انا فى مشكله ياجماعه .........فيدونى ارجوكم

[driv3r]

انا عندى مشكله يا جماعه دلوقتى رخصت العربيه اتسحبت والعربيه كانت بتاعت ظابط ولسه رخصتها مرور قوات مسلحه وانا منقلتش ملكيه المهم الرخص اتسحبت عشان الفاميه واتبعتت بعد ما تسحبت بيومين لمرور قوات مسلحه مع ان الظابط المحترم كاتبلى اسبوع فى الوصل علما بان انا من المنصوره ودلوقتى انا روحت مرور قوات مسلحه فى مدينه نصر كان يوم خميس وملحقتش الموظفين كان نص يوم وبصراحه مليش انا طولت بال للكلام ده والرخصه هناك بقالها شهرين دلوقتى اللى عاوز اعرفه 3حاجات
1: هيبقى نظام الغرامه ايه والفحص على الفاميه والكلام ده ؟؟
2: ازاى بقى اروح مدينه نصر من على الدائرى علطول ؟؟
3: لو كامين وقفنى ووريته الوصل هيلاقيه منتهى من شهرين هيبقى ايه الموقف فى الحاله دى ياترى ؟؟
ياريت حد يفدنى ياجماعه

[hazem_khidr]

بص هو في الاول و الاخر هي غلطتك انك تمشي بعربيه فاميه و كمان مش باسمك
الضابط لازم يكتب اسبوع و الرخصه تروح وقت ما تروح دي مش مشكله الضابط
المطلوب منك دلوقتي
تروح قسم شرطه تعمل مذكره فقد للايصال علشان تعرف تمشي كده
هو دا مش قانوني بس اعمله علشان تعرف تسافر
و قول ان الوصل بقاله يومين بس معاك مش شهرين
تاني حاجه تتصل بالضابط و تعرفه باللي حصل و يجي معاك المرور يوم ما تستلم الرخصه
لان التوكيل اللي معاك للبيع فقط و ليس التعامل مع المرور
و هتفحص العربيه و تطلع شهاده المخالفات جديده و تاخد الرخصه
و يستحسن تسجل العربيه باسمك افضل و اضمن حتي لو فيها ضريبه هتتنقل علي الرخصه الجديده

[driv3r]

طيب يا استاذ حازم دلوقتى افرض ان الظابط دا مش هيعرف يجى معايا هيبقى ايه الحل؟
وحوار مذكره بالوصل دا مادام مش قانونى اكيد محدش فى القسم هيقضيه ولا ايه ؟ لان الوصل مكتوب فيه التاريخ ؟
ياريت تفيدنى يا استاذ حازم علشان مروحش وارجع على الفاضى لانى بتعب من السواقه مسافات طويله

[moca_moca]

متابع لاني شاري من ظابط برضو ومن المنصوره ههههههههههههه

[mr_astra]

ما فيش كلام تانى يتقال
موظف المرور لا يمكن هايديلك الرخصة هايؤلك هات صاحبها
لو قلتلة صاحبها سافر المجر هايؤلك خلاص هاخد النمرتين واديك شهادة بيانات للمرور والشهر العقارى وتنقل العربية باسمك
للاسف انا اتحطيت فى نفس الموقف دة
وهناك فى مرور القوات المسلحة هاتضر تفحص العربية فنيا وتدفع غرامة المخالفة واعتقد بـ 50 جنية دة لو صاحبها جة معاك
هو حضرتك معاك توكيل ولا عقد بيع مسجل؟