يوميات سيترونتى........ الـ AX

[aymangalal]

المشاركة الأصلية كتبت بواسطة enghos فين الصور دى

الصور موجودة يا باشا يمكن المشكلة عندك فى الـ browser او الشبكة لو بتدخل من مكان شغلك

[aymangalal]

المشاركة الأصلية كتبت بواسطة ats_moh بص يا سيدى كده الموتور 1400 المشكلة فى الكباس انه نادر شوية انا بادور على الكباس علشان عربيتى ومش لاقيه ولو لاقيته متوسط سعره 250 جنيه والسربنتينة مش عارف تمنها لأنها موجودة عندى والحمد لله اما بالنسبة للسعر فانت وشاطرتك اعتقد ان 14000 كويس والله اعلم ( على فكرة انا شارى عربيتى من 25 يوم ب 8000 وصرفت عليها 3000 لحد دلوقتى) وهى ax 98

شكرا على الرد والافادة
ممكن تقولنا حالة عربيتك اللى جبتها بـ 8000 وان امكن صور عشان نشوفها لان سعرها كده اكثر من لقطة

[OSAMAAUYB]

المشاركة الأصلية كتبت بواسطة aymangalal السلام عليكم اخوانى واساتذتى الافاضل الكرامfficeffice" /> اتمنى القراءة قبل المشاهدة (ومعلش استحملوا كلامى حبتين مش حبة واحدة) اولا احب اعرفكم بنفسى اسمى ايمن جلال 33 سنة مدخل بيانات مولود ومتربى فى امبابة وحاليا مقيم بالمرج وشغلى فى العبور اشتريت العربية (سيتروينتى) فى 8/2010 واتعلمت السواقة فى 9/2010 وعرضتها للبيع 3/2011 (نظرا لضائقة مالية) والحمد لله فُرجت من وسع وتراجعت عن البيع وقررت اكمل اللى كنت بعمله وهو التوضيب والاهتمام والتطوير لانها عربية تستاهل كل مليم يتحط فيها ده غير انى كنت شارى لها حاجات بحوالى 1500ج وماكنتش ركبتهم عشان كنت عامل حسابى انى اركب كل حاجه اثناء التجديد(دوكو-سمكره-سروجى-كهرباء-ابوب-كماليات) والحمد لله انه وفقنى فى تحقيق غرضى وتنفيذ قرارى قررت اعتمد على نفسى فى حاجات كتير وخصوصا بعد ما اتعلمت من الناس الافاضل فى المنتدى ازاى اعمل حاجات كتير بنفسى واستفدت منهم جدا جدا جدا ولا انسى ان اشكرهم وادين لهم بالفضل بعد الله سبحانة وتعالى عملت حاجات كتير بنفسى ونجحت وحاجات تانية فشلت فيها سبب النجاح التوفيق من الله والتعليم من الاساتذة فى المنتدى سواء بالتوجية او الخطوات العملية او التنفيذ العملى المصحوب بشرح بالصور واسباب الفشل نسيان حسابات بعض الامور والتجربة لاول مرة(لها ضريبة فى الفشل برض) وضيق الوقت لانى شديت العربية بالكامل فى حدود اسبوعين فكنت بوصل الليل بالنهار عشان اخلص بعد ما تفرغت لها الاسبوعين دون باجازة من شغلى فابالنهار مع الصنايعية وبالليل مع نفسى ونسبة النجاح اللى قيمتها لمتطلباتى هى 85% يعنى ناقص15% من اللى كنت عايزة ويالنسبة اللى اتحققت اعتبر انى اضفت حوالى 35% على حالتها الاصلية اللى كانت عليها واللى كنت بحلم (بحلم) انها توصل لـ100% وان شاء الله بعد سنتين او ثلاثة هكمل النسبة الناقصة عشان احس انى حققت كل اللى اتمنيتة واللى حصل وتم ده بعتبرة بالنسبة لى بداية مش موضوع تجديد وشد وانتهى ملاحظات: *انا بحب العربية دى جدا لانها بتقضى احتياجاتى ومناسبة ليا تمام غير انها تتمتع بالاصالة(فرنساوى) وامكانياتها كتير بالنسبة لموديلها وسنة صنعها على الرغم من الغلو النسبى لقطع الغيار (لكن تستاهل) *الموضع كله معروض بالصور لكن للأسف مش مترتبة لانها كتير وانا نفسى توهت فى الموضوع عشان كده معلش بقى اربطوا الموضوع ببعضة فى عقولكم وبدل الشرح بعد الصور حطيت الشرح فى الصور نفسها عشان مادوخش نفسى فى البحث عن صورة معينة واحط شرحها فاللى عملته اسهل *اتمنى عدم الرد حتى اكتمال الموضع عشان اقدر ارد على اى استفسار او مناقشة لان الصور كتييييييييير فوق 160صور ومش هقدر ارفعهم مره واحده عشان كده وضع الصور هيتم على مراحل وايام لغاية ما كل الصور تخلص بعدين ننتاقش *بالنسبة لموضوع الاسعار ده انتهى خلاص بمعنى لو اشتريت حاجه بأكتر من تمنها او دفعت مصنعية اكتر من اللازم فا ده رزق وخده صاحب نصيبة عشان كده بلاش نتناقش قى موضوع الاسعار وانا عرضته فقط عشان غيرى يستفيد ويعرف متوسط سعر يفيدة فى الشراء او المصنعية وكمان جودة الصنايعية بصفة عامة موضوعة انتهى وانا ليا تققيم عليهم هقولة وبعدين نتناقش لان كل واحد اخد نصيبة وخلاص وبرضه ماحدش بيتعلم ببلاش *فى بعض الحاجات ماصورتهاش لانى فى مرحلة ما مابقاش عندى نفس لاى حاجه من التعب من النتيجة اللى جت على غير رغبتى بالاضافة الى ان بعض الوقت الكاميرا ما كانتش معا لكن ان شاء الله يكون فى صور لكل مرحلة على الاقل ومش كل مراحل التركيب متصورة لانى فى الفك والتركيب ومن الاول للآخر كنت لوحدى(ومعايا ربنا طبعا) فكان همى انى اخلص بعد ما الوقت بقى يعدى ومش بيتم انجاز المطلوب كما يجب وفى النهاية هتشوفوا الشكل النهائى واشكر كل واحد ساعد فى تجديد العربية سواء صنايعى او بياع او نصيحة او تجربة زميل فى المنتدى للتذكير ارجو عدم الرد حتى اكتمال الموضوع يتبع

