وبس يا سيدي ادوني تصريح تلاتة اشهر

[firstknight_eg]

المشاركة الأصلية كتبت بواسطة aimooo الله يحرق المرور علي الداخلية علي الرخص علي مرور فيصل بالأخص انا معرفش الموظفين والروتين هيفضلو متسلطين علينا لحد امتي انا لسه برده مرخص العربية من اسبوعين صرفتلي فيهم 1800ج ولا كانو علي البال ولا الخاطر بيعاقبو الواحد انه اشتري عربية

والله نفس التفكير، حسيت انهم بيقولوا انت هتاخد الرخص بالساهل، مش تعرف قيمتها الاول، خارج من المرور عاوز اعملها سلسلة حديد واعلقها في رقبتي

[Hisham.Elgazzar]

دول كده عاوزين يعوضوا الخساير بتاعت عربيات الشرطة من الشعب ولا اه ؟؟

[akerima]

اولا الف مبروك وعقبال النمر الدايمة - ومعلش هي بلدنا كده حنعمل فيها ايه طول ما في موظف قاعد علي شباك والتعاما ما بينك وما بينه مباشر حتفضل الرشوة والدوشه وقلة الادب ربنا يصلح الحال

[علاء الدين مطاوع]

عموما الف مبروك وحمد الله على السلامة معلش طول ما فى الاشكال الزبالة الى شوفتها فى المرور مصر مش ممكن تنظف نرجو من الله العلى القدير ان يولى علينا من يصلح
وعقبال الرخصة الدئمة

[firstknight_eg]

المشاركة الأصلية كتبت بواسطة Hisham.Elgazzar دول كده عاوزين يعوضوا الخساير بتاعت عربيات الشرطة من الشعب ولا اه ؟؟

هههه واضح انهم ناويين علي كده، وتاني حاجة شكلهم بيعلمونا الادب.

المشاركة الأصلية كتبت بواسطة akerima اولا الف مبروك وعقبال النمر الدايمة - ومعلش هي بلدنا كده حنعمل فيها ايه طول ما في موظف قاعد علي شباك والتعاما ما بينك وما بينه مباشر حتفضل الرشوة والدوشه وقلة الادب ربنا يصلح الحال

بلدنا ولازم نستحملها، ولازم نغيرها ان شاء الله، انا كنت رايح ومش ناوي ادفع ولا مليم، بس قولت يا واد اشتري نفسك وخلص، انت لو ما دفعتش هتقضي يومين تلاتة مصالحك واقفة

المشاركة الأصلية كتبت بواسطة علاء الدين مطاوع عموما الف مبروك وحمد الله على السلامة معلش طول ما فى الاشكال الزبالة الى شوفتها فى المرور مصر مش ممكن تنظف نرجو من الله العلى القدير ان يولى علينا من يصلح وعقبال الرخصة الدئمة

يا ريس هو المرور بس، لازم يبقي في مكافحة حقيقية للفساد في كل المصالح الحكومية، بس برضه انا شايف ان واحد بياخد 300 جنيه هياكل ازاي ويعيش ازاي، مرة كنت راجع من الشرقية وخت معايا امين شرطة من علي الطريق، واتكلمنا علي الدنيا والمرتبات، حلفلي ان مرتبه كله ميعديش ال 600 جنيه ومطلوب منه ايجار شقة واكل عيال ومصاريف مدارس ودوا ولبس، تفتكر يعمل ايه