العودة   مصر موتورز مجتمع السيارات > السيارات الصينية والهندية > جيلى اميجراند - مابلEmgrand Geely

جيلى اميجراند - مابلEmgrand Geely احدى اكبر الشركات الصينية التى تسعى بخطى ثابتة لتطوير منتجاتها والدخول بها الى اكبر الاسواق العالمية بعد ما تحقق لها من نجاحات فى الاسواق الشرقية و تتبعها سيارات مابل واميجراند Emgrand


إضافة رد
 
أدوات الموضوع
  #66  
قديم 03-11-2012, 07:54 AM
hanylord hanylord غير متواجد حالياً
 
تاريخ التسجيل: Aug 2010
المشاركات: 30
hanylord will become famous soon enoughhanylord will become famous soon enough
مميز رد: ايمجراند .....خدعه جديده من غبور


المشاركة الأصلية كتبت بواسطة osa92003 مشاهدة المشاركة

مازلت باقول سبحان الله على كميه الشكر والعرفان اللى موجوده على عربيه لم تلمس الارض ومش عارفين هاتعمل ايه ؟؟؟؟؟ يعنى صور بس ويقولك جامده جدا ؟؟؟؟؟ بالرغم من الهجوم الرهيب على كل العربيات الصينى ؟؟؟ لكن بمعجزه تحول الهجوم الى شكر ومديح فى صور العربيه على الرغم من تجربه شركه جيلى فى مصر اللى هى جيلى فروته ومابل وكلها تجارب زى الزفت وبالرغمن من شكوى الناس السابقه فى الانجلون اللى كانت مع ابو غالى والناس كانت بتسب وتلعن بالرغم من انها كانت تقفيل صينى وارتفاع درجه حراره العربيه باستمرار الا ان الصينى بقى حلو اولا لازم نعرف بعض الحقائق عن العربيه :
1-الايمجراند هى بالضبط تماما الانجلون اللى كانت مع ابو غالى بس0 150سى سى بدل من 1800سى سى
2-السياره لم تحقق اى انتشار فى مصر وكانت هناك شكوى من ارتفاع الحراره
3-السياره تختلف تماما فى التقفيل الداخلى عما يضهر من صور فى المنتدى لانه الظاهره هى الفول اوبشن 1800 سى سى اللى بتنزل فى الخليج مش التقفيل المصرى الرائع جدا هههههههههه

ارجو من الجميع تقبل مرورى والانتظار والصبر حتى يتم على السياره من الاستعمال وخاصه ان معرض غبور رفض تماما فكره التست درايف للعربيه مش عارف ليه طبعا ؟؟؟؟؟؟
انا مش عارف جبت منين معلومه ان العربيه اللي في الصوره والتقفيل ده بتاع ال1800 اولا ده التقفيل والجوده اللي نازله مصر وانا حجزت واحده واهستلم ان شاء الله كمان شهر ثانيا ال1800 دي هاتنزل فعلا بس اوتوماتيك وهاتنزل في شهر فبراير 2014 ثالثا العربيه اللي في معرض المهندسين هما عربيتين للدقه فيهم بعض العيوب لانهم جايين عالسخان يعني عالسريع للعرض بس وليسوا للبيع وفيهم بعض الاخطاء لان التوكيل كان هاينزلها علي اول نوفمبر بس نزلها بدري شويه علشان كده فيها عيوب في التقفيل لانها بتتقفل للعرض فقط وهاترجع المصنع تاني.
وبعدين هو غبور غبي اكيد عرف عيوب الانجلون وتلافاها في هذا الموديل وبعدين هو اي موديل ينزل ورا موديل يبقي زيه كل موديل بيتعمل ويتصلح العيوب في اللي بعده وده بيحصل مع الشركات الكبيره وبيحصل في نفس موديل السياره نفسها تلاقي موديل في عيب معين والسنه اللي بعديها تلافوا هذا العيب وبتنزل العربيه من غير عيب اللي كان موجود في مثيلاتها وقبلها بسنه .
عموما نهاجم بعد ما نشوفها علي ارض الواقع
رد مع اقتباس
  #67  
قديم 03-11-2012, 11:43 AM
osa92003 osa92003 غير متواجد حالياً
 
