|
#21
29-07-2010, 10:24 PM
|
|||
|
|||
رد: اوبترا بتقطع ..ما هو السبب؟؟
يا جماعه باركولى العربية اتصلحت ومبقدش تقطع !!!
اللى حصل هو كالتالى : طبعا سمعت كلامكم وطنشت التوكيل ورحت شارع دمشق واشتريت وغيرت كل من :- 1- بوجيهات (NGK) = بخمسين جنيه 2- فلتر بنزين = 30 جنيه 3- فلتر هواء = 30 جنيه 4- تيل فرامل أمامى = 80 جنيه (نمساوى) ومصنعية 40 جنيه وبس !!!!!!!!!!! لا اسطوانة لا ديسك لا كبلات بوجيهات ... يا جماعة الحمدلله والشكر ليه اولا وليكم ثانيا  يا ريت لو حد خبير يفسرى الى حصل فى العربية عشان ما يتكررش تانى ... مش عاوز اقلكم مفيش تقطيع خالص !!!! مش قادر اقلكم السعادة الى انا فيها بعد معاناه وقلق من قطع الغيار .... أضنها تجربة ممكن ناس كتير تستفيد منها ... سلام .... 
|
|
#22
29-07-2010, 10:44 PM
|
||||
|
||||
رد: اوبترا بتقطع ..ما هو السبب؟؟
الحمد لله ياباشا, أخيرا
 .أنا أسف لو تشخيصى كان غلط, بس لو الموتور صوته بيعلى والعربية مابتتحركش ده المفروض عيب ديسك  ,الا لو كان الموتور هو اللى بيقطع وعدد اللفات غير مستقر.السرفيس اللى حضرتك عاملته ده كان المفروض يتعمل من زمان, ومتهيألى العيب كان فلتر هواء وبنزين مسدودين وكاتمين الموتور, أو البوجيهات عمرها الأفتراضى أنتهى وبتقطع ومبتديش شرارة كويسة, وغالبا هما التلات أسباب. على العموم الف مبروك وربنا يحفظهالك وما يحوجك لميكانيكى أبدا  .
__________________
|
|
#23
30-07-2010, 12:10 AM
|
||||
|
||||
|
رد: اوبترا بتقطع ..ما هو السبب؟؟
اولا اشكر الاستاذinjection على تشخيصه الصح بناء على المعلومات المقدمة من صاحب المشكلة اللى لحد ما ماكانش عارف يوصف المشكلة صح
بعد الاختبار بتاعى اللى جربه الاستاذ تامر تبين ان طقم الدبرياج سليم وبكده فعلا ممكن يكون صوت الموتور عالى بدون سحب لو البوجيهات او سلوكها وحشة بس فيه اعراض تانية كتير الاستاذ تامر كان مخبيها علينا : زى عدم انتظام الموتور او استهلاك البنزين العالى جدا او دخنة من الشكمان على العموم الحمد لله انه مبسوط
|
|
#24
30-07-2010, 08:28 AM
|
|||
|
|||
|
رد: اوبترا بتقطع ..ما هو السبب؟؟
يا استاذ thebest انا مخبتش اى حاجة عنكم خالص لسبب بسيط جدا .. الحاجات الى انت قلت عليها من دخنة شكمان ..الخ مش موجودة اصلا ... أنا ممتن ليك و لأستاذ injection .. ولو شفت ردى عليه هتعرف انى لم الومه قط على تشخيصه بلعكس انا شرحت بالحرف ايه الى حصل معايا .. بدليل ان الميكانيكى الى روحتله وصل لنفس التشخيص بالزبط واصر يفك الاسطوانة .. بس انا اصريت انى اجرب الاول بعد تغييرالبوجيهات (خصوصا بعد الاختبار بتاعك الى انا جربته) ... المهم الراجل ركب معايا وكانت المفاجأة ... لا يوجد تقطيع .. غيار أول .. تانى .. تالت .. ولا الهواء ... بصيت للميكانيكى .. مسمعتش منه غير رد وحيد "اكيد شيفورليه عامله حاجة جديدة في المتور ده" .. قلتله حصل خير .. وروحت البيت سعيد ... فيا استاذ thebest مكانش فى داعى خالص لاتهامك ليا ده ... انا كنت واضح وصريح من البداية عشان كنت عاوز احل المشكلة .. فى الاول والآخر هتيجى على دماغى لو قلت حاجة غلط ! ... وأنا متأكد ان injection فهمنى كويس بديل ان اول ما رد اعتذر لتحليله وبصراحة حركته دى خليتنى احترمه اكتر .. وليه جزيل الشكر على ردوده ومتابعته معايا ...
يا أستاذ thebest ... انا مش بهاجمك لا حاش الله ... انا اقصد بس تتمهل المرة الجايه وتسال الناس مرة واتنين قبل ما تفترض غير كده .. انا عارف الحالة المرة دى بينه شاذة وغير مألوفة وغير كل التوقعات .. يس هو ده بالظبط الى حصل .. و أكيد ناس كتير ممكن تستفيد منها قبل ما تجرى وتفك اسطوانة الدبرياج على الفاضى ... المهم ... بكرر شكرى ليك يا thebest انت و injection .. بس طلعت out منك المرة دى ... كلمة اخيرة انا هتابع المشكلة دى مع منصور شيفورليه لانى هبعتلهم اعرف ايه سر موتور شيفوليه الى بيعلى ده من غير سحب فى حالة احتياج البوجيهات للتغيير وليس الاسطوانه .. يمكن الموضوع فى حاجة جديدة احنا منعرفهاش .. او لو فيه خبير مواتير شيفوليه ممكن يفيدنا هنا .. سلام
|
|
#25
30-07-2010, 11:36 AM
|
||||
|
||||
|
رد: اوبترا بتقطع ..ما هو السبب؟؟
يا استاذ تامر انا مش بهاجم
انا حبيت اعرف الاستاذ injection ان تحليله صح 100%-------بناء على وصفك انا كل قصدى انه لازم يتم وصف المشكلة بدقة وانت طبعا مش بتخبى حاجة ---انا كنت بهزر معاك ----بس النت مش بيبين ملامح الوجه
|
 |
|
|
.
