#1
|
|||
|
|||
استخدم زيت ايه ... ارجو المساعده ؟
انا اشتريت عربيه لانسر 91 من 6 شهور و حاله المكنه كويسه جدا ... صاحبها كان بيستعمل زيت " اسو" اللي بيتغير علي الالف كيلو و انا عملت زيه 3 شهور و بعدين اتخنقت من الغيارات القريبه فحطيت زيت mobile XHP لكن لما جيت اغيره علي 2900 كيلو كان الزيت اسود مع اني وقت لما كنت بستخدم " اسو بتاع الالف كيلو " كان الزيت بينزل نضيف مع الغياره .
ارجع للزيت القديم و لا في اقتراحات افضل ...؟ |
#2
|
||||
|
||||
رد: استخدم زيت ايه ... ارجو المساعده ؟
السلام عليكم و رحمة الله و بركاته أنا رأيى الشخصى -وكل واحد حر فى رأيه- أن فى مصر بالدات , ماتحطش الا الزيت اللى بيتغير كل 1000كم لأنه هو الأضمن أنه مايكونش مضروب لأنهم هيضربوه هيبقى ايه؟؟؟ زيت كل 500كم ,ماينفعش, لكن اللى بيتغير كل 3000 كم و كل5000كم وكل10000كم, ممكن يتضرب بسهولة زى مرة واحد ميكانيكى قاللى أن الجراكن بتتفتح من تحت و تتقسم على جركنين و الباقى يتكمل من أبو 1000كم و أنت بتغير الزيت أو أى حد تانى, عمرك مابتفكر تبص على قعر الجركن أبو 5000كم أو 10000كم عشان تشوفه ملحوم و لا لأ !!!!! يبقى الأضمن أنى بغير كل 1000كم بزيت TOTAL و خلاص و بصراحة لأن المكنة بتاع عربيتنا البيجو ال505 القدييييييييييمة بتاكل بتاع نص لتر فى الغيار , فأنا لقيت زيت TOTAL ممتاز أوى معاها و المكنة مابتكلش منه كتير زى زيت SHELL ولا CALTEX . حتى عشان المكنة مايفضلش فيها الزيت أكتر من 1000كم و أن الزيت ينزل كل 1000 كم بالرايش و الشوائب اللى فيه أفضل من أنك تسيب الرايش و البلاوى اللى فى الزيت تلف فى المكنة لمدة 3000كم و بعدين غيار الزيت بياخد 20 دقيقة بالظبط , مش كتير يعنى . أنا عارف أن فيه أخوة أعضاء كتير هنا فى المنتدى , هيقولوا , اييييييييييييييه الجهل و التخلف ده و أن فى أوروبا و الدول المتقدمة , الزيت بيتغير كل 20000كم و الكلام ده , بس هناك حاجة و هنا حاجة تاااااااااااااااانية خالص , هنا الزيت و البنزين و الهوا و فلاتر الزيت و فلاتر الهوا و فلاتر البنزين غير هناك , يبقى فيه قرف و بلاوى بتخش قلب المكنة هنا فى مصر غير هناك , ادينى ظروف هنا -فى كل حااااااااجة- زى هناك و أنا ماغيرش الزيت خالص . MERCEDES E230
__________________
MERCEDES E-class بسم الله الرحمن الرحيم عَسَى رَبُّكُمْ أَن يَرْحَمَكُمْ وَإِنْ عُدتُّمْ عُدْنَا وَجَعَلْنَا جَهَنَّمَ لِلْكَافِرِينَ حَصِيرًا صدق الله العظيم
|
#3
|
|||
|
|||
رد: استخدم زيت ايه ... ارجو المساعده ؟
كلامك صح
انا بشتري اسوو لعربية لانسر 93 وبصراحه مريح جدا وبينزل نضيف لو ضغطت علي العربية في سفر شوية بينزل اسود هو المشكلة الاساسية الاستعمال انا بسافر يوميا مسافات طويله فنزلت زيت اسود لكن لما ببقي حنين عليها في السفر بينزل الزيت كانه لسا داخل العربية الاستعمال برده ليه دور |
#4
|
|||
|
|||
رد: استخدم زيت ايه ... ارجو المساعده ؟
شكرا على الموضوع
|
#5
|
||||
|
||||
رد: استخدم زيت ايه ... ارجو المساعده ؟
نزول الزيت نضيف معناه حاجة من اتنين
1- يا الزيت ملحقش يقعد كفاية فى الماتور و بيتغير بدرى جدا 2- يا الزيت مبيقديش وظيفته التنظيفية طبعا ال xhp افضل من الزيت الاولانى بغض النظر عن اسم المنتج يعنى المقابل لل xhp فى الاسو حيكون افضل من الزيت الاولانى لان ال xhp او ما يعادله فى الاسو او اى ماركة اخرى هو زيت معدنى متعدد الدرجات و اسوداده يدل على تأديته لوظيفته الهامة (التنظيف) بجانب التزييت و مسافة 3000 كم ممتازة للتغيير
__________________
سبحانك لا علم لنا الا ما علمتنا |
|
|