تاريخ التسجيل: May 2011
المشاركات: 726
osa92003 has a reputation beyond reputeosa92003 has a reputation beyond reputeosa92003 has a reputation beyond reputeosa92003 has a reputation beyond reputeosa92003 has a reputation beyond reputeosa92003 has a reputation beyond reputeosa92003 has a reputation beyond reputeosa92003 has a reputation beyond reputeosa92003 has a reputation beyond reputeosa92003 has a reputation beyond reputeosa92003 has a reputation beyond repute
افتراضي رد: ايمجراند .....خدعه جديده من غبور


المشاركة الأصلية كتبت بواسطة hanylord مشاهدة المشاركة

انا مش عارف جبت منين معلومه ان العربيه اللي في الصوره والتقفيل ده بتاع ال1800 اولا ده التقفيل والجوده اللي نازله مصر وانا حجزت واحده واهستلم ان شاء الله كمان شهر ثانيا ال1800 دي هاتنزل فعلا بس اوتوماتيك وهاتنزل في شهر فبراير 2014 ثالثا العربيه اللي في معرض المهندسين هما عربيتين للدقه فيهم بعض العيوب لانهم جايين عالسخان يعني عالسريع للعرض بس وليسوا للبيع وفيهم بعض الاخطاء لان التوكيل كان هاينزلها علي اول نوفمبر بس نزلها بدري شويه علشان كده فيها عيوب في التقفيل لانها بتتقفل للعرض فقط وهاترجع المصنع تاني.
وبعدين هو غبور غبي اكيد عرف عيوب الانجلون وتلافاها في هذا الموديل وبعدين هو اي موديل ينزل ورا موديل يبقي زيه كل موديل بيتعمل ويتصلح العيوب في اللي بعده وده بيحصل مع الشركات الكبيره وبيحصل في نفس موديل السياره نفسها تلاقي موديل في عيب معين والسنه اللي بعديها تلافوا هذا العيب وبتنزل العربيه من غير عيب اللي كان موجود في مثيلاتها وقبلها بسنه .
عموما نهاجم بعد ما نشوفها علي ارض الواقع
والله انا تعبت ياجماعه الناس بتقولى انت بتهاجم العربيه وفى نفس الوقت بيأكدوا نفس المعلومات اللى انا قلتها !!!!!!!!!!! يعنى الاستاذ بياكد معايا عيوب التقفيل وبيقول اصل العربيه بتتقفل على السريع وهترجع تانى تتظبط؟؟؟؟؟؟؟؟؟ ب قى ده اسمه كلام العربيه اللى طالعه واجهه لسه هاتتظبط وثانيا بيقول ان ممكن يكزن فى عيوب وتتصلح فى السنه اللى بعده ؟؟؟؟ وانا مغلطتش لما قلت الانتظار والصبر لحد مانشوف اداء العربيه مش نقعد نقول شعر والعربيه المعجزه والعربيه الحلم واحنا لسه بنقول ياهادى
رد مع اقتباس
  #68  
قديم 03-11-2012, 02:48 PM
الصورة الرمزية abo-salama
abo-salama abo-salama غير متواجد حالياً
 
تاريخ التسجيل: Jan 2009
المشاركات: 1,028
abo-salama has much to be proud ofabo-salama has much to be proud ofabo-salama has much to be proud ofabo-salama has much to be proud ofabo-salama has much to be proud ofabo-salama has much to be proud ofabo-salama has much to be proud ofabo-salama has much to be proud ofabo-salama has much to be proud ofabo-salama has much to be proud of
افتراضي رد: ايمجراند .....خدعه جديده من غبور

هذا الناقش يعنى ان هذه السيارة من اول هلة لفتت الانظار ةهذا معناه نجاح مبدئى لكن اتمنى ان يثبت الوقت نجاحها
رد مع اقتباس
  #69  
قديم 03-11-2012, 03:04 PM
الصورة الرمزية عصام الجارحي
عصام الجارحي عصام الجارحي غير متواجد حالياً
 
تاريخ التسجيل: May 2011
المشاركات: 390
عصام الجارحي has a brilliant futureعصام الجارحي has a brilliant futureعصام الجارحي has a brilliant futureعصام الجارحي has a brilliant futureعصام الجارحي has a brilliant futureعصام الجارحي has a brilliant futureعصام الجارحي has a brilliant futureعصام الجارحي has a brilliant futureعصام الجارحي has a brilliant futureعصام الجارحي has a brilliant futureعصام الجارحي has a brilliant future
افتراضي رد: ايمجراند .....خدعه جديده من غبور


