جمعة الغضب - تغطية لاحداث الثورة من 24 يناير 2011

[MmFFoR]

صور التقطت اليوم من ارض المعركة التي قادها الرئيس مبارك بحكمة و اقتدار ضد...... شعبه

[amrmohamed1975]

المشاركة الأصلية كتبت بواسطة mido-spicy عندك حق يا احمد بيه وكويس ان لسه فيه فى المنتدى ناس شرفاء بتفوقنا من الغيبوبه اللى احنا فيها دى وبتتكلم بضمير مات عندنا من زمان حسبى الله ونعم الوكيل فينا يا شيخ احنا نستاهل الشنق احنا .. دا احنا عالم ولاد تييييييت

استاذ عماد اولا كامل احترامي لك و لكل من قال رايه فى هذا الموضوع ثانيا انا لست عضوا فى الحزب الوطني و لا من رموز النظام الحالي و لا من المستفيدين من الرئيس مبارك لا سابقا و لا حتي اذا بقي فى الحكم و اري من عنوان سكنك انك من منطقة قريبة من مكان سكني انا نزلت مظاهرات يوم الجمعة و ربنا كرمني بكام قنبلة مسيلة للدموع فى جسر السويس عند حديقة بدر و عندي الفيديوهات اللي صورتها للمظاهرات و ما حدث للناس من الشرطة و العكس و كنت ناوي ارفعها للناس عشان الكل يعرفوا ايه اللي بيحصل للناس اول النت ما يرجع لكن لقيت الدنيا بتولع يبقي ما ينفعش اولعها زيادة ليه لانها فى الاخر هتحرقني انا كمان و كمان ما ينفعش ان احنا هنا نبقي زي ميدان التحرير ناس تتدعي لنفاسها كل الشرف و العلم ببواطن الامور مع كامل احترامي لهم و ناس خونة و معندهمش ضمير انا لم اكن راضيا عن حكم مبارك على الاقل فى الفترة التي بدات اتنبه فيها للامور او اعتمد على نفسي يعني بعد ما خلصت تعلمي عايز شغل عايز شقة عايز اتجوز عايز اصرف على بيتي يعني فى 10 او الـ 15 سنة الاخيرة بس لو قلت انه ظلمني قبل كده ابقي كداب لان ساعتها كان عندي 15 سنة يبقي بلاش انا ادفع ثمن سكوت ابويا و ابوك دلوقتي حالا الدنيا ربنا سبحانه و تعالي خلقها فى 6 ايام كن فيكون بتاعة ربنا سبحانه و تعالي وحده و لا احد غيره دي دولة و نصيبنا انها كبيرة و لها ثقل مش نادي اتغلب فى مبارة و الناس عايزة تشيل مجلس الادارة او المدير الفني احنا بنقول كفاية لحد كدا خراب فى البلد سواء من هذه الفئة و التي نحترمها و حققت انجاز لم يحققه كل مدعي العلم و المعرفة و السياسة فى مصر طوال 30 سنة حتي بما فيهم مدعي المعارضة فى مجلس الشعب السابق او الذي قبله ، او تلك الفئة التي تنحاز للرئيس سواء عن حسن نية او سوء نية كانوا مأجورين او مغيابين مصر كلها بالتعبير البلدي كده رايحة سكة اللي يروح ميرجعش كفاية لحد كده و نقبل بالحوار ميدان التحرير مش هينقلوه من مكانه لسه موجود سيبوا الراجل يرحل بكرامة لاجل صورتنا كلنا امام العالم حاكموا من يستحق المحاكمة و من تسبب فى مهازل الايام السابقة و لكن من خلال الحوار البلد بتولع حرام نسيب الحكومة الجديدة و نشارك فى الحوار و نري حزمة الاصلاحات الدستورية و السياسية التي وعدو بها و اذا لم تتحقق نروح ميدان التحرير و كل ميادين مصر انما بهذا الشكل الذي سيأكل الاخضر و اليابس يبقي بنحرق نفسنا و عيلنا بأيدينا و اخيرا تقبل تحياتي

[MIDO-SPICY]

