الريجاتا بتطبل معايا عند سرعة 80 تحديدا

[ahmedraafat00]

انا تقريبا المشكله دى عندى فى عربيتى ببقى ماشى ومره واحده تقطع و تنتش بس مش لازم تفصل لما بقرص عليها بنزين بتكمل
وهيا دلوقتى عند الميكانيكى بتتصلح

[احمد على 1999]

برضه احتمال لو الكاربريتور فى بوابة تانية للسرعات العالية تكون مبتفتحش
لو فعلا الكاربريتور فيه بوابتين جرب فك العمة و بص و خلى حد يدوس دواسة البنزين على الاخر ( و العربية مبطلة )
و اتاكد ان البوابة التانية حتفتح مع دوسة الدواسة على الاخر

[mansoub504]

المشاركة الأصلية كتبت بواسطة hamaza81 طيب هو فرق الـ 80 من الـ 90 إيه ، لأن كل الناس بتقول الـ 90 أفضل وأنضف ويطول عمر الموتور ويخلي سحب العربية أحسن؟ بالنسبة للعربية هي كانت بتنتش في السرعات العالية وبتهدي وبتبطل وبتحتاج دوارة تاني. أما بعد ما غيرت طلمبة البنزين فبقت تبطل في السرعات العالية من غير تنتيش وتمشي تاني زي الفل. اللي انا فهمته كدة ان الموضوع برضة مازال في الكاربراتير بس بدل ما هو ضغط البنزين في السرعات العالية يبقى ضخ الهوا. وشكرا على الإهتمام والمتابعة

فرق اوكتيان مش فرق نقاء وفي عربيات ينفعلها ال80 ومينفعش حاجه تاني وفي عربيات ينفعلها 90 وهكذا لان ده علي حسبة نسبه الانضغاط المطلوبه اللي بتأثر علي عملية الانحراق والانفجار اللي بينتج عنها حركه الماتور وفي موضوع ا/ لاكي مان شرح الموضوع ده بالتفصيل
http://www.masrmotors.com/vb/showthread.php?t=22359

[hamaza81]

المشاركة الأصلية كتبت بواسطة atgps طيب ممكن تجرب حاجة الأول ومش حتكلفك حاجة!!! فك غطاء تانك البنزين وبعدين فك خرطوم البنزين اللى جاى من التانك وداخل على طلمبة البنزين وانفخ هواء فى الخرطوم ده لمدة ثوانى (ثانيتين أو ثلاثة) ولازم تكون متأكد انك فاكك غطاء تانك البنزين. ركب الخرطوم تانى فى الطلمبة واربط الكوليه ورجع غطاء التانك ان شاء الله ستجد كل شئ أصبح تمام

جزاك الله خيرا
هو انا بصراحة بقلق من الحاجات دي وعموما أنا غيرت الميكانيكي والميكانيكي الجديد قالي بس هي غالبا خراطيم البنزين محتاجة نضافة ودا تقريبا اللي حضرتك قولته، إن شاء الله هابقى أعملها وأرد عليك.

[atgps]

المشاركة الأصلية كتبت بواسطة hamaza81 جزاك الله خيرا هو انا بصراحة بقلق من الحاجات دي وعموما أنا غيرت الميكانيكي والميكانيكي الجديد قالي بس هي غالبا خراطيم البنزين محتاجة نضافة ودا تقريبا اللي حضرتك قولته، إن شاء الله هابقى أعملها وأرد عليك.

ان شاء الله بسيطة، حتلاقى سدد فى الخراطيم والمواسير الواصلة من تانك البنزين الى طلمبة البنزين وياريت الميكانيكى يشوف اذا كان هناك فلتر بجوار تانك البنزين يغيره بالمرة. وفى انتظار النتيجة.