المشاركة الأصلية كتبت بواسطة osa92003 مشاهدة المشاركة

والله انا تعبت ياجماعه الناس بتقولى انت بتهاجم العربيه وفى نفس الوقت بيأكدوا نفس المعلومات اللى انا قلتها !!!!!!!!!!! يعنى الاستاذ بياكد معايا عيوب التقفيل وبيقول اصل العربيه بتتقفل على السريع وهترجع تانى تتظبط؟؟؟؟؟؟؟؟؟ ب قى ده اسمه كلام العربيه اللى طالعه واجهه لسه هاتتظبط وثانيا بيقول ان ممكن يكزن فى عيوب وتتصلح فى السنه اللى بعده ؟؟؟؟ وانا مغلطتش لما قلت الانتظار والصبر لحد مانشوف اداء العربيه مش نقعد نقول شعر والعربيه المعجزه والعربيه الحلم واحنا لسه بنقول ياهادى
دا شئ طبيعي جدا اللي بيحب حاجة طبها لازم يمدح فيها ومتحجرش علي احد بيبدي اعجابه علي الاقل حتي الان علي شكلها وامكانياتها ( ودا اللي الناس اللي بتمدح عايزة توصلهولك) وسمعنا عنها انها بتشرف اي مكان تحط رجلها فيه هتييجي عندنا احنا وهتبقي بنت البطة السودة لية هو احنا بنصنعها يا جماعة دي بتتقفل بس
انت قكرتني بوحيد سف في فيلم محامي خلع لما بقوله ( طبيعي انه يكون فيه كلام في الدعوي ميعجبكش دا احنا الخصوم يابني )...ههههههههه
تحياتي لك
__________________

عندما يقولون عنك انك علماني ولا تريد شرع الله ويكفرونك ثم تكشف الحقائق ونجدهم كانوا يناصرونك فاما انهم ناصروا هذه الصفات فيك واعتنقوها معك او انهم يحاولون تشوية صورتك امام الشعب
فانت اما ان تكون ظالما او مظلوما انما هم ففي الحالتين ظالمين

تحياتي لهذا المناضل العظيم


لا اله الا انت سبحانك اني كنت من الظالمين
رد مع اقتباس
  #70  
قديم 04-11-2012, 04:11 PM
yabulaila yabulaila غير متواجد حالياً
 
تاريخ التسجيل: Oct 2012
المشاركات: 21
yabulaila will become famous soon enoughyabulaila will become famous soon enough
افتراضي رد: ايمجراند .....خدعه جديده من غبور

