الي عايزة تتعلم تركن تدخل وأقلها السر ....

[asmaaa]

:ff5a34af6efe f0e643e

[Ahmed AlGamal]

لا حول ولا قوة الا بالله

كل ده عشان تركن

و ليه مرة ونص يعني؟؟ طالما اكبر من المسافة بين الفانوس الاماي اليمين و الفانوس الخلفي الشمال او العكس يبقى تجيبك عادي بمعنب اصح المسافة قد العربية بالورب عشان وانتي بتلفي و ده تقديري كده

تاني حاجة السر كله في التعود و الاحساس بالعربية و عدم الارتباك و في الركن لازم يبقى بالراحة خالص و سنة سنة و بالتكرار هتبقى سهلة .. و اهم حاجة ما تبقيش محرجة او حاسة ان الناس كلها بتتفرج عليكي عشان ما ترتبكش اركني عربيتك في نص ساعة ما حدش ليه عندك حاجة

و الفكرة في ان العجلتين الاماميتين يقدرو يتحركو بالعرض انما اللي ورا لأ فلازم تدخل الجزء اللي ورا الاول و بعدها اللي قدام هتلف العجل و يدخل بسهولة زي البرجل ... و العكس في الطلعة

[myson medo]

المشاركة الأصلية كتبت بواسطة dr_eslam_66 والله الله ينور عليكي هيا دي فعلا بالظبط الطرقة الي بيشرحوها في دول الخليج فيا لإمتحانات التحضيرية قبل الإمتحان النهائي. عموما في نقطتين مهمين جدااا إنتي نسيتي تقوليهم وقد يكون مش واخدة بالك منهم. المسافة بينك وبين العربية الي إنتي بتركني وراها وإنتي واقفة جنبها وبتظبطيها على أكرة الباب الخلفي: إن كانت كبيرة قوي بعد ما تعدلي العربية هيطلع نصها في الشارع ولو دخلتي لورى لحد ماتشوفي الرصيف في المراية زي مابتقولي وتجي تلفي الدركسيون النحية التاية وتحاولي تبقى موازية للرصيف هتخبطي في العربية الي وراكي في أغلب الأحيان (لاقدر الله) بضهر عربيتك بسبب إنك هيبقى لازمك مسافة كبيرة علشان تعدلي. أما بقى في حالة إذا كانت المسافة صغيرة (بينك وبين العربية الي قدامك) وإنتي لسة جنبها برة الركنة أصلا وكانت صغيرة بشكل ملحوظ: هتدخلي وهتنفذي الخطوة الأولى لحد ماتيجي تبصي على الرصيف في المراية وإنتي داخلة هتلاقي بوز عربيتك الشمال خبط في ضهر العربية الي إنتي بتركني وراها. السر في تقديرك للمسافة قبل ماتخشي الركنة. وفيه نقطة صغيرة قااااد كدة. لما تشوفي الرصيف في المراية وتقفي ماتلفيش الدركسيون كله النحية التانية لأ خليه عدل وإرجعي بقيمة ربع أو نص عجلة الأول وبعدين إكسريه النحية التانية كامل وكملي رجوع لحد ماتلاقي الرصيف بقى موازي لفردة الكاوتش. كدة هتبقى حضنتي العربية مظبوووط بالشعرة جنب الرصيف. عموما أنصح كل سيدة ومش تريقة والله يا إما تعتمد على حد يسوقلها ويوديها ويجيبها أو على الأقل لو إضطرت تسوق تستخدم كل الإمكانيات الحديثة الي تقدر عليها. الي تقدر: تجيب كاميرا خلفية بشاشة وتركب سينسور أمامي ..... (آآآآآه أمامي فعلا بيحتاجوه) والي ماتقدرش: تركب سينسور خلفي وأمامي وماله لما فيه تكنولوجيا ما أستخدمهاش ليه. أنا شخصيا عملت كدة للجماعة في مصر لما نزلت أجازة ظبطلها كل الخبط والتجريح والقلق الي كانت عاملاه وبعدين خدت منها العربية قيمة ساعة ورجعتهالها بتقولي إنتا كان ناقص تحطلي واحد في الشنطة وواحد في الكبوت وإتنين على الكنبة الي ورى علشان كل ما أركن كل واحد فيهم يقولي حاسبي. عموما ربنا يفك عنا وعنكم زحام القاهرة والركنات تفضي والناس يبقى عندها أخلاق وتصبر على القوارير ومايعصبوش واحدة بتركن.

:fun_ rofl:

[tmtmali]

طب لو سمحتى لو عايزة اركن بالظهر انا مش بعرف اركن بظهرى خالص و يا ريت بلاش تريقة لو سمحتوا لان اكيد انتوا متعلمتوش الحاجات ده فى يوم و ليله اكيد بالممارسة ده انا كمان اصلا عندى مشكلة انى مبعرفش ارجع بظهرى يعنى مثلا لو دخلت شارع و لاقيت حد فى وشى مبعرش ارجع بظهرى مش ببقى عارفة الف الدريسكون يمن و الا شمال يا ريت تفيدونى

[svneleven]

أنصح الجميع بعدم التريقة علي الستات لأن و الله فيه ستات بتسوق و لا شوماخر نفسه. هما أه قليلين لكن موجودين يعني سمعت أن فيه واحده في الكويت وواحدة تانيه بس في الفاتيكان.هههه.
لا بجد و الله فيه منهم سواقين صح.