الريجاتا بتطبل معايا عند سرعة 80 تحديدا

[hamaza81]

المشاركة الأصلية كتبت بواسطة samirayad لو أنت مطمن فعلا لطلمبة البنزين والبوبينا والمشط الألكترونى يبقى ده ممكن يكون عيب كاوتش صباب فهل المكنه بتاكل زيت عندك ............؟ وهل كشفت على البوجيهات بمجرد ما المكنه تبطل منك وشوقت عليها تعريق زيت ولا لا...........؟

المكنة مش بتاكل زيت، مقاس الزيت زي ماهو من ساعة ما غيرت زيت ( لسة مغير زيت من 500 كم )
حكاية الكشف على البوجيهات أنا مش عارف أعملها ازاي، انا وصلت للكابل اللي بيدخل الكهرباء للبوجيهات، بس مش عارف دا بيتلف واللا بيتشد ، ياريت لو تقولي طريقة آمنة اتأكد بيها.
وشكرا

[hamaza81]

المشاركة الأصلية كتبت بواسطة atgps ياترى نفخ الخراطيم الأمامية فقط ولا نفخ الدائرة بالكامل، يعنى المواسير أيضا حتى تانك البنزين؟ وهل يوجد فلتر بنزين بجوار تانك البنزين؟

ياباشا نفخ في مكانين، المكان الأولاني الخرطوم اللي بيوصل لطلمبة البنزين من التانك وقولتله يفتح التانك زي ما حضرتك قولت وهو راح خلى الصبي بتاعه يحط ايده على غطا التانك وسأله قاله في ضغط هوا قاله الصبي أه فيه. راح الراجل قالي الخراطيم بتاعتك نضيفة ، وبعديها راح نفخ في الخرطوم اللي طالع من الطلمبة ومدخل على فلتر البنزين اللي جنب الموتور.

[احمد على 1999]

انا عايز افصل ما بين حاجتين ال RPM و سرعة العربية
يعنى هل العربية بتفصل على السرعة دى بغض النظر عن الغيار الى واخداه
يعنى جرب على التانى اوصل للسرعة دى و لو صعبة مش مشكلة جرب على التالت
و جرب على الرابع
و لو في خامس جرب على الخامس
و شوف هل مع اختلاف النقلات بتبقى لحظة التبطيل هى هى نفس السرعة
و لا مع اختلاف النقلات لحظة التبطيل بتبقى السرعة فارقه مع كل نقلة
و لو فى عداد RPM شغال يكون احسن حاول تربط التبطيل عند RPM كام

[hamaza81]

المشاركة الأصلية كتبت بواسطة احمد على 1999 انا عايز افصل ما بين حاجتين ال RPM و سرعة العربية يعنى هل العربية بتفصل على السرعة دى بغض النظر عن الغيار الى واخداه يعنى جرب على التانى اوصل للسرعة دى و لو صعبة مش مشكلة جرب على التالت و جرب على الرابع و لو في خامس جرب على الخامس و شوف هل مع اختلاف النقلات بتبقى لحظة التبطيل هى هى نفس السرعة و لا مع اختلاف النقلات لحظة التبطيل بتبقى السرعة فارقه مع كل نقلة و لو فى عداد RPM شغال يكون احسن حاول تربط التبطيل عند RPM كام

هو بالنسبة للـ RPM موجود بس مش شغال
الموضوع مرتبط بالسرعة مش مرتبط بالنقلة يعني على الثالث أو الرابع أو الخامس أول ما توصل 80 وأحيانا أقل احس اني دايس بنزين على الفاضي والعربية ثواني وبتبطل
ياترى دا معناه ايه؟

[laser503]

المشكلة لو لم تحل حتى كتابتى هذه الرسالة فهده نصيحتى لك
تأكد أنه إنسداد فى الماسورة من التانك وإلى الموتور حتى وإن لم يكن الفلتر
الحل وهذه عن تجربه وبنفس المشكلة أن تنظف الماسورة أو الخرطوم الناقل للبنزين من التانك إلى الموتور بدفع الهواء عكسى أى أنه وضع منفاخ أو ضخ هواء شديد من نهاية الوصلة للموتور لتسليك الماسورة وبعده فك التانك ونظفه