باركولي اشتريت مرسيدس e230 97 بس محتاج مساعدتكم في شوية حاجات

[dr_eslam_66]

بالنسبة لموضوع الرجة وربطه بطراسي الماكينة دا في ظروف معينة فقط..
ياعني مع التغيير مابين أوضاع الفتيس وخاصتا من الـN للـ D أو R هل فيه رجة في الماكينة ولا لأ ودا لازم يكون حد فاتح الكبوت وواقف يشوف بعنيه أو قعد حد في العربية يغير الجير وإنتا لاحظ رجة الماكينة.
مرة تانية حط العربية على الـD وزود بنزين وإنتا دايس فرامل ولاكن بمقدار صغير جداااااااا وشوف تأثير ده على اهتزازات الماكينة.
لو في الحالة الأولى وفي زي خبطة أو رزعة مع التغيير يبقى غالبا هيكون قاعدة الماكينة الي تحت الجير في الحالة التانية لو فيه إهتزازات فوق المتوسطة وإنتا بتزود بنزين يبقى إنتا محتاج طقم قواعد مكنة كامل وهات الأوريجينال ويااريت يكون جديد لأني القواعد من الأجزاء الي بيكون فيها كاوتش كتير ويفضل الجديد منها بلاش المركون (بالعربي ماتجيبشي سكراب).
بالنسبة للآر بي إم أفتكر إنه كدة مظبوط.
فتحة السقف محتاجة ورشة ولازم تتفك وتشوف إيه الي مكسور منها وتغيره.
أنا حاسس بمشكلتك والله وعارف إني التقنيات والفنيات في دول الخليج كلها في ستين داهية بسبب قلة خبرة الورش والفتي الي بنتعرضله من الميكانيكية الهنود والباكستان والله وحتى المصريين والعرب إلا من رحم ربي.
الفايدة ومن الآخر وعلشان تريح بالك تاخد العربية وتروح لورشة كبيرة وماتتدايقشي من غلو المصنعية وتكون ورشة متخصصة في الألماني وهتلاقيهم في الخليج أي حد بيشتغل في الألماني بيكون ألماني على بعضه بي إم أو مرسيدس وهتلاقي عنده خبرة وإشتغل في نفس العربية قبل كدة وعلى الأقل لو ماعرفش يصلح مش هيكسر حاجة ولا يبوظها وهوا بيفك زي ما حصل معايا.
وألف مبروك عليك العربية وربنا يديلك خيرها ويكفي عنك شرها.

[خالد السيد على]

المشاركة الأصلية كتبت بواسطة bolbol_675

الرجه دى ممكن بتحصلعلشان انت بتكون مشغل المكيف والسيلره واقفه وعشق الجير على D وبالتالى عداد RPM بيكون منخفض
وهو المفروض دايما بيكون بين 5 و 10 والسياره واقفه اما مع المشى لازم يرفع
المهم
الرجه دى ممكن تكون من البوابه وفى الخليج بيسموها الدعسه اللى هيا بتخلط الهواء مع البنزين اللى هيا بتكون تحت الايرماس
ولك تحياتى