المشاركة الأصلية كتبت بواسطة amrmohamed1975 استاذ عماد اولا كامل احترامي لك و لكل من قال رايه فى هذا الموضوع ثانيا انا لست عضوا فى الحزب الوطني و لا من رموز النظام الحالي و لا من المستفيدين من الرئيس مبارك لا سابقا و لا حتي اذا بقي فى الحكم و اري من عنوان سكنك انك من منطقة قريبة من مكان سكني انا نزلت مظاهرات يوم الجمعة و ربنا كرمني بكام قنبلة مسيلة للدموع فى جسر السويس عند حديقة بدر و عندي الفيديوهات اللي صورتها للمظاهرات و ما حدث للناس من الشرطة و العكس بس كمان ما ينفعش ان احنا هنا نبقي زي ميدان التحرير ناس تتدعي لنفاسها كل الشرف و ناس خونة و معندهمش ضمير انا لم اكن راضيا عن حكم مبارك على الاقل فى الفترة التي بدات اتنبه فيها للامور و يعني فى 10 او الـ 15 سنة الاخيرة بس لو قلت انه ظلمني قبل كده ابقي كداب لان ساعتها كان عندي 15 سنة احنا بنقول كفاية لحد كدا خراب فى البلد سواء من هذه الفئة و التي نحترمها و حققت انجاز لم يحققه كل مدعي العلم و المعرفة و السياسة فى مصر طوال 30 سنة حتي بما فيهم مدعي المعارضة فى مجلس الشعب السابق او الذي قبله ، او تلك الفئة التي تنحاز للرئيس سواء عن حسن نية او سوء نية كانوا مأجورين او مغيابين مصر كلها بالتعبير البلدي كده رايحة سكة اللي يروح ميرجعش كفاية لحد كده و نقبل بالحوار ميدان التحرير مش هينقلوه من مكانه لسه موجود سيبوا الراجل يرحل بكرامة لاجل صورتنا كلنا امام العالم حاكموا من يستحق المحاكمة و من تسبب فى مهازل الايام السابقة و لكن من خلال الحوار البلد بتولع حرام و اخيرا تقبل تحياتي

