#1
|
|||
|
|||
مشكلة العربية عملتها معايا ع الصبح
العربية عملتها معايا على الصبح
الصبح دورت العربية علشان اسخنها دارت الحمد لله وفضلت شغاله حوالى 5 دقايق وبعدين بطلت لوحدها وانا ماشى اروح الشغل بقى جيت ادور مش راضية تدور نهائيا ايه سبب المشكلة دى |
#2
|
||||
|
||||
رد: مشكلة
حاول تشوف طلمبه البنزين شغاله ولا لأ
__________________
لا تنظر الى الخلف فهناك ماضى يزعجك ولا تنظر الى الامام فهناك مستقبل يقلقك ولكن انظر الى الاعلى فهناك رب يسعدك |
#3
|
||||
|
||||
رد: مشكلة العربية عملتها معايا ع الصبح
طب وانت بتحاول تدور تانى ومش بتدور كان بيحصل ايه بالظبط يعنى سامع صوت المارش ومش بتدور ولا مفيش حس خالص ؟
وراجعت على تانك البنزين ومتاكد انه مليان ولا لاء علشان وارد زى ما بتحكى كدة انها تكون فيها شوية بنزين وخلصو او قلو لدرجة طلمبة البنزين مش قادرة تسحبهم |
#4
|
||||
|
||||
رد: مشكلة العربية عملتها معايا ع الصبح
العربية لما مش بترضى تدور بيكون حاجة من اتنين
اولا مش واصل بنزين ثانيا مش واصل كهرباء للبوجيهات بالنسبة للبنزين بتبص بعينك على الفلتر تشوفة مليان من عدمة او تفك عمة الكربراتير وتوس بنزين وتشوف ابرة البنزين بتضخ بنزين او لا طب لو الفلتر مفهوش بنزين يبقى اما العربية مفهاش بنزين او ان طلمبة البنزين تالفة او ان خرطوم السحب مش راكب كويس فى الكربراتير بالنسبة لكهرباء البوجيهات فك اى سلك بوجية من ناحية البوجية وتقرب النحاسة لجسم الموتور (بكل حزر) وواحد يدور الموتور من المفتاح وتشوف لو فى شرارة بتنط من نحاسة السلك الى جسم الموتور لو مفيش شرارة يبقى احتمال ان:- فحمة وش الاسبراتير خلصانة او مزنوقة مش طايلة الشاكوش سلك الكهرباء بتاع الاسبراتير (اللى راكب فى الابلاتين) مش واصل كويس او واقع الابلاتين نفسة اما انة يكون لدع او مقفول على الاخر الشاكوش ممكن يكون مكسور او مش راكب فى الاسبراتير كويس وش الاسبراتير مشروخ او السلوك مش راكبة فية كويس وش الاسبراتير النحاس بتاعة اتاكل بس دة احتمال ضعيف لانها تدور وتبرجل او تضرب مدافع ممكن بقى ترس الاسبراتير فوت بس خلى بالك لو بتدور وبتسمع الموتور بيلف بس بسرعة اكتر من المعتاد يبقى احتمال يكون سير الكاتينة اتقطع وساعتها ما تحاولش تدور خالص
__________________
يااااااااااااا رب إرحمنا بقدرتك علينا |
#5
|
|||
|
|||
رد: مشكلة العربية عملتها معايا ع الصبح
شكرا على كل الردود الميكانيكى شافها وقال ان طلمبة البنزين عايزة تتغير
|
|
|