الحياديه!!!!!!!!!!!!

[hazem_khidr]

احنا الحمد لله يا استاذ عصام مافيش حد عنده تحيز للماركه اللي راكبها بالطريقه
الفظيعه لكن كل واحد اشتري عربيه عن الاقتناع و كلامه عن العربيه لا يعبر الا عن وجهه
نظره و دا الحمد لله احنا ناجحين فيه اوي هنا.
ما تلاقيش حد عمال يغني للياباني و لا واحد متحمس اوي للصيني
ولا واحد بيموت في الكوري و اي حد يخالف رأيه يبقي مش فاهم في العربيات
لا بالعكس حتي من المناقشات تلاحظ روح الموده و الصدق حتي مع اختلاف وجهات النظر
كل واحد اشتري عربيه بمزاجه بيكون مقتنع بيها و لو فاهم بيبقي عارف ان الكمال لله وحده
و مافيش حاجه كامله و لازم تبقي عربيته فيها عيوب زي ما فيها مميزات و دا اللي بيفهم و يراعي ربنا
في نصيحته للناس .
اتمني تكون حضرتك اقتنعت بوجهه نظري و شكرا لموضوعك

[islam_galal]

سلامو عليكو
بص يا سيدي ، إحنا بني آدمين صح يبقي حصول أخطاء و تغليب الأهواء طبيعي ، المهم النسبة
سعادتك قلت انه مش كتير . . . كويس جدا
المهم هو من يطرح السؤال ، هو اللي لازم يعرف كل واحد بيقول رأيه بناءا علي أي أساس
علشان كده موضوع في تعريفات العضو نوع السيارة
لو عجبك رأي اسأل صاحبة عن حيثيات الحكم .... قصدي الرأي

أهم حاجة في موضوعك هو انه حيخلي كل اللي يقرأه يخللي باله
شكرا

[AbOnOrA]

أهم حاجة في موضوعك هو انه حيخلي كل اللي يقرأه يخللي باله

ده صحبح ptmnlo123per171

[Payoo]

المشاركة الأصلية كتبت بواسطة esam_comm بصرراحه ياجماعه انا لاحظت من بعض الاخوه الاعضاء انهم لايلتزمون الحياديه عندما يستفسر اي زميل عن اختياره لنوع سياره معين او مقارنتها باخري اجد ان الردود بتكون بترشيح العربيه اللي كل واحد راكبها طبعا مش الكل بيعمل كده بس صدقوني بصراحه لاحظت الموضوع ده كتيير ارجو محدش يزعل مني

ptmnlo123per149 طب ما هوه ده المطلوب يا باشمهندس عصام .... المطلوب إن الناس ماتتكلمش من غير علم ، وطبعا العلم أو المعرفة الموجوده لدى الأعضاء تكون من خلال التجربة ومن الطبيعي إنك تلاقي إللي راكب عربيه ومجربها بيرشحها للسائل وبيقوله على كل مميزاتها إللي شافها في العربيه إللي هوه مالكها

وبكده بتكون النصيحة على أكمل وجه

يبقى المفروض على السائل أنه يقارن بين كل الأراء والترشيحات والتجارب دي ويختار بنفسه إللي يناسبه وهو متأكد انه بيختار وبكل ثقة حاجه الناس مجرباها و ظهروا كل مزاياها وقالوا عيوبها


وباكدلك تاني غن الأفضل أني ارشحلك شيء اعرفه واملكه أفضل ما أرشحلك شيء ماعرفوش ولا عمري جربته


دي وجهة نظري يا باشمهندس وياريت أسمع تعليقك على الردود (هاكون سعيد جدا

شكرا

[esam_comm]

حق الرد

بعد اذن الجميع انا انتظرت تقريبا لحد ماكل زميل ليه راي كتبه وقاله علي الموضوع ده بس اللي انا بقوله ده ياجماعه مش اختراع مني والهي بس ده عن طريق تجربه هنا حصلت بجد احد الزملاء كان بيسال عن الراي في سياره معينه وهي كويسه ولا لاء انا طبعا مش هاذكر اسماء علشان محدش يزعل مني بس اللي حصل بعد كده ان لقيت احد الزملاء بيقوله اوعي واياك وحرام علي طريقه فيلم الارهابي بتاع عادل امام وبالصدفه اني كنت امتلك نفس الساره فدخلت وسالت الزميل اللي حذر ونبه قولت له هو حضرتك ركبت العربيه دي فالراجل بمنتهي الصدق قال لا بس بسمع ,معلش انا طولت بس حبيت احكي الموضوع بالتفصيل
علشان كده انا قررت ان اطلب من الجميع واولهم نفسي اننا نلتزم الحياديه لاني اعلم اننا بشر وليس ملائكه وعلي فكره عمري ماتفكيري وداني ان حد يكون تبع الوكيل الفلاني او العلاني خالص
انا قصدي اللي معندوش معلومه اكيده مايفتيش لا اكتر ولا اقل من قال لا اعلم فقد افتي

ptmnlo123per122وشكري للجميعptmnlo123per122