اوبترا بتقطع ..ما هو السبب؟؟

[tamer0000]

لا هى بتقطع وبس ... الموتور بيفضل شغال ويشد لما ادوس دبرياج وابدأ اشيل رجلى بهدوء عشان أقلل التقطيع لحد ما التقطيع يختفى تماما.

[Injection]

معلش بس أصل التقطيع ممكن يكون جاى من الفتيس أو الموتور فلازم نعزل السبب, يعنى لو أنت دايس بنزين على 3000 لفة مثلا الموتور بيشتغل عادى, وهل التقطيع اللى قصدك عليه هو أن العربية بتتسحب لورا مرة واحدة, ولا أن الموتور مبيرضاش يزود عدد اللفات؟

[tamer0000]

لأ العربية لا بتسحب للوراء ولا الموتور ما بىيزاودش ... الي بيحصل ان لما ادوس بنزيل صوت الموتور بيعلى ... يعنى بيزود .. انما مفيش سحب ... لازم ادوس دبرياج وبهدوء ارفع رجلى عشان العربيه تبتدى تسحب تانى ..

[Injection]

تشخيص مبدئى 98% أسطوانة الدبرياج خلاص راحت عليها, لأن الأسطوانة هى اللى بتوصل الموتور بالجير بوكس, ولما المادة اللى عليها بتتشال بعد فترة, بتبدأ تهرب قوة الموتور ومبتنقلش كل قوة الموتور للجير بوكس, وبالتالى صوت العربية بيعلى ومفيش حاجة بتحصل, وعلى العموم أسطوانة الدبرياج من 100 الى 150 وعيب تغييرها أن المصنعية بتبقى فوق 100 جنيه حسب الميكانيكى.

[tamer0000]

بس كده مش يبقى بدرى أغير اسطوانة الدبرياج؟؟ دى زيرو ومكملتش 4 سنين.. ايه سبب انها اتكلت كده بسرعه .. دنه مشاويرى كلها طريق سريع .. على الأقل 100 كم فى اليوم ... واستخدامى للدبرياج مش عالى ... انا عامل حتى الان 75000 كم فى 3 سنين !