الي عايزة تتعلم تركن تدخل وأقلها السر ....

[Ahmed AlGamal]

المشاركة الأصلية كتبت بواسطة tmtmali طب لو سمحتى لو عايزة اركن بالظهر انا مش بعرف اركن بظهرى خالص و يا ريت بلاش تريقة لو سمحتوا لان اكيد انتوا متعلمتوش الحاجات ده فى يوم و ليله اكيد بالممارسة ده انا كمان اصلا عندى مشكلة انى مبعرفش ارجع بظهرى يعنى مثلا لو دخلت شارع و لاقيت حد فى وشى مبعرش ارجع بظهرى مش ببقى عارفة الف الدريسكون يمن و الا شمال يا ريت تفيدونى

كله بالتمرين حضرتك تروحي في مكان فاضي و تتمرني (المكان اللي اتعلمتي فيه ) و انتي بترجعي بظهرك تحطي ايدك اليمين ورا الكرسي اللي جنبك و تبصي ورا و تبتدي تتحركي عادي مع مراعاة انك تبصي ادامك كل شوية عشان لو فيه حاجة و خصوصا لو فيه حاجات على يمينك و شمالك لان وش العربية بيرمي يمين و شمال جامد

بالنسبة لحركة الدركسيون فده خديها بتلقائية و ما تقعديش تفكري و تحسبي كتير و ما تدوخيش نفسك مع يمين و شمال و فوق و تحت هي هي زي السواقة للامام نفس الخطوات : تبصي ناحية الحاجة او الماكن اللي عايزاها و توحدي الدركسيون في اتجاهه .. مثلا هتلفي في شارع جانبي بظهرك تبصي ورا و تحودي الدركسيون ناحيته و تمشي .. لو الشارع على الجنب اللي من ناحيتك (كرسي السائق) هتحودي الدركسيون ناحية الباب بتاعك ( شمال) ... لو الشارع على الجانب اللي من ناحية اللي راكب جنبك ( كرسي الراكب الامامي) هتحودي الدركسيون ناحية اللي راكب جنبك (يمين) .. سواء ماشية للامام او الخلف العربية هتمشي ناحية الجنب اللي تلفي الدركسيون عليه

و في الناهية كل حاجة بالتمرين و التخبيط و التعود و السواقة مالهاش كتالوج .. الحاجة اللي تلاقي نفسك ضعيفة فيها اتمرني عليها

[الحمد لله]

المشاركة الأصلية كتبت بواسطة سهر الجنزوري صباح الياسمين .. ومساء النعناع ... ومحدش يجيب سيرة الليمون عشان بقا أغلي من التفاح ماااااا علينا .. بصو بقا .. انا ليا 4 سنين بس متعلمة السواقة .. واية ساقة مية مية زي ما بيقولو بس المشكلة كلها كانت فالركن .. وجوزي قعد يقلي عجلة شمال عجلة لمين وانا مش فاهمة فين العجلة دية بالظبط المهم هقلكم الطريقة بقا وسر الطبخة اولاً لو هتركني علي ايدك الشمال هتستخدمي مراية الشمال . واالعكس اكيد لكن السر في تظبيط المراية قبل الركن يعني لو هتركني جمب الرصيف ( ركزي معايا ) اظبطي المرايا بحيث تكوني شايفة الكواتش بتاع عربيتك في طرف المراية . عشان لما تقربي تقربي تقربي ... هيبان ليكي الكاوتش بتاعكي في الطرف والطرف التاني هيبان الرصيف . ولو بتركني جمب حيطة . ظبطي المرايا بحيث تكوني شايفة في طرف المراية الكشاف ألي ورا . بس مش يكون الكشاف او الكاوتش في نص المراية لا في طرفها يعني يادوب تقدري تشوفية . عشان متخبطيش العربية .. دية اول حاجة جهزني مرايتنا .. نبدء بقا الحالة الاولي لو بين عربيتين . اولا : لازم تكون المساحة اد عربيتك مرة ونص . عشان تاخدي راحتك فالركنة ولو رصيف تعدي الاسود والابيض ( التوب ) يكونو 6 ابيض 6 اسود .. زي ما انا بعمل هتركني ( نركززززززززز) هتطلعي بالعربية بتاعتك جمب العربية ألي هتركني وراها .. لحد ما مقبض بابك ألي وراا. يكون جمب كشاف العربية ألي جمبك . تاني حاجة تلفي الدركسيون كلو وانتي واقفة .. ( للنحية الي هتدخلي فيها بالعربية مش العكس ) تالت حاجة تكوني ظابطة مرايتك .. رابع حاجة ترجعي حبة حبة . خامس حاجة . اول ما يبان الرصيف مع الكاوتش ويكون الفرق قد كف الايد كدا وهوة بالتأكيد اول ما هيبان هيكون الفرق اد كف الايد ... سادس حاجة اقف والف الدركسيون . كلوو عكس الفة الاولي .. كلو وارجع تاني لحد ما يطلع ليا فالمراية اني الكاوتش بتاعي .. موازي للرصيف ومتنسيش تعدلي الدركسيون فالنص العلامة وكدا وقفلي عربيتك وانزلي بصي وادعيلي . ركنة بشوات دية يا بنات والله ولا اجدعها سواق يجبها اااة خبرة ببلاش دية . بس متغلاش عليكم والي ليها اي سؤال تسئل .. سهـــــر

شكرا ياسهورة بقاللي يومين مش بنام علشان كل ماأجي أركن ألاقي ستة طلعولي أستظراف وبعدين في الأخر واحد يتطوع ويركنها جزاكي الله خير