استاذ عماد اولا كامل احترامي لك و لكل من قال رايه فى هذا الموضوع
وانت كمان من الناس المحترمه واللى بنحترم رايها فى المنتدى
ثانيا انا لست عضوا فى الحزب الوطني و لا من رموز النظام الحالي و لا من المستفيدين من الرئيس مبارك لا سابقا و لا حتي اذا بقي فى الحكم.
واعتقد ان لو حد فينا من الحزب الوطنى او غيره ماكنش هيبقى معانا دلوقتى .. كان هيبقى فى التحرير
انا نزلت مظاهرات يوم الجمعة و ربنا كرمني بكام قنبلة مسيلة للدموع فى جسر السويس عند حديقة بدر و عندي الفيديوهات اللي صورتها للمظاهرات و ما حدث للناس من الشرطة و العكس بس كمان ما ينفعش ان احنا هنا نبقي زي ميدان التحرير ناس تتدعي لنفاسها كل الشرف و ناس خونة و معندهمش ضمير
مش فاهم قصدك ايه فى الجزئية دى
انا لم اكن راضيا عن حكم مبارك على الاقل فى الفترة التي بدات اتنبه فيها للامور و يعني فى 10 او الـ 15 سنة الاخيرة بس لو قلت انه ظلمني قبل كده ابقي كداب لان ساعتها كان عندي 15 سنة
لا لو دورت شويه هتلاقى انه ظلمك وانا هقولك حاجات يمكن بس انت مش فاكرها وعلى فكرة لو من 15 سنه كان عمرك 15 سنه يبقى احنا تقريبا فى سن بعض وعشنا نفس الظروف
وعلى فكرة قبل ما اقولك ظلمنا فى ايه انا والله من ساعة ما النت رجع وكتبت رساله ليه فى موضوع مش عارف انت قريته ولا لا انا مش ناوى انى اهاجمه تانى لانه خلاص سيرحل بما له وما عليه والاجدر اننا نفكر فى اللى جاى مش فى اللى راح
بس لو انت تفتكر انه ظلمنا واحنا بنتعلم فى التعليم وملحقاته من مدارس ومناهج دراسيه متغيرتش من ايام جدى وجدك وموضوع التحسين والغاء التحسين والغاء سنه سادسه ابتدائى ورجوعها وما الى ذلك
وكمان ظلمك لما رباك على الجبن وعدم تربيتك على ابداء الرأى بحريه
ظلمك لما ظلم ابوك وخلى موارده الماديه ضعيفه جدا واللى بالتالى بتاثر عليك طبعا
وبعدين لازم تعرف ان الظلم ماجاش مره واحده .. يعنى ماصحاش بعد 15 سنه من بدايه حكمه وقرر انه من اليوم هيبتدى الظلم للشعب فى ال15 اللى جايين
السلوك هو شعور اصيل يتملك الانسان باختلاف السلوك وباختلاف مدى تقبل صاحبه ليه
احنا بنقول كفاية لحد كدا خراب فى البلد سواء من هذه الفئة و التي نحترمها و حققت انجاز لم يحققه كل مدعي العلم و المعرفة و السياسة فى مصر طوال 30 سنة حتي بما فيهم مدعي المعارضة فى مجلس الشعب السابق او الذي قبله
اتفق معاك جدا فى اللى انت بتقوله وانا قلته قبل منك وتقدر تتاكد من دا فى مشاركاتى من ساعة رجوع النت
، او تلك الفئة التي تنحاز للرئيس سواء عن حسن نية او سوء نية كانوا مأجورين او مغيابين مصر كلها بالتعبير البلدي كده رايحة سكة اللي يروح ميرجعش
لو لغينا كلمه حسن النية هقدر اقولك ان الناس التانيه دى مش هينفع معاها اننا نقولها.. دى عايزه فعل وفعل قوى كمان وسلمى على فكره
كفاية لحد كده و نقبل بالحوار ميدان التحرير مش هينقلوه من مكانه لسه موجود سيبوا الراجل يرحل بكرامة لاجل صورتنا كلنا امام العالم حاكموا من يستحق المحاكمة و من تسبب فى مهازل الايام السابقة و لكن من خلال الحوار البلد بتولع حرام
اتفق معاك جدا فى اللى انت بتقوله وانا قلته قبل منك وتقدر تتاكد من دا فى مشاركاتى من ساعة رجوع النت
و اخيرا تقبل تحياتي
لك ايضا تحياتى

[MIDO-SPICY]

نسيت اقولكم ان المقاومه الشعبيه اللى فى شارعنا دلوقتى ساهره تحرس البيوت والناس حولوا الشارع الى نادى رياضى اجتماعى .. كالتالى :-
العمارة الل جمبنا فيها شويه ناس جايبين تليفزيون ومعلينه على الاخر وقاعدين يسمعوا ويعلقوا على كل اللى بيتقال
العمارة بقى اللى جمبها قاعد على بابها شويه شباب منهم اتنين قاعدين بيلعبوا طاوله والباقى بيشجع
العمارة اللى جمبها فىيها شويه قاعدين بيتكلموا فى السياسه
العمارة اللى جمبها فيها شويه شباب مشغلين موبايل واحد فيهم على شريط محمد عدويه الجديد
والعماره اللى جمبها فيها ناس محترمه مش بتعمل اى حاجه غير انهم قطعوا شجر المنطقه ومولعين فيه علشان يتدفوا لغايه ما جالنا ربو
واخيرا ونظرى وودانى مش جايبين اكتر من كده .. فيه دوره كوره رمضانيه منظمه من فريقين عمارات الصف اليمين وعمارات الصف الشمال

[MIDO-SPICY]

استضاف برنامج 48 ساعه على المحور امبارح شباب من مظاهره التحرير واحد منهم قام النهارده بعمل مداخله وقالهم انه وهو راجع امبارح من مدينه الانتاج الاعلامى بعد ما خلصوا الحلقه مجموعه شباب فى احد كماين الثوره الشعبيه قلبوهم فى سجاير

وحسبى الله ونعم الوكيل