يا جماعه انتو خليتوني اقرأ ال 14 صفحه و أعيش معكم هذه الموقعه الجميله و فى الآخر سوف أقول رأي و الذي بنيته بعد مايقرب من 4 شهور من البحوث سواء على النت أو فى الشارع
أولا انا كان كل ما اتمناه هو عربيه اوتو علشان السواقه فى مصر بقت شئ لا يطاق و انا عجزت خلاص و بقتش استحمل لعبة حرب الشوارع اللى بلعبها كل يوم الصبح و طبعا الميزانيه التى كانت مطروحه كانت فى حدود ال85000 و بالتالى فان الاختيارات محدوده ففى الأول كان المطروح هو الفيرنا و سعرها كان فى حدود ال83000 و بدأت رحلة البحث والتحرى ووجدت ان الكل يتحدث عن ان فراملها سيئه ثم حدثت الصدمه الكبرى و هى اننى شاهدت العربيه وجها لوجه و جلست داخلها و هنا كانت الصدمه فالسياره لا تساوى ابدا هذا المبلغ فهى فى الآخر 128 معاد صياغتها و ضيقه من الداخل و كابينتها فقيره الى اقصي درجه
بعد ذلك توجهت الى اللوجان و الأوتو بتاعها فى حدود ال 80000 و لكنى لم استمر معها سوى بضعة أيام لأنى شاهدت حادثه لها فى شارع المنصه حدثت امام عيني عندما دخل موتوسيكل فى شنطة اللوجان بسرعه لا تقل عن 80 ك / س ووجدت ان الشنطه اصبحت على شكل حرف V ووصلت الخبطه الى الكنبه الخلفيه و اتكسر الزجاج الخلفى
بعد ذلك توجهت الى ال BYD F3 و ثمن الأوتو 84000 لكن بجميع الكماليات حتى فتحة السقف و فعلا العربيه جميله و بدأت اسال سائقى التاكسي عنها فوجدت بعضهم يقول عنها انها رائعه و بعضهم يسب و يلعن فيها و هنا جاء دور النت و بدأت الرحله بالتعرف الى موقع مصرموتورز و من يومها أصبح هو صديقى الوحيد و أصبح هو المصدر الوحيد لى لمعرفة أخبار سوق السيارات فى مصر و عرفت منه انه توجد مشاكل عديده فى التقفيل المصرى لل F3 و كذلك توجد مشكله فى السخونه الزائفه و عندما كنت فى احد المرات اسأل احد باعة قطع الغيار عن اسعار قطع غيارها قال لى الآتى اذا كنت تبحث عن سياره اقتصاديه فخد ال F3 اما اذا كنت تبحث عن الفخامه فعليك بال بريليانس سواء ال FRV او ال FSV و هنا وجهت الدفه مره اخري و ذهبت الى التوكيل فى الملتقى العربي وشاهدت السياره ال FSV التي كانت معروضه هناك و ده كان خلال شهر رمضان الماضى ووجدت فعلا سياره و لا فى الأحلام فقد كانت فعلا جميله من جميع النواحى فخامه فى التقفيل الداخلى تفوق الوصف و الأوتو ستيبترونيك و التكييف تتش و المقصوره الداخليه رحبه و حوض الموتور واسع و الواحد يقدر يشتغل فيه و هو سعيد و السعر كان ساعتها 88000 لكن و خلى بالك من لكن العربيه دى للعرض فقط و العربيه اللى للبيع تختلف شويه فى المواصفات يعنى بدون فتحة السقف و بدون الفرش الجلد و حتتوفر فى نص شهر 10 و ادفع 5000 جنيه حجز و تستلم فى نص 10 و كنت فعلا حادفع و حدثت ظروف مرض والدى و طبعا اتشغلت و مرحتش و بعدين رحتلهم فى نص شهر 10 ووجدت السيارات وصلت فعلا و السعر أصبح 89000 و السياره المعروضه هى اللى بتتباع فى السوق و هنا كانت الصدمه مره أخرى فشتان مابين التى شاهدتها فى الأول و بين هذه فالتشطيب اختلف تماما حتى فتح الباب اختلف صوته و طبعا بدون فتحة السقف و بدون الفرش الجلد و بدون جهاز الأنذار و البور ستيرنج اصبح هيدروليك بعد ان كان كهربائى و الموتور 1500 بعد ان كان 1600
بصراحه نفسي قفلت منها لأنى شاهدت العربيه الفخمه فى الأول يمكن لوكنت شفت الموجوده دلوقت فى الأول مكانش حصلى كده
بعد كده ابتدأت اعرف منكم عن الأميجراند و بدأت رحلة البحث عن اخبارها على النت وو جدت منتديات فى الكويت و السعوديه تتكلم عنها و بحكم عيشتي الطويله فى الكويت فان السوق هناك لا يصمد فيها غير المنتج القوى لأن طبيعة الجو و كثرة المعروض لا يستطيع ان ينافس فيها غير القوى و للشهاده فقد و جدت تقييمات جيده عن هذه السياره هناك و من متخصصين يقوم الوكيل هناك بتسليمهم سياره و يقوموا باستعمالها لمده من الزمن ثم يقوموا بنشر رأيهم فيها
ويوم الأربعاء الماضي قبل العيد وجدت نفسي فى المهندسين و ذهبت المعرض و شاهدتها على الطبيعه و بدون اي مجامله السياره من الخارج تبدو جميله جدا و من الداخل ايضا الفرش فخم و التابلوه متسق و كافة الكماليات متوفره و لكن طبعا الحلو ما يكملش اللتفنيش مش اوي و المعجون مابين الفواصل الداخليه كان واحد ملحوسه بصباعه و لكن فى الآخر هيه دي امكانيات العامل المصرى و على فكره اي واحد ركب مرسيدس او BM مجمعه فى مصر حيحس بالفرق على طول
ففى المجمل العربيه ماشى حالها و حلوه بالنسبه لسعرها و لا عزاء للمستهلك المصرى الذى لا يجد من يحميه من جشع التجار و سرقة الحكومه له فى صورة الجمارك و للحديث بقيه
رد مع اقتباس
إضافة رد

الكلمات الدليلية
ايمجراند 7, ايمجراند‎, emgrand, emgrand 7, geely, geely emgrand, جيلى, جيلى اميجراند, غبور

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 06:08 PM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017