مأساتي مع سيارات المعاقين(حازم خضر)

[hazem_khidr]

المشاركة الأصلية كتبت بواسطة lancer.style ربنا يوفقك و تخلص موضوع نحو الامية و تخلص العربية على خير بس هو التوفير هيبقى كام تقريبا على عربية نفس الحالة من مصر و لية مجربتش تعمل الفكرة دى لعربية ليك

بص يا لانسر من قبل ما نعمل الموضوع دا و حسبنا المصاريف الاساسيه
تمن العربيه و مصاريف فك الحذر و فلوس المعوق كان تمن العربيه هو نفسه تمن العربيه
في السوق يعني ما فيش اي وفر بس .
لما تيجي تشوف المنثريات اللي ادفعت تلاقيها عدت ال 2000 جنيه بالراحه
قولنا برضه مش مشكله حاله العربيه كويسه و مش خساره فيها
لما دفعنا الغرامه و الحاجات دي تمن العربيه حيقف علينا اغلي من تمنها في السوق ب 5 الاف او اكتر كمان .
يعني الموضوع مافيهوش اي وفر المكسب الحقيقي ان في عربيات حالتها تحفه

المشاركة الأصلية كتبت بواسطة AHMEDCAR قدر الله و ماشاء فعل محدش عارف الخير فين يا حزووم بس ياراجل تعمل حركه زى دى من غير ماتقولى انا عندى طلبك و معاه نحو اميه كمان و ليسانس تجاره بس مش معاه رخصه قياده ايه رايك الحمد لله على كل شيى

والله يا احمد الموضوع دا من شهر 6 اللي فات و مكنتش اعرف انه حيتطور بالمنظر دا
المشكله الحاليه ان حاليا العربيه ما ينفعش لا تتباع لاي حد من غير فك الحذر
ولازم اللي جايه العربيه باسمه هو اللي يفك حذرها شفت الورطه

المشاركة الأصلية كتبت بواسطة AHMEDCAR يالانسر سيارات المعاقيين بتيجى من غير جمارك يعنى ممكن تلاقى لانوس ب 10 الاف جنيه

مش للدرجادي يا ابو حميد اللانوس 1 هناك بتعمل في حدود 27 الف جنيه
و النوبيرا 1 برضه في نفس الحدود
النوبيرا 2 بتعمل في ال 35 و الاكتافيا في حدود 50 و الماتريكس(اسمها هناك لافيتا) برضه في الخمسينات
و البي ام الفئه التالته الدبانه بتعمل في ال 60 الف و ال70 كده يعني

[AbOnOrA]

ربنا يقويك يا حزوم ويارب تخلص على خير كفاية اوى كده طبعاً

وافتكر ان بايو زميلنا كان اول واحد يحكيلنا ويحذر من سيارات المعاقين لمشاكلها واجراءاتها

المشكلة فى العربيات ديه ان الناس بتبقى فاكره انها هتجيب عربية بتراب الفلوس وفى الحقيقة ان التكلفة فى افضل الاحوال ممكن تكون زى تكلفتها العادية او ارخص الف او الفين

بس هو فعلاً المكسب الحقيقى فى حالة العربية بس فى نفس الوقت مخاطر انك تشترى عربية مشغولة او ملعوب فيها بقت كبيرة برضو وناس كتير حصل فيهم كده فالموضوع اجمالاً بقت مشاكلة ومخاطرة اكبر من مميزاتة

[د0تامر محمد]

موضوع سيارات المعاقين لا اعرف مدى مشروعيته
لكن اعتقد ان المعاق هكذا يتاجر بعاهته
وان من يساعده يشترك معه فى أثم
وانا غير مقتنع بسياره المعاقين الا لاستخدام المعاق نفسه
حتى لا ندخل فى جدل الحرام والحلال وليس عندى رد 00 نجعلها مسأله أخلاقيه وهى لا تستقيم اخلاقيا حتى لو كانت للالتفاف حول قوانبن غبيه ونظام جمارك مستبد

[hazem_khidr]

المشاركة الأصلية كتبت بواسطة AboNoRa ربنا يقويك يا حزوم ويارب تخلص على خير كفاية اوى كده طبعاً وافتكر ان بايو زميلنا كان اول واحد يحكيلنا ويحذر من سيارات المعاقين لمشاكلها واجراءاتها المشكلة فى العربيات ديه ان الناس بتبقى فاكره انها هتجيب عربية بتراب الفلوس وفى الحقيقة ان التكلفة فى افضل الاحوال ممكن تكون زى تكلفتها العادية او ارخص الف او الفين بس هو فعلاً المكسب الحقيقى فى حالة العربية بس فى نفس الوقت مخاطر انك تشترى عربية مشغولة او ملعوب فيها بقت كبيرة برضو وناس كتير حصل فيهم كده فالموضوع اجمالاً بقت مشاكلة ومخاطرة اكبر من مميزاتة

بالضبط كده يا ابونورا
هناك بتلاقي عربيات نضيفه اوووي و عربيات برضه تعبانه و هما بيبقوا لاعبين فيها
محتاج الواحد تبقي عنيه في وسط راسه و هو بيشتري لانه لو ما اخدتش باله ممكن ياخد عربيه مشمومه و حالتها سيئه جدا

المشاركة الأصلية كتبت بواسطة fhd737 موضوع سيارات المعاقين لا اعرف مدى مشروعيته لكن اعتقد ان المعاق هكذا يتاجر بعاهته وان من يساعده يشترك معه فى أثم وانا غير مقتنع بسياره المعاقين الا لاستخدام المعاق نفسه حتى لا ندخل فى جدل الحرام والحلال وليس عندى رد 00 نجعلها مسأله أخلاقيه وهى لا تستقيم اخلاقيا حتى لو كانت للالتفاف حول قوانبن غبيه ونظام جمارك مستبد

بص يا دكتور انا بتكلم هنا عن تجربه حصلت و بوعي الناس
و لا انا ولا اي شخص معانا في المنتدي يقدر يقول اذا كان دا حلال او حرام
لاننا ببساطه مش اهل للفتوي

[c2bo]

السلام عليكم
وشكرا ياحازم على كلام حضرتك و بجد انا كنت متاكد ان الحوار هايكون كدى لكن ها عرف حضرتك ايه الغلطات على شان تعرف المشكله بتاعتك فين
اولا : حضرتك جبت معوق معاه جواب وخلاص من غير ماتسئله حتى معاه شهاده محو اميه ولا
ثانيا : حضرتك ماسئلتش الموضوع دى يخلص ازاى

وعلى فكره ياباشا المعوق الى من غير رحضه انا ببيعه من 3:4 الف جنيه ودى لانه مش معاه رخصه ولانه مش مضمون
اما المعوق الى بيكون معاه رخصه بيكون سعره يتراوح من10 : 12الف جنيه على اساس منيويل او اوتوماتيك

وان شاء الله ترخص وتفك الحظر
وانا هاشرح القواعد الاساسيه والشروط فى موضوع خاص لليحب يجيب سياره معوقين
بس ياحازم ماقوتش جبت العربيه بكام و منين

على ما اعتقد من مخزن علم الدين