رينو كليو 2004: مشكلة بنزين

[Ehab Nabil]

بعد التحية،

السيارة: رينو كليو 1200 موديل 2004
العطل:
من فترة عدة أشهر تعرضت لعطل غريب و هو أنه عندما أدير السيارة، تدور بلا مشاكل. و عند الضغط على دواسة البنزين أحس الدواسة تقيلة و العربية تبطل.
مع التكرار تدور السيارة فى مرة من المرات و تسير جيداً.
قمت بفحصها بنفسى بعدما غلب فيها أحد الميكانيكية، وجدت أحد الأسلاك الموجودة بالموتور بالقرب من أحد السيور و قد أكل السير غطاء السلك فيقترب منه أحياناً و أحيانا يبتعد، قمت بعزل السلك بعيداً و من وقتها السيارة تسير جيداُ بلا ظهور أخر لذلك العطل.

من شهر واحد فقط، حدثت مشكلة فى الفتيس مما أدى لتغييره بأخر استيراد، و ايضاً قمت بتركيب طرمبة باور استيرا ليست جيدة كما يجب 50% جودة.
اتعرض الآن للأتى:
أقود العربية، صوتها عالى، مش بتسحب كويس أوى زى الأول، أثناء القيادة فجأة أجد أن دواسة البنزين لا تضخ بنزين، و بعدها يحدث أحد النقاط الأتية:
1- أحياناً تفصل السيارة تماماً.
2- لا تفصل السيارة، و لكن إذا فكيت التعشيقة و ضغطت على دواسة البنزين، قد تفصل السيارة.
3- أحياناً أخرى بعد عدة ضغطات على دواسة البنزين تعود لضخ البنزين مرة أخرى و لكن مع سحب ردئ.

قمت بتنضيف البوابة و الرشاشات و مازال العيب موجوداً.

هل من إفادة؟
هل من شخص يعرف ميكانيكى رينو عبقرى و أمين فى نفس الوقت؟
أنا أعرف ميكانيكى أمين جدا، بس مالوش فى الرينو أو
و أعرف ميكانيكي جامد رينو بس مش أمناء خالص و مصلحوا عليا قبل كده و اكتشفت كذبهم...على الرغم أ،هم شاطرين بس غير أمناء أبداً

فى انتظار ردودكم الكريمة و المهمة علشان أنا بجد جبت أخرى و محبط جدا جدا و اتفحت فلوس لحد دلوقتى

[mohmedkamel]

الحرفيين فيها كتير مشكلتك فى الحساسات اختار ميكانيكى عنده جهاز كشف اعطال الكليو حتى لاتضيع وقتك وفلوسك

[احمد على 1999]

هى البوابة على واير و لا كهربا ؟

[Ehab Nabil]

أخر ما يحدث فى السيارة الآن:

فى الصباح و الجو بارد نوعا ما و سرعات عالية و مش زحمة، السيارة جيدة جدا جدا، يمكن سحبها مش أحسن حاجة بس نوعا ما كويسة.

لكن بعد الضهر أو فى الحر عامة أو لما يكون البنزين أقل من النص يحدث الأتى:
ضخ البنزين يقطع و العربية ما زالت دائرة.
لو حاولت اضغط دواسة البنزين و العربية واخدة غيار، تتخنق، أشيل من على الدواسة، تبقى أحسن، و هكذا طول ما هى واخدة غيار.
لو فكيت الغيار و بقيت ممور، لو دوست بنزين تفصل خالص.
لو فكيت الغيار و بقيت ممور و رجعت اديتها غيار من تانى ساعات تلقط و تمشى و تضخ بنزين و ساعات تقفش.
الحل بيكون إنى بأبطل العربية و أدورها تانى فتدور كويس و شوية و ترجع تعمل ده تانى.

الرجا المساعدة علشان بجد بدأت أفكر فى بيعها من كتر الإحباط

[احمد على 1999]

لو فيها صمام egr جرب افصله