اسوأ سياره في القياده

[crime]

انا اسوا عربيه ركبتها ف حياتى قعدت بعديها سنتين عندى فوبيا من العربيات كانت 1300 موديل مش عارف كام وعشرين هى شكلها من بره حلو بس اركب بقى
اولا انت لما تخش تقعد على الكرسى اكنك قعدت على شلته
البنزين والدبرياج والفرامل مش جنب بعض زى محنا عارفين لاء ده كل دواسه مخاصمه التانيه الفتيش مكنش عليه جراب كانت الحديده على طول مفيش مرايات طبعا ولا فيه نور تشوف بيه بس علشان الامانه يعنى هوا كان فيه مرايه صالون مكسوره لما كنت احب اشوف اللى ورايا كنت بمسكها بايدى وابص بقى
فكرتونى بيوم عجب

[amr mohamed gad]

أنا مع الاعضاء المحترمين أن السيارة حالة وليست ماركة أو موديل

[tamerfathy82]

البولونيزززززززززز انا شفت معاها ايام سودااااا الله لا يرجعها

[hyundai 2005]

اي عربيه موديل 74 وانت نازل ممكن تعملك كوابيس وانت سايقها مش وانت نايم وبس

[yaso12]

لادا نيفا موديل 83 عبارة عن جرار زراعى اربعة راكب عربية تقيييييييلة فى كل حاجة وصوت كراكة دايرة وحاجة فل فل وبعدها ركبت 128 والله مرسيدس !!!!
مرة جربت اركن عربية صاحبى لادا 2107 موديل حاجة وتسعين وربنا نزلت اقوله انا عيل بسبب الدركسيون مشممكن باى حال من الاحوال تحود وانت واقف ابدا عايز قوة هرقل .
وشكرا