امجهود رائع وجميل جدااا

[Adam Badr]

انا زعلان منك يا استاذ ايمن لاني بعتلك رسالة و كمان عملت موضوع وطلبت مسعدتك وانتا منفضلي دا انا كنت هتصل بيك علشان اسالك بس قولت بلاش اتقل عليك يلا مش مشكلة انا هتكل علي الله وربنا يسترها بئا

[aymangalal]

المشاركة الأصلية كتبت بواسطة Adam Badr انا زعلان منك يا استاذ ايمن لاني بعتلك رسالة و كمان عملت موضوع وطلبت مسعدتك وانتا منفضلي دا انا كنت هتصل بيك علشان اسالك بس قولت بلاش اتقل عليك يلا مش مشكلة انا هتكل علي الله وربنا يسترها بئا

حبيب قلبى adam اولا ماتزعلش منى وتقبل اعتذارى على تأخيرى فى الرد انا لسه داخل النهارده وبقالى اكتر من اسبوع مادخلتش
ثانيا : الانبوكس عندى كافيهوش اى رسائل من حضرتك
ثالثا: وده الاهم انى تحت امرك فى اى وقت واتصل بيا فى اى وقت ومافيش اى مشكله ده شىء يسعدنى ان اقدر اقد اى خدمة متواضعة لاى حد

اسأل زى ماتحب - واطلب زى مانت عايز وربنا يقدرنى وافيدك