى ادمان الشباب المرفه لمواد مختلفه من المخدرات ومشتقاتها . واللى بتخللى العيل او الشاب من دول فاكر انه طاير فوق السحاب وان كل الناس من حوله ماهم الا شوية حشرات طائره مالوش لزوم انه يعمل لها اى حساب .

[toyota2010]

للاسف قلة الادب والبلطجه والاستهتار بقت هى الصفه الاساسيه للشعب المصري مش كله يعنى وطبعا العسكري ده كتر خير نادر لما تلاقي واحد بينصح لوجه الله في المواقف دي عارف لو لاقدر الله حصلت حادثه كان قعد جنب عربيته يولول
ربنايستر طريقنا ويكتبلنا جميعا الصحه والسلامه