#1
|
||||
|
||||
طريقة سهلة لغسيل الريداتير ودورة المياه بدون فك ..
السلام عليكم ورحمة الله وبركاته
اكيد كتير مننا بيلاحظ عند تزويد الميه بالريداتير او القربة وجود صدأ فى الميه وده طبعا ممكن يسبب سخونة للموتور ومشاكل كتير .. وكتير مننا بيروح لمتخصص ريداتير علشان يغسل دورة الميه وياخد منه 15 او 20 جنيه .. مع ان ممكن يعملها بنفسه .. طبعا علشان تغسل دورة الميه هتحتاج خرطوم ميه وبنسة و مفك .. 1- اول حاجة هنفك خرطوم الراجع من الموتور (الخرطوم اللى بترجع فيه الميه من الموتور للريداتير تانى .. وده اللى بيكون واصل فى الريداتير من فوق) وهنفكه بفك الكلبس او الافيز اللى مربوط بيه (ممكن نفكه من ناحية الموتور او من ناحية الريداتير الاتنين واحد) 2- وبعدين هتفتح غطا الريداتير وتدور العربية وتفتح المية على اخرها (خرطوم الميه) وتحط الخرطوم فى فتحة الريداتير وتبدأ تزود بنزين جامد (على RPM 4 او 5) باستمرار لمده دقيقتين او تلاته .. هتلاحظ فى الاول ان الميه الخارجة من الموتور مليانه صدأ وبعدين تبدا تنضف .. 3-وبعدين شيل خرطوم الميه من الريداتير واستنى لما كل الميه تخرج من الموتور .. 4- وبعدين تبطل العربية بسرعة وتركب خرطوم الريداتير مكانه تانى .. 5- وبعدين هتدور العربية وبسرعة تبدأ تحط ميه فى الريداتير ويستحسن تحط ميه خضرا او حمرا .. وبعد الريداتير ما يتملا اقفل الغطا وافتح القربة وزود فيها ميه لغاية علامة MAX .. وكده تبقى انت غسلت دورة الميه وغيرت الميه بنفسك من غير صنايعية ووجع قلب ... يا رب الموضوع يعجبكم وتستفيدوا منه ...
__________________
رحـــمـــــــــــة الله عـــلــــــيـــــــك يا حــبـيـبـنــــــــا ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــ التعديل الأخير تم بواسطة حسام البورسعيدى ; 27-11-2010 الساعة 09:41 PM |
#2
|
|||
|
|||
رد: طريقة سهلة لغسيل الريداتير ودورة المياه بدون فك ..
شكرا ياباشا و ربنا يكرمك علي المجهود
|
#3
|
||||
|
||||
رد: طريقة سهلة لغسيل الريداتير ودورة المياه بدون فك ..
شكراً يا باشا على الموضوع
أريد فقط التأكيد على ملاحظة مهمة لمن يقوم بعمل ذلك بعد أن تفرغ المياه من السيارة لو وضعت مياه مرة أخرى دون تشغيل المحرك سيتم تدمير وش السلندر لذلك لابد أن يحذر الجميع ولا تضاف المياه إلا والسيارة شغالة
__________________
|
#4
|
||||
|
||||
رد: طريقة سهلة لغسيل الريداتير ودورة المياه بدون فك ..
بس مش للدرجة دى يعنى .. لان الحرارة بتكون متوسطة .. لكن الميه نقصت والواحد ماشى مثلا والعربية سخنت جامد ونزل زود الميه والموتور مبطل .. لكن طبعا يستحسن تدوير الموتور عند تزويد الميه حتى لو كانت العربية باردة ...
__________________
رحـــمـــــــــــة الله عـــلــــــيـــــــك يا حــبـيـبـنــــــــا ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــ |
#5
|
|||
|
|||
رد: طريقة سهلة لغسيل الريداتير ودورة المياه بدون فك ..
شكرا باشا مفيش محلول زى الخل يعمل على تحليل الاملاح الى فى دورة المياه داخل الموتور
|
|
|